ராஜஸ்தான்

ரைசிங் ராஜஸ்தான் உலகளாவிய முதலீட்டு மாநாட்டை தொடங்கி வைக்க இன்று பிரதமர் நரேந்திர மோடி இன்று ராஜஸ்தான் தலைநகர் ஜெய்ப்பூருக்கு வந்துள்ளார்.

இன்று முதல் 11-ந்தேதி வரை நடக்கும் இந்த மாநாட்டை தொடங்கி வைத்து பேசிய மோடி,  

தொழில்நுட்பம் மற்றும் தரவு [Information] சார்ந்த நூற்றாண்டு இது. ஜனநாயகம், மக்கள்தொகை மற்றும் தரவு ஆகியவற்றின் உண்மையான சக்தியை இந்தியா உலகுக்கு காட்டுகிறது. இன்று உலகின் ஒவ்வொரு நிபுணரும், ஒவ்வொரு முதலீட்டாளரும் இந்தியாவை பற்றி மிகவும் ஆர்வத்தடன் உள்ளனர்.

எங்கள் அரசு வளர்ச்சி மற்றும் பாரம்பரியத்தின் மந்திரத்தில் செயல்படுகிறது. இதன் மூலம் ராஜஸ்தான் பலன் அடைந்துள்ளது. இந்தியாவின் யு.பி.ஐ. டி.பி.டி, திட்டம் மற்றும் இது போன்ற பல பல தரவுகள் டிஜிட்டல் உள்கட்டமைப்பின் வலிமையை காட்டுகின்றன.

இந்தியா 11-வது பெரிய பொருளாதாரமாக மாற 7 தசாப்தங்களானது. அதே சமயம் கடந்த 10 ஆண்டுகளில் இந்தியா 5-வது பெரிய பொருளாதார நாடாக வளர்ந்துள்ளது என்று பேசினார்.

இந்த நிகழ்ச்சியை முடித்துக்கொண்டு அரியானாவில் உள்ள பானிபட் நகருக்கு செல்கிறார் மோடி.  அங்கு அவர் பெண்களுக்கு அதிகாரம் அளிக்கும் திட்டமான லைப் இன்சூரன்ஸ் கார்ப்பரேஷன் ஆப் இந்தியா (எல்.ஐ.சி.) மூலம் பீமா சகி யோஜனா திட்டத்தை தொடங்கி வைக்கிறார். இத்திட்டத்தின்படி முதல் கட்டமாக 35,000 பெண்களும், அடுத்த கட்டமாக 50,000 பெண் களும் எல்.ஐ.சி. முகவா்களாக தோ்வு செய்யப்பட உள்ளனா்.

பீமா சகி யோஜனா 

18 முதல் 50 வயதுள்ள பெண்கள், குறைந்தபட்சம் 10-ம் வகுப்பு வரை படித்து இருந்தால் விண்ணப்பிக்க முடியும். கிராமப்புற பெண்களுக்கு முன்னுரிமை அளிக்கப்படும்.

தொடக்கத்தில் சில ஆண்டுகளுக்கு முகவா் கமிஷன் தொகை மட்டுமல்லாது கூடுதலாக ஊக்கத்தொகை பெற முடியும். முகவா்கள் அதி கபட்சமாக ரூ.21,000-வரை மாத வருவாய் ஈட்ட முடியும் என தெரிவிக்கப்பட்டுஉள்ளது.

நான் தான் சிறு வயதில் காணாமல் போன உங்களது மகன் என்று கூறி நபர் ஒருவர் பல குடும்பங்களில் மோசடி செய்துள்ள சம்பவம் வெளிச்சத்துக்கு வந்துள்ளது.

பீம் என்றும் இந்திரராஜ் பல பெயர்களால் அறியப்படும் ராஜு என்பவர் ராஜஸ்தானைச் சேர்த்தவர். 1993 இல், தனக்கு ஏழு வயதாக இருந்தபோது, தான் கடத்தப்பட்டதாகவும் தன்னை குடும்பத்துடன் சேர்த்துவைக்குமாறும் போலீசை அணுகியுள்ளார்.

போலீசார் அவருக்கு ஒரு வாரத்திற்கு உணவு மற்றும் உடைகளை ஏற்பாடு செய்து சமூக ஊடகங்களில் அவரை பற்றய செய்தியை வெளியிட்டனர். அவர் தங்கள் காணாமல் போன பிள்ளைதான் என்று கூறி ஒரு குடும்பம் போலீசை அணுகி ராஜூவை தங்கள் வீட்டுக்கு அழைத்துச் சென்றது. இந்த செய்தியை ஊடகங்களும் நெகிழ்ச்சியான தருணமாக வெளியிட்டன.

