என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
புதிய கேஜெட்டுகள்
11.6 இன்ச் எல்இடி டிஸ்ப்ளேவுடன் இந்தியாவில் அறிமுகமான ஜியோபுக் - விலை எவ்வளவு தெரியுமா?
- ரிலையன்ஸ் ஜியோ நிறுவனத்தின் அதிகம் எதிர்பார்க்கப்பட்ட ஜியோபுக் இந்தியாவில் விற்பனைக்கு வந்துள்ளது.
- புதிய ஜியோபுக் லேப்டாப் எல்இடி டிஸ்ப்ளே மற்றும் 1366x768 பிக்சல் ரெசல்யூஷன் கொண்டிருக்கிறது.
ரிலையன்ஸ் ஜியோ நிறுவனம் இந்திய சந்தையில் புதிய லேப்டாப் அறிமுகம் செய்யப் போவதாக கடந்த பல மாதங்களாக தகவல்கள் வெளியாகி வந்தன. இவற்றை உண்மையாக்கும் வகையில், இந்தியாவில் ஜியோபுக் மாடல் அறிமுகம் செய்யப்பட்டு உள்ளது. புதிய ஜியோபுக் மாடல் குறைந்த விலையில் கிடைக்கிறது. அரசு ஆன்லைன் வலைதளமான GeM-இல் ஜியோபுக் விற்பனைக்கு பட்டியலிடப்பட்டு இருக்கிறது.
அந்த வகையில் GeM வலைதள விவரங்களின் படி புதிய ஜியோபுக் ஏபிஎஸ் பிளாஸ்டிக் பாடி கொண்டிருக்கிறது. இதன் டிஸ்ப்ளே பின்புறம் உள்ள மூடியில் ஜியோ லோகோ இடம்பெற்று இருக்கிறது. சற்றே தடிமனான பெசல்களை கொண்டிருக்கும் ஜியோபுக்-இல் 11.6 இன்ச் 1366x768 பிக்சல் ரெசல்யூஷன் கொண்ட எல்இடி டிஸ்ப்ளே வழங்கப்பட்டு உள்ளது. இத்துடன் குவால்காம் ஸ்னாப்டிராகன் 665 பிராசஸர் வழங்கப்பட்டு இருக்கிறது.
மெமரியை பொருத்தவரை ஜியோபுக் மாடலில் 2 ஜிபி LPDDR4X ரேம், 32 ஜிபி eMMC ஸ்டோரேஜ் வழங்கப்பட்டு இருக்கிறது. இத்துடன் HD வெப் கேமரா சப்போர்ட் உள்ளது. இந்த லேப்டாப்பில் 55.1 வாட் ஹவர் பேட்டரி வழங்கப்பட்டு உள்ளது. இது முழு சார்ஜ் செய்தால் எட்டு மணி நேரத்திற்கு பயன்படுத்த வழி செய்கிறது.
இத்துடன் 4ஜி, வைபை, ப்ளூடூத் 5 போன்ற கனெக்டிவிட்டி வசதிகள் உள்ளன. புதிய ஜியோபுக் மாடலில் ஒற்றை யுஎஸ்பி 2.0 போர்ட், யுஎஸ்பி 3.0 போர்ட், HDMI போர்ட், காம்போ போர்ட், SD கார்டு ஸ்லாட் உள்ளிட்டவை வழங்கப்பட்டு இருக்கிறது. மேலும் மல்டி-ஜெஸ்ட்யுர் வசதி கொண்ட டச்பேட், டூயல் ஸ்பீக்கர்கள், டூயல் மைக்ரோபோன்கள் வழங்கப்பட்டுள்ளன. ஜியோபுக் மாடல் ஜியோ ஒஎஸ் கொண்டிருக்கிறது.
விலை மற்றும் விற்பனை விவரங்கள்:
இந்திய சந்தையில் புதிய ஜியோபுக் மாடலின் விலை ரூ. 19 ஆயிரத்து 500 என நிர்ணயம் செய்யப்பட்டு உள்ளது. தற்போது இந்த லேப்டாப் அரசு ஊழியர்களுக்காக GeM வலைதளத்தில் கிடைக்கிறது. அனைவருக்கான விற்பனை தீபாவளி வாக்கில் துவங்கும் என எதிர்பார்க்கலாம்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்