ஷாட்ஸ்

எங்கள் கட்சியில் என்ன செய்ய வேண்டும் என்று சொல்வதற்கு சி.டி.ரவி யார்? என அதிமுக ஐடி பிரிவு செயலாளர் சிங்கை ராமச்சந்திரன் பதிலடி கொடுத்துள்ளார். இதேபோல் கர்நாடக பாஜகவை எப்படி நடத்த வேண்டும் என்று நாங்கள் கூறினால் ஏற்றுக்கொள்வீர்களா? என்றும் அவர் கேள்வி எழுப்பினார்.

நாளை (சனிக்கிழமை) இரவு 10.41 மணியில் இருந்து மறுநாள் 5-ந்தேதி (ஞாயிற்றுக்கிழமை) நள்ளிரவு 12.48 மணி வரை திருவண்ணாமலையில் பவுர்ணமி கிரிவலம் செல்ல உகந்த நேரம் என கோவில் நிர்வாகம் தெரிவித்துள்ளது.

தொடர்ச்சியாக மழை பெய்து வருவதால் பக்தர்களின் பாதுகாப்பு நலன் கருதி இன்று மற்றும் நாளை சதுரகிரி சுந்தரமகாலிங்கம் கோவிலுக்கு மலையேறி சென்று சாமி தரிசனம் செய்ய அனுமதி இல்லை.

முருகப்பெருமானின் அறுபடை வீடுகளில் இரண்டாம் படை வீடான திருச்செந்தூர் சுப்பிரமணிய சுவாமி கோவிலில் வருகிற 5-ந்தேதி (ஞாயிற்றுக்கிழமை) தைப்பூச திருவிழா நடக்கிறது.

ஸ்ரீரங்கம் ரெங்கநாதர் கோவில் தைத்திருவிழாவின் முக்கிய நிகழ்ச்சியான தேரோட்டம் நாளை (வெள்ளிக்கிழமை) காலை 6 மணிக்கு நடைபெறுகிறது.

தெப்ப திருவிழா நடைபெறுவதை முன்னிட்டு வருகிற 5-ம் தேதி காலை 10 மணியிலிருந்து இரவு வரையிலும் கோவிலில் உள்ள தீர்த்த கிணறுகளில் பக்தர்கள் தீர்த்தமாடவோ தரிசனம் செய்யவோ அனுமதி இல்லை என்று கோவில் நிர்வாகம் தெரிவித்துள்ளது.

சதுரகிரி சுந்தர மகாலிங்க சுவாமி கோவிலுக்கு நாளை முதல் 6-ந்தேதி வரை பக்தர்கள் மலை ஏறி சாமி தரிசனம் செய்ய அனுமதி அளிக்கப்பட்டு உள்ளது.

சென்னையில் கடைகளில் குட்கா மற்றும் புகையிலை விற்பனை அதிகரித்து வருகிறது. இதை தடுப்பதற்காக புதிய சட்டம் விரைவில் வரவிருப்பதாக அமைச்சர் மா.சுப்பிரமணியன் கூறினார்.

மத்திய அரசு இன்று தாக்கல் செய்துள்ள பட்ஜெட்டில், தனிநபர் வருமான வரி விலக்கு உச்ச வரம்பு ரூ.2.5 லட்சத்தில் இருந்து 3 லட்சமாக உயர்த்தப்பட்டுள்ளது. வரி தள்ளுபடி வரம்பும் உயர்த்தப்பட்டிருப்பதால், ஆண்டுக்கு ரூ.7 லட்சம் வரை வருவாய் ஈட்டுபவர்கள் வருமான வரி செலுத்த வேண்டிய அவசியம் இல்லை.

தற்போது ஈரோடு மாநகர எம்.ஜி.ஆர். மன்ற தலைவராக பதவி வகித்து வரும் கே.எஸ். தென்னரசு வேட்பாளராக அறிவிக்கப்பட்டுள்ளார். 65 வயதான தென்னரசு இதற்கு முன்பு அதே தொகுதியில் சட்டமன்ற உறுப்பினராக இருந்தது குறிப்பிடத்தக்கது.

மத்திய நிதி மந்திரி நிர்மலா சீதாராமன், பாராளுமன்றத்தில் இன்று பொருளாதார ஆய்வறிக்கையை தாக்கல் செய்தார். அதில், வரும் நிதியாண்டில் இந்தியாவின் பொருளாதாரம் 6 சதவீதம் முதல் 6.8 சதவீதம் வரை வளர்ச்சி அடையும் என தெரிவிக்கப்பட்டுள்ளது. மேலும், மார்ச் 2023 இல் முடிவடையும் இந்த நிதியாண்டில் பொருளாதார வளர்ச்சி 7 சதவீதமாக இருக்கும் என்றும், 2024ல் 6.5 சதவீதமாக இருக்கும் எனவும் எதிர்பார்க்கப்படுகிறது.

5 விரலும் ஒருங்கிணைந்து செயல்பட்டதால் தான் அது ஒரு கை பலம். அப்படி சென்னையில் மழை வெள்ளம் ஏற்பட்டபோது, நெடுஞ்சாலை துறை, நீர்வளத்துறை, குடிநீர் வழங்கல் துறை, காவல்துறை, மின்சாரத்துறை உள்ளிட்ட 5 துறைகளும் சிறப்பாக பணியாற்றியது என்று முதலமைச்சர் மு.க.ஸ்டாலின் பாராட்டினார்.