ஒரு மகிழ்ச்சியான கிளைமாக்ஸ் போல தோன்றிய இது உண்மையில் மோசடி என்பது பின்னர் வெளிச்சத்துக்கு வந்தது. ராஜூவை தங்கள் வீட்டுக்கு அழைத்துச்சென்ற குடும்பதிற்கு அவர் மீது சந்தேகம் ஏற்பட்டுள்ளது.

போலீசுக்கு தெரிவிக்கப்பட்டு ராஜுவுக்கு டிஎன்ஏ பரிசோதனை மேற்கொள்ளப்பட்டது. இதில் ராஜுவின் குட்டு வெளிப்பட்டுள்ளது. கைது செய்யப்பட்ட ராஜுவிடம் நடந்த விசாரணையில் பல உண்மைகள் வெளிவந்துள்ளன.

 தெரிந்தவர்கள், உறவினர்கள் வீட்டில் ராஜு திருடுவதை வழக்கமாகக் கொண்டிருந்ததால் அவரை கடந்த 2005 ஆம் ஆண்டே வீட்டை விட்டு துரத்தியுள்ளனர்.

பின்னர் அவர் தனது அடையாளத்தை மறைத்து இதுவரை ஒன்பது வெவ்வேறு குடும்பங்களை மோசடி செய்துள்ளார். காணாமல் போன மகன் என கூறி ஒரு குடும்பத்துக்குள் செல்லும் ராஜு சிலகாலம் அங்கேயே தங்கி பின் அவர்களின் வீடுகளில் கொள்ளையடித்து, யாரிடமும் கூறாமல் அங்கிருந்து நழுவி அடுத்த குடும்பத்துக்குச் சென்றுள்ளார் . மேலும் அந்த குடும்பங்களிடம் என்ன சொத்து உள்ளது என்பதையும் அலசி ஆராய்ந்துள்ளதாகவும் போலீசார் தெரிவிக்கின்றனர்.

தனது தாயார் இறந்த பிறகு, உணவுக்காகவே மற்றவர்களின் வீடுகளில் இவ்வாறு வசித்து வந்ததாக போலீசாரிடம் ராஜு கூறியுள்ளார் . இதுவரை அவர் தனது போலி அடையாளத்துடன் இருந்த வீடுகளை தவிர்த்து மேலும் பல குடும்பங்களையும் ஏமாற்றி இருக்கலாம் என்று போலீசார் சந்தேகிக்கின்றனர். பஞ்சாப், ராஜஸ்தானின் ஜெய்சால்மர், ஹரியானாவில் ஹிசார் மற்றும் சிர்சா ஆகிய இடங்களில் இவர் இந்த மோசடிகளை அரங்கேற்றியுள்ளார். 

சூரிய மின்சக்தி ஒப்பந்தம் பெற இந்திய அரசு அதிகாரிகளுக்கு ரூ.2,029 கோடி லஞ்சம் கொடுக்க முயன்றதாக தொழிலதிபர் கவுதம் அதானி மீது நியூயார்க் நீதிமன்றத்தில் குற்றச்சாட்டு சுமத்தப்பட்டது பெரும் பரபரப்பை ஏற்படுத்தியது. இது அரசியல் ரீதியாகவும் புயலைக் கிளப்பி வருகிறது.

இந்நிலையில் இந்த குற்றச்சாட்டுகள் குறித்து ராஜஸ்தான் தலைநகர் ஜெய்ப்பூரில் நடந்த 51வது ஜெம் அண்ட்ஜூவல்லரி விருது விழாவில் அதானி பேசியுள்ளார். இந்த விவகாரம் குறித்து மேடையில் பேசிய அவர், இரண்டு வாரங்களுக்கு முன்னர், அதானி க்ரீன் எனர்ஜியின் நடைமுறைகள் குறித்து அமெரிக்காவிடமிருந்து வந்த பல குற்றச்சாட்டுகளை உங்களில் பெரும்பாலோர் படித்திருப்பீர்கள்.

இதுபோன்ற சவால்களை நாம் எதிர்கொள்வது இது முதல் முறையல்ல. ஒவ்வொரு தாக்குதலும் நம்மை வலிமையாக்குகிறது, மேலும் ஒவ்வொரு தடையும் மிகவும் உறுதியான அதானி குழுமத்திற்கு ஒரு படியாக மாறும். அதானி குழுமத்தின் வெற்றிகள் இருந்தபோதிலும், அது எதிர்கொண்ட சவால்கள் இன்னும் பெரியவை, இந்தச் சவால்கள் நம்மை உடைக்கவில்லை.

