அழகுக் குறிப்புகள்

பெண்கள் எப்போதும் தங்கள் முகம் அழகாக இருக்க வேண்டும் என்று விரும்புவது மிகவும் இயற்கையானது. இதற்கு பல்வேறு வகையான சோப்புகள் மற்றும் ஃபேஸ் வாஷ் கிரீம்களை சோப்புகள் முகத்தை கழுவும் பழக்கம் உள்ளது.

இயற்கை அழகுக்கு செயற்கையான சோப்பும் கிரீம்களும் எதற்கு? நமது அழகு கெடாமல் இருக்கவும் அந்த அழகை அதிகரிக்கவும் ஒரு சில இயற்கை பொருட்கள் போதும். செயற்கை பொருட்களை தொடர்ந்து பயன்படுத்த வேண்டாம்.

தினமும் சோப்பு போட்டு முகத்தை கழுவுவதற்கு பதிலாக இந்த இரண்டு பொருட்களை கொண்டு முகத்தை கழுவுங்கள். வித்தியாசத்தை நன்றாக பார்க்கலாம். இது எளிதான முறையும் கூட. அது என்ன முறை என்பதை குறித்து பார்க்கலாம்.

தேவையான பொருட்கள்:

முல்தானி மெட்டி (முல்தானி மண்)

தக்காளி

இரண்டு ஸ்பூன் முல்தானி மெட்டி பொடியுடன் 2 டேபிள் ஸ்பூன் தக்காளி பழ விழுது கலந்து பேஸ்ட்டை தயார் செய்யவும். இந்த தயாரிக்கப்பட்ட பேஸ்ட்டை உங்கள் முகத்தில் தடவி 5 நிமிடம் மெதுவாக மசாஜ் செய்யவும்.

பின்னர் வட்டமாக மசாஜ் செய்வது சிறந்தது. கீழ் பக்கத்திலிருந்து மேல் பக்கமாக மசாஜ் செய்ய வேண்டும். பின் 2 நிமிடம் கழித்து சிறிது காய்ந்ததும் தண்ணீரில் முகத்தை கழுவலாம். சோப்புக்குப் பதிலாக காலையிலும் மாலையிலும் இந்த பேஸ்ட்டைப் பயன்படுத்தி முகத்தைக் கழுவவும்.

உங்கள் முகத்தில் உள்ள வெள்ளை செல்கள், கருப்பு செல்கள், முகப்பரு போன்ற அனைத்து பிரச்சனைகளும் நீங்கி முகம் பொலிவுடன் இருக்கும் என்பதில் சந்தேகம் இல்லை.

இந்த முல்தானி மெட்டி உங்கள் முகத்தில் உள்ள தேவையற்ற எண்ணெய் பசையை கட்டுப்படுத்தும். சருமத்தை மென்மையாக்குகிறது.

தக்காளி விழுது உங்கள் முகத்தில் உள்ள தேவையற்ற அழுக்குகளை அகற்ற உதவுகிறது. அதுமட்டுமின்றி, இந்த தக்காளி பழ விழுது உங்கள் சரும நிறத்தை அதிகரிக்கும் என்பதில் சந்தேகமில்லை.

இந்த முறையை தினமும் தொடர்ந்து பயன்படுத்தினால், உங்கள் முகத்தில் நிச்சயம் வித்தியாசம் தெரியும் என்பதில் சந்தேகம் இல்லை.

பல வகையான ஃபேஸ் மாஸ்க் ஒவ்வொரு முக சருமத்திற்கு ஏற்ப மாறுபடும். ஆனால் நம்முடைய சருமத்திற்கு எந்த ஃபேஸ் மாஸ்க் நல்ல பலன் அளிக்கும் என்பதை அறிந்து அதனை பயன்படுத்தி வந்தால் நல்ல பலன் கிடைக்கும்.

நாம் முகத்துக்கு பயன்படுத்தப்படும் சார்க்கோல் என்பது ஆக்டிவேட்டடு சார்க்கோல் ஆகும். ஆக்டிவேட்டடு சார்க்கோல் என்பது கார்பனின் பதப்படுத்தப்பட்ட வடிவம் ஆகும்.

இது அழகு சாதனப்பொருட்களில் பரவலாக பயன்படுத்தப்படுவதோடு மற்ற துறைகளிலும் பயன்படுத்தப்படுகிறது. சார்க்கோல் பயன்பாடு சருமத்திற்கு பல்வேறு நன்மைகளை தருகிறது.

