search icon
என் மலர்tooltip icon

    இந்தியா

    இந்தியாவில் கொரோனா தினசரி பாதிப்பு 2 ஆயிரத்திற்கும் கீழ் சரிவு
    X

    இந்தியாவில் கொரோனா தினசரி பாதிப்பு 2 ஆயிரத்திற்கும் கீழ் சரிவு

    • கொரோனா தொற்று பாதிப்பில் இருந்து நேற்று 3,908 பேர் நலமாகி உள்ளனர்.
    • இதுவரை குணமடைந்தவர்கள் எண்ணிக்கை 4 கோடியே 40 லட்சத்து 47 ஆயிரத்து 344 ஆக உயர்ந்துள்ளது.

    புதுடெல்லி:

    இந்தியாவில் கொரோனா பாதிப்பு கடந்த 4-ந் தேதி 1,968 ஆக இருந்தது. நேற்று முன்தினம் 2,468, நேற்று 2,529 ஆக உயர்ந்த நிலையில் இன்று மீண்டும் 2 ஆயிரத்திற்கும் கீழ் குறைந்துள்ளது.

    இதுதொடர்பாக மத்திய சுகாதாரத்துறை இன்று காலை வெளியிட்டுள்ள அறிக்கையில், கடந்த 24 மணி நேரத்தில் புதிதாக 1,997 பேர் தொற்றால் பாதிக்கப்பட்டுள்ளதாக கூறியுள்ளது. மொத்த பாதிப்பு 4 கோடியே 46 லட்சத்து 6 ஆயிரத்து 460 ஆக உயர்ந்தது. தொற்று பாதிப்பில் இருந்து நேற்று 3,908 பேர் நலமாகி உள்ளனர். இதுவரை குணமடைந்தவர்கள் எண்ணிக்கை 4 கோடியே 40 லட்சத்து 47 ஆயிரத்து 344 ஆக உயர்ந்துள்ளது.

    தற்போது ஆஸ்பத்திரிகளில் 30,362 பேர் சிகிச்சை பெற்று வருகிறார்கள். இது நேற்றை விட 1,920 குறைவாகும். தொற்று பாதிப்பால் மேலும் 9 பேர் இறந்துள்ளனர். மொத்த பலி எண்ணிக்கை 5,28,754 ஆக உயர்ந்துள்ளது.

    Next Story
    ×