மாறாக, அவை நம்மைக் கடினமாக்கியுள்ளன, மேலும் ஒவ்வொரு வீழ்ச்சிக்குப் பிறகும், நாம் மீண்டும் எழுவோம், முன்பை விட வலிமையாக, மேலும் வலிமையுடன் எழுவோம் என்ற அசைக்க முடியாத நம்பிக்கையை நமக்கு இவை அளித்துள்ளன என்று தெரிவித்தார். மேலும் 2023 இல் வெளிவந்த ஹிண்டன்பெர்க் அறிக்கையையும் சுட்டிக்காட்டி அவர் இவ்வாறு தெரிவித்துள்ளார்.

ராஜஸ்தான் மேவார் அரசு குடும்பத்தைச் சேர்த்த இரு பிரிவினரிடையே ஏற்பட்டுள்ள பிரச்சனை உதய்பூர் அரண்மனையில் மோதலாக வெடித்துள்ளது. மேவார் அரச குடும்பத்தின் 77-வது மேவார் மகாராஜாவாக பாஜக எம்.எல்.ஏவும் அரச குடும்பத்தைச் சேர்ந்தவருமான விஷ்வராஜ் சிங் மேவார் முடிசூட்டிக்கொண்டார். மன்னர் குடும்பத்தைச் சேர்த்த விஸ்வராஜ் சிங்கின் தந்தை மகேந்திர சிங் மேவார் கடந்த 10 ஆம் தேதி காலமானதை அடுத்து யார் முடிசூட்டுவது என்று உறவினர்களுக்கு இடையே மோதல் ஏற்பட்டுள்ளது.

இந்த சூழலில் விஷ்வராஜ் முடிசூட்டிக்கொண்டது அரண்மனை அறக்கட்டளையை நிர்வகித்து வரும் விஷ்வராஜ் சிங்கின் சித்பவாவுக்கும், ஒன்றுவிட்ட சகோதரர் லக்ஷ்ய ராஜ்ஜுக்கும் பிடிக்கவில்லை. ஏற்கவனே இவர்களுக்குள் பகை இருந்த நிலையில் நேற்று முடிசூட்டிக்கொண்ட சில மணி நேரங்களுக்குப் பிறகு சடங்கு சம்பிரதாயப்படி , விஸ்வராஜ் சிங் உதய்பூர் அரண்மனைக்கு வந்துள்ளார்.

ஆனால் அவருக்கு உள்ளே வர அனுமதி மறுக்கப்பட்டுள்ளது. மேலும் குல தெய்வ கோவிலான ஏக்லிங்நாத் கோவிலுக்குள் நுழையவும் அனுமதி மறுக்கப்பட்டது. இதனால் கோபமடைந்த விஷ்வராஜ் சிங், பாஜக எம்எல்ஏ 3என்ற தனது செல்வாக்கை பய்னபடுத்தி தனது ஆதரவாளர்களுடன் அரண்மை வசாலில் நின்றபடி உள்ளே கற்களை வீசி தாக்குதல் நடாத்தியுள்ளார்.

பதிலுக்கு அரண்மனை உள்ளே இருந்தவர்களும் கற்களை வீசியதால் மோதல் பெரிதாகி அரண்மனை பகுதியே போர்க்களம் போல காட்சி அளிக்கிறது. பதற்றம் அதிகரித்தால் அரண்மனையில் போலீஸ் குவிக்கப்பட்டுள்ளது. தாக்குதலில் விஷ்வராஜ் தரப்பில் மூன்று பேர் படுகாயமடைந்தனர். விஸ்வராக் ஆதரவாளர்களான பாஜக தொண்டர்களை போலீஸ் தடியடி நடத்தி கலைத்தது.

இரு தரப்பும் கற்களை வீசி தாக்கிக்கொள்ளும் வீடியோக்கள் சமூக வலைதளங்களில் வெளியாகியுள்ளன. அரண்மனை கதவு முன்பாக விஷ்வராஜ் சிங் தனது ஆதரவாளர்களுடன் 5 மணி நேரத்திற்கும் மேலாக நிற்பதாக தெரிகிறது.