சருமத்தின் துளைகளில் இருக்கும் துகள்களை ஆழமாக சுத்தம் செய்ய இந்த சார்கோல் ஃபேஸ் மாஸ்க், மிகவும் பயனுள்ளதாக இருக்கும்.

சருமத்தில் இருக்கும் துகள்களால் சருமம் எளிதில் வெடிப்பு, எண்ணெய் பசை போன்றவற்றை உண்டாக்கும். இதை எளிதில் சரிசெய்வதற்கு சார்கோல் ஃபேஸ் மாஸ்க் உதவுகிறது.

சார்கோல், அடைப்பை சரி செய்து சருமத்தை சுத்தமாக்க உதவுகிறது. இதனால் சருமத்தில் தொற்று முகப்பரு போன்றவை குறைகிறது.

அதிகப்படியான வியர்வை, திறந்த காயம், அழுக்குப்படிவது மற்றும் முகச்சீர்ப்படுத்தும் கருவிகளை பலரும் பயன்படுத்துவது போன்ற காரணங்களால் சருமத்தில் அழுக்குகள் தேங்கும். அப்போது சார்கோல் பயன்படுத்தினால், நல்ல பலனைத் தரும்.

ஆக்டிவேட்டட் கரித்தூளில் உள்ள துகள்கள் சருமத்தில் இறந்த சரும செல்களை துடைக்க உதவுகிறது. மேலும் பளிச்சென்ற சருமத்தை அளிக்க உதவுகிறது.

ஆக்டிவேட்டட் சார்கோல் எண்ணெய் சருமத்துக்கு சிறந்த துணையாக இருக்கும். சருமத்தில் இருக்கும் அதிகப்படியான எண்ணெயை நீக்குவதால் சருமம் வறண்டிருந்தாலும் கூட, சருமத்தின் ஈரப்பதத்தை சமநிலையில் பராமரிக்கவும் இது உதவுகிறது.

மேலும் இதை ஆலோவேரா உடன் கலந்து பயன்படுத்தலாம். இது சருமத்தில் இருக்கும் நச்சுக்களை நீக்கவும் செய்கிறது. சருமத்தை சுத்தப்படுத்துவது மட்டுமல்லாமல் நீண்ட காலத்துக்கு சீரான பிரகாசத்தையும் கொடுக்க உதவுகிறது. 

பளபளப்பான சருமத்தைப் பெற வேண்டும் என்பதில் யாருக்குத் தான் ஆசை இருக்காது? இன்று பலரும் மோசமான உணவுமுறை, ஆரோக்கியமற்ற வாழ்க்கை முறை காரணமாக பல்வேறு பிரச்சனைகளைச் சந்திக்கின்றனர். இதில் சரும பிரச்சனைகளும் அடங்கும். அவ்வாறே சருமத்தில் கரும்புள்ளிகள், எரிச்சல், வறட்சி உள்ளிட்ட பல்வேறு சரும பாதிப்புகள் ஏற்படுகிறது.

இதில் சிலர் சந்தைகளில் கிடைக்கும் பொருள்களை வாங்கி சரும ஆரோக்கியத்தை பராமரிக்கின்றனர். ஆனால் சில சமயங்களில் ரசாயனப் பொருள்களை பயன்படுத்துகின்றனர். இதனால் சரும பிரச்சனைகள் ஏற்படலாம். அதே சமயம், சருமத்தை உள்ளிருந்தே டிடாக்ஸ் செய்வது மிகவும் அவசியமாகும்.

தண்ணீர் அருந்துவது:

உடல் சோர்வாக உணரும்போது உடல் சில நச்சுகள் மற்றும் அதிகப்படியான கழிவுகளை உள்ளே வைத்திருப்பதற்கான வாய்ப்பு உள்ளது. இதனால் உடல் உபாதைகள் மட்டுமல்லாமல், மந்தமான தன்மை ஏற்படலாம். நாள்தோறும் குறைந்தது 2.5 லிட்டர் தண்ணீரைக் குடிப்பதன் மூலம், நச்சுகளை உடலில் இருந்து வெளியேற்றி இயற்கையான பளபளப்பைத் தருகிறது.

