ஐகூ நிறுவனம் ஏற்கனவே அறிவித்தப்படி இந்திய சந்தையில் தனது ஐகூ Z7 5ஜி ஸ்மார்ட்போனினை அறிமுகம் செய்தது. புதிய ஐகூ Z7 5ஜி ஸ்மார்ட்போனில் 6.38 இன்ச் FHD+ AMOLED ஸ்கிரீன், 90Hz ரிப்ரெஷ் ரேட் கொண்ட ஸ்கிரீன், 16MP செல்ஃபி கேமரா வழங்கப்பட்டு இருக்கிறது. இத்துடன் மீடியாடெக் டிமென்சிட்டி 920 பிராசஸர், அதிகபட்சம் 8 ஜிபி ரேம், 8 ஜிபி வரை விர்ச்சுவல் ரேம் கொண்டிருக்கிறது.
ஆண்ட்ராய்டு 13 சார்ந்த ஃபன்டச் ஒஎஸ் 13 கொண்டிருக்கும் ஐகூ Z7 5ஜி ஸ்மார்ட்போன் இரண்டு ஆண்டுகளுக்கு ஒஎஸ் அப்டேட், மூன்று ஆண்டுகளுக்கு மாதாந்திர செக்யுரிட்டி பேட்ச்களை பெற இருக்கிறது. புகைப்படங்களை எடுக்க 64MP பிரைமரி கேமரா, OIS, EIS, 2MP டெப்த் கேமரா வழங்கப்பட்டுள்ளது.
பிளாஸ்டிக் பேக் கொண்டிருக்கும் ஐகூ Z7 5ஜி ஸ்மார்ட்போன் இன் டிஸ்ப்ளே கைரேகை சென்சார், 4500 எம்ஏஹெச் பேட்டரி, 44 வாட் ஃபாஸ்ட் சார்ஜிங் வசதி கொண்டிருக்கிறது. இது ஸ்மார்ட்போனை 25 நிமிடங்களில் 50 சதவீதம் வரை சார்ஜ் செய்துவிடும்.
ஐகூ Z7 5ஜி அம்சங்கள்:
6.38 இன்ச் 2400x1080 பிக்சல் FHD+ AMOLED ஸ்கிரீன், 90Hz ரிப்ரெஷ் ரேட்
ஸ்காட் சென்சேஷன் கிளாஸ் பாதுகாப்பு
ஆக்டா கோர் மீடியாடெக் டிமென்சிட்டி 920 பிராசஸர்
மாலி G-68 MC4 GPU
6 ஜிபி, 8 ஜிபி ரேம்
128 ஜிபி மெமரி
மெமரியை கூடுதலாக நீட்டிக்கும் வசதி
ஹைப்ரிட் டூயல் சிம்
ஆண்ட்ராய்டு 13 சார்ந்த ஃபன்டச் ஒஎஸ் 13
64MP பிரைமரி கேமரா
2MP டெப்த் சென்சார்
16MP செல்ஃபி கேமரா
இன் டிஸ்ப்ளே கைரேகை சென்சார்
டஸ்ட் மற்றும் ஸ்பிலாஷ் ரெசிஸ்டண்ட்
3.5mm ஆடியோ ஜாக்
5ஜி, டூயல் 4ஜி வோல்ட்இ, வைபை 6, ப்ளூடூத் 5.2
யுஎஸ்பி டைப் சி
4500 எம்ஏஹெச் பேட்டரி
44 வாட் ஃபாஸ்ட் சார்ஜிங்
விலை மற்றும் விற்பனை விவரங்கள்:
ஐகூ Z7 5ஜி ஸ்மார்ட்போன் நார்வே புளூ மற்றும் பசிபிக் நைட் என இரண்டு விதமான நிறங்களில் கிடைக்கிறது. இதன் 6 ஜிபி ரேம், 128 ஜிபி மெமரி மாடல் விலை ரூ. 18 ஆயிரத்து 999 என்றும் 8 ஜிபி ரேம், 128 ஜிபி மெமரி மாடல் விலை ரூ. 19 ஆயிரத்து 999 என நிர்ணயம் செய்யப்பட்டு உள்ளது. புதிய ஐகூ Z7 5ஜி ஸ்மார்ட்போனின் விற்பனை ஏற்கனவே துவங்கி நடைபெற்று வருகிறது.
அறிமுக சலுகையாக புதிய ஐகூ Z7 5ஜி ஸ்மார்ட்போனை வாங்குவோர் ஐசிஐசிஐ, ஹெச்டிஎப்சி வங்கி கார்டுகளை பயன்படுத்தும் போது ரூ. 1500 உடனடி தள்ளுபடி வழங்கப்படுகிறது. விவோ இ ஸ்டோரில் ரூ. 1000 இ ஸ்டோர் வவுச்சர் வழங்கப்படுகிறது. இவற்றுடன் மூன்று மாதங்கள் வரை வட்டியில்லா மாத தவணை முறை வசதி வழங்கப்படுகிறது.