இந்நிலையில் இந்த விவகாரத்தால் உதய்பூர் மாவட்ட ஆட்சியர் அரவிந்த் குமார் போஸ்வால் தலையிட்டுள்ளார். இரு தரப்பினருடனும் பேச்சுவார்த்தை நடத்தி வருவதாக அவர் செய்தியாளர்களிடம் தெரிவித்துள்ளார். இந்த விவகாரத்தை நீதிமன்றத்தில் தீர்க்க உள்ளதாக விஸ்வராஜ் சிங் தெரிவித்துள்ளார். 

ராஜஸ்தான் மாநிலம் ஜோத்பூரில் உள்ள அரசு மருத்துவமனையில் கடந்த 3 மாதங்களுக்கு முன்பு ஒரு பெண்ணுக்கு சிசேரியன் பிரசவம் நடந்தது. மருத்துவர்கள் அறுவை சிகிச்சையின்போது தவறுதலாக அந்த பெண்ணின் வயிற்றில் டவலை வைத்து தைத்துள்ளனர். இதையடுத்து அந்த பெண் கடுமையான வயிற்று வலியால் அவதிப்பட்டார்.

மருத்துவர்களின் அலட்சியப் போக்கை அறியாமல் பல மருத்துவமனைகள், மருத்துவர்களிடம் சென்று சுமார் 3 மாதங்களாக அந்த பெண் வயிற்று வலிக்கு சிகிச்சை பெற்றுள்ளார். ஆனாலும் வலி குறையவில்லை. இறுதியாக எய்ம்ஸ் மருத்துவமனையில் அந்த பெண்ணின் வயிற்றில் 15x10 செமீ துண்டு இருப்பது கண்டுபிடிக்கப்பட்டது.

இதையடுத்து எய்ம்ஸ் மருத்துவர்கள் அறுவை சிகிச்சை செய்து அவரது வயிற்றில் இருந்த டவலை அகற்றினர்.

வயிற்று வலி காரணமாக, அந்த பெண்ணால் குறைவாகவே சாப்பிட முடிந்துள்ளது. இது அவளது தாய்ப்பாலின் உற்பத்தியை கணிசமாகக் குறைத்துள்ளது. இதன் விளைவாக பிறந்த குழந்தைக்கு வெளியில் இருந்து பால் கொடுக்க வேண்டியிருந்தது.

இருப்பினும், சிஎம்எச்ஓ (Chief Medical Health Officer) அனில் ஜூடியா, இந்த விவகாரம் குறித்து விசாரணை நடத்த ஒரு குழுவை அமைத்துள்ளார் மற்றும் அறிக்கை கிடைத்த பிறகு நடவடிக்கை எடுப்பதாக உறுதியளித்துள்ளார்.

இதுதொடர்பாக, குடும்ப உறுப்பினர் மன்மோகன் கூறுகையில், அவர் மூன்று மாதங்களாக கடுமையான வயிற்று வலியால் அவதிப்பட்டார். ஆனால் வயிற்று வலிக்கான காரணத்தை கண்டுபிடிக்க முடியவில்லை. கூச்சமான் அரசு மருத்துவமனையிலும், மக்ரானாவில் உள்ள தனியார் மற்றும் அரசு மருத்துவமனைகளிலும் அவர் சிகிச்சை பெற்றார்.

அஜ்மீரில் கூட மருத்துவர்கள் சிடி ஸ்கேன் செய்து, அவரது வயிற்றில் ஒரு கட்டி இருப்பதாக தெரிவித்தனர். இருப்பினும், அவரை எய்ம்ஸ் மருத்துவமனைக்கு அழைத்துச் சென்றபோதுதான் மருத்துவர்களின் அலட்சியம் தெரியவந்துள்ளது.

அறுவை சிகிச்சை நிபுணர் சுபாஷ் சோனி கூறுகையில், சிடி ஸ்கேன் மூலம் அவரது வயிற்றுக்குள் ஏதோ இருப்பது தெரியவந்தது, அறுவை சிகிச்சையை முடிவு செய்ய மருத்துவர்களைத் தூண்டியது. அறுவை சிகிச்சையின்போது, ஒரு துண்டு கண்டுபிடிக்கப்பட்டது மருத்துவர்களை அதிர்ச்சிக்குள்ளாக்கியது. பெரிய அளவிலான துண்டு அந்த பெண்ணின் குடலில் சிக்கி இருந்தது. வலியைத் தாங்கிய 3 மாதங்களில், அந்தப் பெண் நிவாரணத்திற்காக பல்வேறு மருந்துகளை உட்கொண்டுள்ளார். இது அவரது உடலில் உள்ள மற்ற உறுப்புகளையும் பாதித்துள்ளது" என்றார்.