ஆரோக்கியமான உணவுகள்:

பால் பொருட்கள், இறைச்சி, பதப்படுத்தப்பட்ட உணவுகள் போன்றவற்றிலிருந்து விடுபட்ட உணவைத் திட்டமிட வேண்டும். உடலை சரியாக மீட்டமைக்கவும், உள்ளே இருந்து சேதத்தை சரிசெய்யவும் அழற்சி எதிர்ப்பு உணவைப் பின்பற்றுவது அவசியமாகும்.

பால் மற்றும் சர்க்கரை உணவுகள் போன்றவற்றை அதிகளவு உட்கொள்ளும் போது எரிச்சல், வீக்கம் மற்றும் முகப்பருவை ஏற்படுத்தலாம். எனவே தெளிவான சருமத்திற்கு 3 நாள் டிடாக்ஸ் டயட்டுடன் தொடங்கலாம். அதன் பிறகு, படிப்படியாக அதிகரிக்கலாம்.

மூலிகை தேநீர்:

மூலிகை தேநீர் சிறுநீரகம், நுரையீரல், குடல் மற்றும் கல்லீரல் போன்றவற்றிலிருந்து அசுத்தங்களை நீக்குவதன் மூலம் ரத்தத்தை சுத்தப்படுத்துகிறது. ஏனெனில், இதில் நச்சுக்கள் அதிகளவு காணப்படலாம்.

அதன் படி கிரீன் டீ, புதினா டீ, கெமோமில் டீ, ரூயிபோஸ் டீ போன்றவற்றில் சரும ஆரோக்கியத்திற்குத் தேவையான பல்வேறு பண்புகள் நிறைந்துள்ளது. இதனை அருந்துவது சருமத்தை டிடாக்ஸ் செய்ய உதவுகிறது.

நார்ச்சத்து நிறைந்த உணவுகள்:

குடல் ஆரோக்கியம் சரும ஆரோக்கியத்துடன் தொடர்புடையதாகும். எனவே சீரான மற்றும் ஆரோக்கியமான செரிமானப் பாதையுடன் குடல் ஆரோக்கியத்தைப் பாதுகாக்கலாம். இதற்கு நார்ச்சத்து நிறைந்த உணவுகளை எடுத்துக் கொள்வது அவசியமாகும்.

புரோபயாடிக் உணவுகள்:

நார்ச்சத்துக்களைப் போலவே புரோபயாடிக் நிறைந்த உணவுகளும் குடல் ஆரோக்கியத்திற்கு மிகுந்த நன்மை பயக்கும். ஏனெனில் இவை நல்ல பாக்டீரியாக்களின் வளர்ச்சிக்கும், வீக்கத்தை எதிர்த்துப் போராடவும் உதவுகிறது. இது உடலின் இயற்கையான நச்சு நீக்கும் வழிகளை ஆதரிப்பதன் மூலம் கல்லீரல் ஆரோக்கியமும் நன்கு பராமரிக்கப்படுகிறது.

நாம் எப்பொழுதும் நம்முடைய முகம் அடுத்தவர்கள் விரும்பும்படி அழகாக இருக்க வேண்டும் என்று முகத்தை அழகாக வைத்துக் கொள்வதற்கு பல முயற்சிகளை எடுத்துக் கொண்டு இருக்கிறோம்.

சிலருக்கு என்னதான் முகம் வெள்ளையாகவும், அழகாகவும் இருந்தாலும் அவர்களுக்கு முகம் எப்பொழுதும் வறட்சியாக காணப்படும். மேலும் வெயிலினால் அவர்களுக்கு வியர்வை வடியும் பொழுதும் முகம் பார்ப்பதற்கு சோர்வாகவும், பொலிவில்லாமலும் தோற்றமளிக்கும்.

இதனால் முகங்களில் கரும்புள்ளிகள், முகப்பருக்கள் போன்றவை வருவதற்கான வாய்ப்புகள் அதிகம் உள்ளது. இதை போக்குவதற்கு சிலர் அழகு சாதன கிரீம்களை பயன்படுத்துவார்கள்.

ஆனால் நாம் வீட்டில் உள்ள பொருட்களை வைத்து எளிதில் இதனை சரி செய்து விடலாம். முகம் வறட்சியாக இருந்தால் அதை எப்படி சரி செய்வது என்பதை பற்றி பார்க்கலாம்.

பாதம்

பாதாம் வைத்து உங்கள் முகத்தை நீங்க ஸ்கிரப் செய்து வந்தால் உங்கள் முகம் எப்போதும் ஈரப்பதமாக இருக்கும்.

முதலில் ஒரு கப் பாதாம் பவுடரில், அரை கப் ஆலிவ் எண்ணெய் சேர்த்து நன்று கலந்து பின் ஒரு டீஸ்பூன் ரோஸ் வாட்டர் சேர்த்து நன்றாக கலந்து முகத்தில் அப்ளை செய்து கொள்ளுங்கள்.

இந்த பேஸ்ட் நன்றாக உலர்ந்து காய்ந்தவுடன் குளிர்ந்த நீரால் முகத்தை நன்றாக கழுவி எடுத்தால் முகம் ஈரப்பதத்துடன் மென்மையாக காட்சியளிக்கும்.

கீரின் டீ

வறட்சியான சருமத்திற்கு கிரீன் டீ ஸ்கிரப் மிகவும் உதவியாக இருக்கும். ஒரு பவுளில் கிரீன் டீ சேர்த்து அதனுடன் ஒரு டீஸ்பூன் சர்க்கரையும் சேர்த்து நன்கு கலக்கி கொள்ளவும். இதனுடன் ஒரு டீஸ்பூன் தேன் சேர்த்து நன்றாக பேஸ்ட் போல் தயார் செய்து கொள்ளவும்.

பின்னர் இந்த கிரீன் டீ பேஸ்ட்டை நம் முகத்தில் நன்றாக தேய்த்து சிறிது நேரத்திற்கு பிறகு பேஸ்ட் உலர்ந்த பின் குளிர்ந்த நீரில் முகத்தை கழுவ வேண்டும். கிரீன் டீ ஃபேஸ் பேக் முகத்தில் உள்ள கிருமிகளை அழித்து பல நன்மைகளை உண்டாக்கும்.

தேங்காய் எண்ணெய்

தேங்காய் எண்ணெயை முகத்தில் அப்ளை செய்து வந்தால் முகத்தில் உள்ள வறட்சி நீங்கி மென்மையான மற்றும் பொலிவான சருமத்தை நமக்கு தருகிறது.

இதை செய்வதற்கு அரை கப் தேங்காய் எண்ணெய் எடுத்து இரண்டு டீஸ்பூன் அளவு சர்க்கரை சேர்த்து கலந்து கொள்ளவும், பின் இதில் ஒரு டீஸ்பூன் எலும்பிச்சை பழச்சாறையும் சேர்த்து கலந்து முகத்தில் தடவி 10 நிமிடம் கழித்து ஸ்கிரப் உலர்ந்தவுடன் தண்ணீரால் முகத்தை கழுவி எடுத்துக் கொள்ளுங்கள்.

காபி பவுடர்

காபி பவுடர் வைத்து முகத்தை ஸ்கிரப் செய்யும் போது முகத்தில் உள்ள இறந்த செல்களை அகற்றி முகத்துக்கு புத்துணர்ச்சி அளிக்கிறது. ஒரு டீஸ்பூன் அளவு காபி பவுடரை ஒரு டீஸ்பூன் அளவு தண்ணீரில் சேர்த்து நன்றாக கரைத்துக் கொள்ளவும்.

பின்னர் இதனுடன் ஒரு டீஸ்பூன் அளவு தேங்காய் எண்ணெய் சேர்த்து நன்றாக கலந்து நம் முகத்தில் ஃபேஸ் மாஸ்க் போல் அப்ளை செய்து 10 நிமிடம் கழித்து முகத்தை கழுவி எடுத்துக் கொள்ளலாம்.

மேக்கப்பை விரும்பாத பெண்கள் இருக்கமாட்டார்கள். சருமத்தை பொலிவாக்குவதற்காக விதவிதமான அழகு சாதனப்பொருட்களை கையாளுவார்கள். அவற்றை முறையாக உபயோகிக்க வேண்டும். தவறாக பயன்படுத்தி மேக்கப் செய்தாலோ, சருமத்திற்கு தீங்கு விளைவிக்கும் பழக்க வழக்கங்களை தொடர்ந்தாலோ வயதாகும் செயல்முறையை துரிதப்படுத்தலாம்.

சருமம் சோர்வாகவும், மந்தமாகவும் மாறலாம். சருமத்தை விரைவாக வயதானதாக மாற்றும் ஒப்பனை தவறுகள் பற்றியும், அவற்றை தவிர்ப்பது எப்படி என்பது பற்றியும் பார்ப்போம்.