அந்த பெண் நவம்பர் 15-ந்தேதி எய்ம்ஸில் அனுமதிக்கப்பட்டார். நவம்பர் 17-ம் தேதி அறுவை சிகிச்சை செய்யப்பட்டது. அறுவை சிகிச்சை சுமார் ஐந்து மணி நேரம் நீடித்தது. சுமார் எட்டு நாட்கள் மருத்துவமனையில் இருந்த அந்த பெண் தற்போது டிஸ்சார்ஜ் செய்யப்பட்டுள்ளார்.

ராஜஸ்தானில் இறந்துவிட்டதாகக் கருதி எரியூட்டும் மேடையில் கிடத்தப்பட்ட நபர் உயிருடன் எழுந்து வந்த அதிர்ச்சி சம்பவம் நிகழ்ந்துள்ளது.

ராஜஸ்தான் மாநிலம் ஜுன்ஜுனு மாவட்டத்தில் என்ஜிஓ நடத்தும் மா சேவா சன்ஸ்தான் என்ற பராமரிப்பு இல்லத்திலிருந்த மன நலம் பாதிக்கப்பட்ட மாற்றுத்திறனாளி நபரான ரோகித்தேஷ் என்பர் கடந்த வியாழக்கிழமை உடல்நலக்குறைவு காரணமாக பகவான் தாஸ் கேதன் அரசு மருத்துவமனைக்கு அழைத்துச் செல்லப்பட்டார். சுயநினைவை இழந்து காணப்பட்ட அவர் தீவிர சிகிச்சை பிரிவில் அனுமதிக்கப்பட்டார்.

ஆனால் அவர் உடல்நிலையில் எந்த முன்னேற்றமும் இல்லாததால் அவர் உயிரிழந்து விட்டதாக அன்றைய தினமே மருத்துவர்கள் அறிவித்துள்ளனர். அவரது உடலுக்கு யாரும் பொறுப்பேற்க வராததால் மருத்துவர்கள் அவருக்கு பிரேத பரிசோதனை செய்யாமலேயே போஸ்ட் மார்ட்டம் சான்றிதழைத் தயாரித்து உடலை போலீசிடம் ஒப்படைத்துள்ளனர்.

பிணவறை குளிர்சாத Freezer-இல் அவரது உடல் 4 மணி நேரமாக வைக்கப்பட்டுள்ளது. அதன்பின் உடலை எரியூட்டுவதற்காக போலீசார் ஆம்புலன்சில் எடுத்துச் சென்றுள்ளனர். ஆனால் மேடை மீது கிடத்தப்பட்ட ரோகித்தேஷ் உடலில் திடீரென அசைவுகள் தெரிந்ததால் உடன் இருந்தவர்கள் திடுக்கிட்டனர்.

உடனே அவர் ஆம்புலன்சில் மீண்டும் மருத்துவமனைக்கு கொண்டு செல்லப்பட்டார். இந்த விவகாரம் மாவட்ட ஆட்சியர் வரை சென்ற நிலையில் இதுதொடர்பாக மருத்துவர்களிடம் விசாரணை நடத்தப்பட்டது.

இந்நிலையில் ரோகித்தேஷ் இறந்துவிட்டதாக அறிவித்த மருத்துவர்கள் மூவரை மாவட்ட ஆட்சியர் ராமாவதார் மீனா சஸ்பெண்ட் செய்து உத்தரவிட்டார். மேலும் இதுதொடர்பாக விரிவான விசாரணைக்கு அவர் உத்தரவிட்டார். ரோகித்தேஷ் உடல்நிலை பரிசோதிக்கப்பட்டு வருகிறது.

மகாராஷ்டிரா மாநிலத்தில் 288 சட்டசபை தொகுதிகளுக்கும் நேற்று முன்தினம் ஒரே கட்டமாக தேர்தல் நடைபெற்றது. நாளை வாக்குகள் எண்ணப்படுகின்றன.

தேர்தலுக்கு பிந்தைய பெரும்பாலான கருத்துக் கணிப்பில் பா.ஜ.க. கூட்டணி வெற்றி பெறும் எனத் தெரிவித்துள்ளன. சில கருத்துக்கணிப்பில் தொங்கு சட்டசபை அமையும் எனத் தெரிவித்துள்ளது.