சன்ஸ்கிரீனை தவிர்க்காதீர்கள்

முன்கூட்டியே முதுமை எட்டிப்பார்ப்பதற்கு சூரிய ஒளியே முக்கிய காரணமாக அமைந்திருக்கிறது. இளமை பருவத்தை கடப்பதற்கு முன்பே சருமத்தில் சுருக்கங்கள், கோடுகள் ஏற்படுவதற்கு வழிவகுக்கிறது. சன்ஸ்கிரீனை பயன்படுத்துவது முக்கியமல்ல. அது எஸ்.பி.எப் 30 அல்லது அதற்கு மேற்பட்டதாக இருக்க வேண்டும்.

இல்லாவிட்டால் சன்ஸ்கிரீனை பயன்படுத்தினாலும் கூட அது சருமத்திற்கு போதுமான பாதுகாப்பை வழங்காது. அத்துடன் எஸ்.பி.எப் 30-க்கு அதிகமான சன்ஸ்கிரீனை மழை, வெயில் என எதையும் பொருட்படுத்தாமல் தினமும் பயன்படுத்தும் வழக்கத்தை பின்பற்ற வேண்டும்.

வறண்ட சருமம்

ஈரப்பதமில்லாத, வறண்ட சருமத்தில் மேக்கப் செய்வது தவறான பழக்கமாகும். அது வயதை அதிகரிக்கச் செய்துவிடும். அந்த ஒப்பனை நீரேற்றம் இல்லாத பகுதிகளில் படர்வதால் கோடுகள், சுருக்கங்கள் அதிகமாக தெரியும்.

அதனை தவிர்க்க மேக்கப் செய்வதற்கு முன்பு சருமத்தை நன்கு சுத்தப்படுத்த வேண்டும், அதில் ஈரப்பதத்தை தக்க வைக்க வேண்டும். அதற்கேற்ற அழகு சாதனப்பொருட்களை பயன்படுத்தினால், சருமத்தில் மென்மைத்தன்மையை உண்டாக்கும். மேக்கப் உலர்ந்த பகுதிகளில் ஒட்டிக்கொள்வது தவிர்க்கப்படும்.

பவுண்டேஷன் பயன்பாடு

சருமத்திற்கு கூடுதல் அழகு சேர்ப்பதற்கு பலரும் பவுண்டேஷன் பயன்படுத்துவார்கள். அதனை தேர்வு செய்வதில் கூடுதல் கவனம் செலுத்த வேண்டும். ஏனெனில் அடர் பவுண்டேஷன்களை பயன்படுத்துவது சிலருக்கு எதிர்மறையான தாக்கத்தை ஏற்படுத்தும்.

காலப்போக்கில் சருமத்தில் கோடுகள், சுருக்கங்கள் தோன்றலாம். தடிமனான அடுக்கு கொண்ட பவுண்டேஷன்கள் சருமத்துளைகளை அடைத்து, உலர்வடைய செய்துவிடும். சரும எரிச்சலுக்கும் வழிவகுக்கும். அதனால் நீரேற்றத்தன்மை கொண்ட மென்மைத்தன்மையுள்ள பவுண்டேஷனை தேர்வு செய்ய வேண்டும். அவை சருமத்திற்கு அழகுடன் பாதுகாப்பையும் அளிக்கும்.

கண் பகுதியை புறக்கணித்தல்

கண்களை சுற்றியுள்ள தோல் மிகவும் மென்மையானது. அதனை முறையாக பராமரிக்காவிட்டால் விரைவில் முதுமை தோற்றம் எட்டிப்பார்க்க காரணமாகிவிடும். ஒப்பனை செய்யும்போது பலரும் கண் பகுதியை கவனிப்பதில்லை.

கனமான கன்சீலர்கள் மற்றும் கண்களுக்கு ஒவ்வாமை ஏற்படுத்தும் பொருட்களை பயன்படுத்தும்போது கண் பகுதியில் கோடுகள், சுருக்கங்கள் தோன்றக்கூடும். கண்களின் அடிப்பகுதியில் பயன்படுத்துவதற்காக பிரத்யேகமாக வடிவமைக்கப்பட்ட கண் கிரீம்கள் மற்றும் கன்சீலர்களைப் பயன்படுத்துவது நல்லது.

ஒப்பனையை அப்புறப்படுத்துதல்

எவ்வளவு சோர்வாக வீடு திரும்பினாலும் தூங்குவதற்கு முன்பு மேக்கப்பை அப்புறப்படுத்திவிட வேண்டும். இல்லாவிட்டால் மேக்கப் சருமத் துளைகளை அடைத்து, சருமத்தில் காற்றும், ஈரப்பதமும் படர்வதை தடுத்துவிடும். விரைவாக வயதான தோற்றத்திற்கும் வழிவகுத்துவிடும்.

மேக்கப்பை அகற்றுவதை புறக்கணிப்பது காலப்போக்கில் சருமத்திற்கு நீண்டகால சேதத்தை ஏற்படுத்தும். அதை தவிர்க்க தூங்க செல்வதற்கு முன்பு முகத்தை நன்கு சுத்தம் செய்ய வேண்டும். அது சருமம் புதுப்பித்தல் செயல்முறையை தொடங்குவதற்கு வித்திடும்.

காலாவதி பொருட்களை பயன்படுத்துதல்

காலாவதியான அழகுசாதனப் பொருட்களை பயன்படுத்துவது சருமத்தில் எரிச்சல், வீக்கத்தை ஏற்படுத்தும். தோல் பிரச்சனைகளை உண்டாக்கி விரைவாகவே வயதான தோற்றத்திற்கு வழிவகுத்துவிடும்.

அழகு சாதனப்பொருட்களின் காலாவதி தேதிகளைத் தவறாமல் சரிபார்ப்பதோடு, அழகு சாதன நிபுணர்கள் பரிந்துரைக்கும் பொருட்களை பயன்படுத்துவது நல்லது.

பெருவாரியான பெண்கள் முகத்திற்கு மட்டுமே அதிக முக்கியத்தும் அளிக்கின்றனர். நிறைய பெண்கள் தங்களது கழுத்தை பராமரிக்க மறந்துவிடுகின்றனர். முகத்தை விட அதிகமாக கழுத்தில் தான் நிறைய வியர்வை தங்குகிறது, மற்றும் நகை, அணிகலன் அணியும் போது நிறைய சரும பாதிப்புகள் ஏற்படுகிறது. எனவே, முகத்தை காட்டிலும் கழுத்திற்கு அதிக கவனம் செலுத்த வேண்டிய அவசியம் இருக்கிறது.

முகம் அழகாக இருப்பது எவ்வளவு முக்கியமோ அந்த அளவுக்கு கழுத்து அழகாக இருப்பதும் அவசியம். சிலரது முகம் பளபளப்பாய் டாலடிக்கும். ஆனால் கழுத்தைச் சுற்றி இருக்கும் கருமை மனதிற்கு சங்கடத்தை ஏற்படுத்திவிடும்.

* எலுமிச்சையானது இயற்கை பிளீச் ஆக செயல்படுகிறது தினசரி குளிப்பதற்கு அரை மணி நேரம் முன்பாக கழுத்தின் கருமை பகுதிகளில் எலுமிச்சை சாற்றினை தடவி ஊறவைக்கவும். பின்னர் குளிக்க கழுத்தின் கருமை படிப்படியாக மறையும்.

* முகத்தையும், கழுத்தையும் அழகாக பளிச் தோற்றத்துடன் மாற்றும் சக்தி பால்பவுடருக்கு உண்டு. ஒரு டீஸ்பூன் பால் பவுடர், ஒரு டீஸ்பூன் தேன், ஒரு டீஸ்பூன் எலுமிச்சை சாறு, அரை டீ ஸ்பூன் பாதம் எண்ணெய் கலந்து கலந்து பசை போல கலக்கவும். இந்த கலவையை முகம், கழுத்து பகுதிகளில் அப்ளை செய்யவும். 15 நிமிடம் கழித்து குளிர்ந்த நீரில் கழுவிவிடலாம். வாரம் ஒருமுறை இதுபோல் பேக் போட முகமும், கழுத்தும் பளிச் ஆகும்.

அதேபோல் ஓட்ஸ், யோகர்டு, தக்காளி ஜூஸ் கலந்து பேக் போடவும் இது கழுத்து கருமைக்கு நல்ல பலனை தரும்.

* கழுத்து கருமையை போக்குவதில் மஞ்சள்தூள் சிறந்த நிவாரணி. சிறிதளவு மஞ்சள்தூள், சிறிதளவு எலுமிச்சை சாறு கலந்து கழுத்து கருமை பகுதியில் அப்ளை செய்யவும். கழுத்துக் கருமை போகும்.