இந்த நிலையில் மகாராஷ்டிரா மற்றும் ஜார்க்கண்ட்டில் இந்தியா கூட்டணி பெற்றி பெறும் என ராஜஸ்தான் காங்கிரஸ் தலைவர் சச்சின் பைலட் தெரிவித்துள்ளார்.

இது தொடர்பாக சச்சின் பைலட் கூறுகையில் "மகாராஷ்டிரா மற்றும் ஜார்க்கண்டில் இந்தியா கூட்டணி வெற்றி பெறும் என்ற நம்பிக்கை உள்ளது. தேர்தலுக்கு பிந்தைய கருத்துக் கணிப்பை பொய்யாக்குவோம். மகா விகாஸ் அகாடி ஒன்றுபட்டுள்ளது. மகாராஷ்டிராவில் மெஜாரிட்டி பெற்ற ஓரில் நாள் முதல்வர் யார் என்பது அறிவிக்கப்படும்.

பாராளுமன்றத்தில் ராகுல் காந்தியுடன் பிரியங்கா காந்தி கூட்டு சேர்ந்த பா.ஜ.க.வுக்கு தூக்கமின்மையை கொடுப்பார்கள்.

மகாராஷடிரா, ஜார்க்கண்ட் முடிவுகள் பா.ஜ.க.-வுக்கு கள உண்மையை வழங்கும்" என்றார்.

தமிழில் 'மிஸ்டர் ரோமியோ' படத்தில் கதாநாயகியாக நடித்தவர் ஷில்பா ஷெட்டி. இவர் 30 ஆண்டுகளுக்கும் மேலாக இந்தி சினிமாவில் பிரபல நடிகையாக இருந்து வருகிறார்.

ஷில்பா ஷெட்டிக்கும், தொழில் அதிபர் ராஜ்குந்த்ராவுக்கும் 2009-ல் திருமணம் நடந்தது. இவர்களுக்கு ஒரு ஆண்குழந்தை உள்ளது.

2013 ஆண்டு சல்மான் கானுடன் இணைந்து தனியார் தொலைக்காட்சி ஒன்றுக்கு ஷில்பா ஷெட்டி பேட்டி கொடுத்திருந்தார். அந்த பேட்டியில் பட்டியல் சமூகத்தினரை இழிவுபடுத்தும் வகையில் ஷில்பா ஷெட்டி பேசியதாக கூறப்படுகிறது.

இதனையடுத்து பட்டியல் சமூகத்தினரை இழிவுபடுத்தி பேசியதாக 2017 ஆம் ஆண்டு ஷில்பா ஷெட்டி மீது SC/ST வன்கொடுமை தடுப்புச் சட்டத்தின்படி வழக்கு பதியப்பட்டது.

இந்நிலையில், ஷில்பா ஷெட்டி மீது பதிவான SC/ST வன்கொடுமை தடுப்புச் சட்ட வழக்கை ராஜஸ்தான் உயர் நீதிமன்றம் ரத்து செய்துள்ளது.

ஒரு சமூகத்தை இழிவு செய்ய வேண்டும் என திட்டமிட்டு, அந்த வார்த்தையை அவர் குறிப்பிடவில்லை என நீதிபதி அருண் மோங்கா கருத்து தெரிவித்தார்.

ராஜஸ்தானில் திருமணத்தில் பட்டாசு வெடிப்பது தொடர்பான சண்டையில் மணமகன் வீட்டை சேர்ந்த நபர் பெண் வீட்டை சேர்ந்த 7 பேர் மீது வண்டியை ஏற்றியுள்ளார். ராஜஸ்தான் மாநிலம் தௌசா[Dausa] வில் மணமகள் கிராமத்தில் வைத்து திருமணம் நடைபெற உள்ளதால் மாப்பிள்ளை வீட்டார் தங்கள் ஊரிலிருந்து புறப்பட்டு அங்கு வருகை தந்துள்ளனர்.

மாப்பிளை வீட்டாரோடு தனது காரில் அவர்களின் உறவினர் ஒருவரும் வந்துள்ளார். இந்நிலையில் திருமண மண்டபத்திற்கு வெளியே பெண் வீட்டைச் சேர்ந்தவர்கள் பட்டாசு வெடித்துள்ளனர். அப்போது அங்கு தனது காரை மாப்பிளை வீட்டாரோடு வந்தவர் பார்க்கிங் செய்ய முயன்றுள்ளார்.

இதனால் அவருக்கும் பெண் வீட்டு ஆட்கள் 7 பேர் இடையே வாக்குவாதம் ஏற்பட்டது. இந்நிலையில் அந்த நபர் கோபத்தில் தனது காரை இயங்கி முன்னாள் நின்ற அந்த 7 பேர் மீதும் ஏற்றியுள்ளார். இதனால் அந்த 7 பேரும் படுகாயம் அடைந்தனர். இதுதொடர்பான வீடியோ இணையத்தில்  வெளியாகி உள்ளது.

ஜெய்ப்பூர் மருத்துவமனையில் சிகிச்சை பெற்று வரும் 7 பேரில் ஒருவரின் நிலை மோசமாக உள்ளதாக கூறப்படுகிறது. அவர்கள் மீது காரை ஏற்றிய நபர் அங்கிருந்து தப்பியோடிய நிலையில் அவரை போலீசார் தீவிரமாக தேடி வருகின்றனர்.

இந்தியாவில் 10 மாநிலங்களில் உள்ள 31 சட்டமன்ற தொகுதிகளுக்கும், கேரளாவின் வயநாடு நாடாளுமன்ற தொகுதிக்கும் இன்று [நவம்பர் 13] இடைத்தேர்தல் வாக்குப்பதிவு நடைபெற்றன. அந்த வகையில் ராஜஸ்தானில் உள்ள 7 தொகுதிகளில் இடைத்தேர்தல் வாக்குப்பதிவு நடந்தது.

இந்நிலையில் டோங்க் மாவட்டம் தியோலி - யூனியாரா சட்டமன்றத் தொகுதியில் உள்ள வாக்குச்சாவடியில் சுயேச்சை வேட்பாளர் தேர்தல் பணியில் ஈடுபட்டிருந்த சப் கலெக்டர் மீது தாக்குதல் நடத்திய சம்பவம் அப்பகுதியில் பரபரப்பை ஏற்படுத்தியுள்ளது.

இந்த தொகுதியில் சுயேட்சையாக நின்ற முன்னாள் காங்கிரஸ் பிரமுகர் நாரேஷ் மீனா சாம்ராவதாவில் உள்ள வாக்குச் சாவடியில் தேர்தல் பணிகளில் ஈடுபட்டிருந்த சப் கலெக்டர் அமித் சவுத்ரி தனது ஆட்கள் 3 பேரை அழைத்துவந்து கள்ள ஒட்டு போட முயன்றதாக குற்றம்சாட்டி அவரது அவரது கன்னத்தில் அறைந்து சரமாரியாகத் தாக்கினார். இதனைத்தொடர்ந்து போலீசார் மீனாவை அங்கிருந்து அகலச் செய்தனர். இதுதொடர்பான வீடியோ இணையத்தில் வைரலானது.

இந்த விவகாரம் பூதாகரமான நிலையில், நேற்று இரவு நரேஷ் மீனாவை போலீசார் கைது செய்ய வந்தனர். ஆனால் அவரை கைது செய்ய விடாமல் தடுத்து அவரது ஆதரவாளர்கள் எதிர்ப்பு தெரிவித்தனர். இதனால் போலீசாருக்கும், வேட்பாளரின் ஆதரவாளர்களுக்கும் இடையே மோதல் ஏற்பட்டது. வேட்பாளரின் ஆதரவாளர்கள், போலீசார் மீது கற்களை வீசி தாக்கியதுடன், வாகனங்களுக்கும் தீ வைத்தனர். இதனால் அப்பகுதியில் பெரும் பரபரப்பும் பதற்றமும் ஏற்பட்டது.

பின்னர் அங்கு ஏராளமான போலீசார் குவிக்கப்பட்டு நிலைமை கட்டுக்குள் கொண்டு வரப்பட்டது. இதனைத்தொடர்ந்து வேட்பாளர் நரேஷ் மீனா இன்று கைது செய்யப்பட்டார். இதனால் ஆத்திரமடைந்த அவரது ஆதரவாளர்கள், கிராமத்திற்கு வெளியே உள்ள நெடுஞ்சாலைக்கு சென்று மறியல் போராட்டத்தில் ஈடுபட்டனர்.

சாலையின் மத்தியில் விறகு கட்டைகளை அடுக்கி தீ வைத்தனர். இந்த வன்முறை தொடர்பாக சுமார் 60 பேர் கைது செய்யப்பட்டுள்ளனர். எனவே அப்பகுதி போர்க்களமாக காட்சியளிக்கிறது..