* கழுத்தின் கருமையை போக்குவதில் உருளைக்கிழங்கு சிறந்த பிளீச் ஆக செயல்படுகிறது.

உருளைக்கிழங்களை தோல் நீக்கி சீவி எடுத்துக்கொள்ளவும். அதை கழுத்துக் கருமை உள்ள பகுதிகளில் தேய்க்கலாம். பின்னர் அரை மணிநேரம் கழித்து குளிக்க கருமை படிப்படியாய் மறையும்.

* அதேபோல் தக்காளியை நன்றாக மசித்து அதனுடன் சிறிதளவு எலுமிச்சை சாறு கலந்து கழுத்து கருமை பகுதிகளில் அப்ளை செய்யவும். எளிமையான இந்த வைத்தியத்தை தினசரி செய்து வர சில வாரங்களில் கழுத்துக் கருமை சரியாகும்.

* ஆரஞ்சு சுளையை எடுத்து அதனுடன் பன்னீர் அல்லது பால் கலந்து அப்ளை செய்யவும். 15 முதல் 20 நிமிடம் ஊறவைத்து கழுவினால் கழுத்துப்பகுதி பளிச் என்று மாறும்.

* கோதுமை மாவு, ஓட்ஸ் பவுடர், பாசிப்பயறு மாவு இந்த மூன்றையும் சமமாக எடுத்து பாலுடன் திக்காக குழைத்துக் கொள்ளவும். அதை கழுத்தில் தடவி சில நிமிடங்கள் மசாஜ் செய்து 20 நிமிடம் அப்படியே விட்டு விட்டு பிறகு கழுவி விடவும். இதை தொடர்ந்து செய்து வந்தால் படிப்படியாக கருமை நிறம் மறையும்.

* தர்ப்பூசணி பழச்சாறுடன் பயத்த மாவைக் குழைத்து ஃபிரிட்ஜில் வைக்கவும். அரை மணி நேரம் கழித்து இந்தப் பேஸ்ட்டை எடுத்துக் கழுத்தில் தடவி வர, வெயிலில் வறண்டுபோன கழுத்து பளிச்சிடும்.

* ஒரு டீஸ்பூன் வெங்காயச் சாறு, சிறிது ரோஸ்வாட்டர், இரண்டு சொட்டு ஆலிவ் எண்ணெய், ஒரு ஸ்பூன் பயத்தமாவு நான்கையும் கலந்து கழுத்தில் பூசி 10 நிமிடங்கள் கழித்து கழுவினால் நாளடைவில் அந்த கறுப்பு நீங்கிவிடும்.

* பப்பாளிபழத்தின் தோல், எலுமிச்சை பழத்தோல், ஆரஞ்சு பழத்தோல் – இதில் ஏதாவது ஒன்றை கழுத்தில் நன்றாக அழுத்தி தேய்த்து வரலாம்.

* முட்டைக்கோசை அரைத்து அந்த சாறையும் கருப்பாக நிறம் மாறிய கழுத்தில் தேய்க்கலாம். இதனுடன் சிறிது தேன் அல்லது எலுமிச்சை சாறு கலந்து தேய்ப்பது கழுத்து கருமையை போக்குவதோடு மினுமினுப்பையும் தரும்.

* பயத்த மாவு, ஆலீவ் ஆயில், ரோஸ் வாட்டர் இவற்றை ஒன்றாக கலந்து கழுத்தில் பூசினாலும் படிப்படியாக கருமை நிறம் மறையும்.

* சிலருக்கு செயின் போட்டு, அதனால் பின் கழுத்து கருத்துப் போய் இருக்கும். அதனை போக்க சிறிது பால், தேன், எலுமிச்சை சாறு கலந்து கழுத்தில் தடவி 10 நிமிடம் கழித்து வெதுவெதுப்பான நீரில் அலசி விடவும். கடலை மாவு, தயிர் கலந்தும் தடவலாம்.

இன்றைய காலகட்டத்தில் ஆரோக்கியமற்ற உணவுமுறை மற்றும் மோசமான வாழ்க்கை முறை காரணமாக பலரும் பல பிரச்சனைகளை சந்திக்கின்றனர். போதிய ஊட்டச்சத்து இல்லாமை பராமரிப்பு இல்லாதது போன்றவை தலைமுடி ஆரோக்கியத்தை பாதிக்கிறது.