இந்தியாவில் 10 மாநிலங்களில் உள்ள 31 சட்டமன்ற தொகுதிகளுக்கும், கேரளாவின் வயநாடு நாடாளுமன்ற தொகுதிக்கும் இன்று [நவம்பர் 13] இடைத்தேர்தல் வாக்குப்பதிவு நடைபெற்று வருகிறது. அந்த வகையில் ராஜஸ்தானில் உள்ள 7 தொகுதிகளுளில் இடைதேர்தல் வாக்குப்பதிவு நடந்து வருகிறது.

இந்நிலையில் தியோலி - யூனியாரா சட்டமன்றத் தொகுதியில் உள்ள வாக்குச்சாவடியில் சுயேச்சை வேட்பாளர் தேர்தல் பணியில் ஈடுபட்டிருந்த சப் டிவிஷனல் மாஜிஸ்திரேட்(SDM) மீது தாக்குதல் நடத்திய சம்பவம் அப்பகுதியில் பரபரப்பை ஏற்படுத்தியுள்ளது. இந்த தொகுதிக்கு கஷ்தோர் சந்த் என்பவரை காங்கிரஸ் வேட்பாளராக நிறுத்தியது.

ஆனால் அப்பகுதியை சேர்ந்த காங்கிரஸ் பிரமுகர் நாரேஷ் மீனா கட்சி முடிவை எதிர்த்து சுயேட்சையாக மனுத் தாக்கல் செய்தார். இதனால் கட்சியில்இருந்து மீனா சஸ்பெண்ட் செய்யப்பட்டார். இதனைத் தொடர்ந்து பாரத் - ஆதிவாசி கட்சி ஆதரவுடன் பிரசாரம் சுயேட்சை கேண்டிடேட்டாக பிரசாரம் செய்தார்.

இந்நிலையில் சாம்ராவதாவில் உள்ள வாக்குச் சாவடியில் தேர்தல் பணிகளில் ஈடுபட்டிருந்த துணை நீதிபதி அமித் சவுத்ரிதனது ஆட்கள் 3 பேரை அழைத்துவந்து கள்ள ஒட்டு போட முயன்றதாக குற்றம்சாட்ய மீனா, அவரது அவரது கன்னத்தில் அறைந்து சரமாரியாக தாக்கியுள்ளார். இதனைத்தொடர்ந்து போலீசார் மீனாவை அங்கிருந்து அகலச் செய்தனர். இதுதொடர்பான வீடியோ இணையத்தில் வைரலாகி வருகிறது.

ராஜஸ்தான் மாநிலம் ஜெய்ப்பூரில் ரெயில் தண்டவாளத்தில் கார் ஓட்டி ரீல்ஸ் எடுத்த நபரை போலீசார் கைது செய்தனர்.

குடிபோதையில் இருந்ததாகக் கூறப்படும் அந்த நபர், ரெயில் தண்டவாளத்தில் தனது காரை ஓட்டி இன்ஸ்டா ரீல்ஸ் எடுக்க ஒருவர் முயன்றுள்ளார். அப்போது தண்டவாளத்தில் சரக்கு ரெயில் ஒன்று வந்துள்ளது. ரெயிலை பார்த்ததும் தண்டவாளத்தில் இருந்து காரை கீழே இறக்க அவர் முயன்றுள்ளார். ஆனால் கார் தண்டவாளத்தில் சிக்கியது.

தண்டவாளத்தில் கார் இருப்பதை பார்த்த ரெயில் ஓட்டுநர் உடனடியாக ரெயிலை நிறுத்தியதால் பெரும் விபத்து தவிர்க்கப்பட்டது. இதனையடுத்து சம்பவ இடத்திற்கு போலீசார் விரைந்து வந்தனர்.

அப்போது சிலர் காரை தண்டவாளத்தை விட்டு வெளியே எடுக்க உதவி செய்தார்கள். கார் தண்டவாளத்தை விட்டு வெளியே வந்ததும் அந்த நபர் காரை வேகமாக ஓட்டி போலீசிடம் இருந்து தப்பிக்க முயன்றார்.

இதையடுத்து போலீசார் அந்த காரை துரத்திச் சென்று பிடித்து அவரை கைது செய்து அவரது காரையும் பறிமுதல் செய்தனர்.

ரயில் தண்டவாளத்தில் மக்கள் ரீல்ஸ் எடுப்பது ஒன்றும் இது முதல் முறை அல்ல. இம்மாதிரி ரீல்ஸ் எடுக்கும்போது பலரும் ரெயிலில் அடிபட்டு உயிரிழந்துள்ளனர் என்பது குறிப்பிடத்தக்கது.