இதுதவிர முடியை நேராக்குவதற்கு பலரும் ஸ்ட்ரெய்ட்னரை பயன்படுத்துகின்றனர். முடியை நேராக்குவதற்கு அதிக வெப்பம் பயன்படுத்தப்படுகிறது. ஆனாலும் இது நீண்ட நாட்களுக்கு பலன் அளிக்காது.

இயற்கையாகவே வீட்டில் நாம் பயன்படுத்தும் பொருட்களை வைத்தே தலைமுடியை ஸ்ரெய்ட்னிங் செய்யலாம். இதில் முடியை நேராக்கவும், முடி சார்ந்த பிரச்சனைகளில் இருந்து விடுபடவும் வீட்டு வைத்திய முறைகள் உதவுகின்றன. அந்த வகையில் தலைமுடியை சேதப்படுத்தாமல் நீண்ட நேரான கூந்தலுக்கு உதவும் சில வீட்டு வைத்திய குறிப்புகளை பார்க்கலாம்.

கற்றாழை ஹேர் மாஸ்க்

தலைமுடிக்கு கற்றாழை பயன்படுத்தும் போது அது தலைமுடி வளர்ச்சிக்கு உதவுகிறது. தலை முடியை மிருதுவாக்குகிறது.

முதலில் அரை கப் வெதுவெதுப்பான எண்ணெய் மற்றும் அரை கப் கற்றாழை எடுத்துக்கொள்ள வேண்டும். இவை இரண்டையும் கலந்து தலைமுடிக்கு தேய்த்து 30 முதல் 40 நிமிடங்கள் வரை வைத்து பின்னர் கழுவலாம்.

வாழைப்பழ ஹேர் பேக்

வாழைப்பழம், தயிர், ஆலிவ் எண்ணெய் போன்ற 3 பொருட்கள் அனைத்துமே இயற்கை கண்டிஷனர்களால் நிரம்பியதாகும். நன்றாக பழுத்த வாழைப்பழங்களுடன் ஆலிவ் எண்ணெய், தயிர் மற்றும் தேன் கலந்து பிசைந்து பேஸ்ட் பதத்திற்கு செய்ய வேண்டும். இந்த ஹேர் மாஸ்க்கை தலைமுடியில் பூசி சிறிது நேரம் கழித்து வாஷ் செய்ய வேண்டும்.

பால் மற்றும் தேன் ஹேர் மாஸ்க்

பால் புரதச்சத்து நிறைந்தது என்பதால் இது தலைமுடியை மென்மையாக்குகிறது. முடியின் தண்டையும் பலப்படுத்துகிறது. பாலுடன் தேன் கலந்து தலையில் தேய்த்து சுமார் 2 அல்லது 3 மணிநேரம் கழித்து கழுவலாம்.

முட்டை, ஆலிவ் ஆயில்:

முட்டையும், ஆலிவ் ஆயிலும் தலைமுடிக்கு ஊட்டமளித்து நன்மைகளை அளிக்கிறது. இது தலைமுடியை நேராக்குவதற்கு உதவுகிறது. 2 முட்டை மற்றும் ஆலிவ் எண்ணெய் ஊற்றி கலந்து உச்சந்தலையில் தடவ வேண்டும். இதனை ஒரு மணிநேரம் அப்படியே வைத்திருந்து பின்னர் வாஷ் செய்யலாம். இந்த ஹேர் மாஸ்க் தலைமுடியை நேராக்கவும், மென்மையாக்கவும் உதவுகிறது.

விளக்கெண்ணெய் ஹேர் மாஸ்க்

முதலில் விளக்கெண்ணெயை சூடாக்கி தலையில் தேய்த்து மசாஜ் செய்ய வேண்டும். பின்னர் இதை சுற்றி சூடான அல்லது ஈரமான துண்டை தலையில் போர்த்தி அரைமணிநேரம் கழித்து மென்மையான ஷாம்பு போட்டு வாஷ் செய்ய வேண்டும்.

தற்போது முடி உதிர்வு என்பது இளைஞர்களிடையே காணக்கூடிய மிகப்பெரிய பிரச்சனையாக உள்ளது. முடி உதிர்வதற்கும், மீண்டும் வளருவதற்கும் பல காரணங்கள் உள்ளன. ஆனால் சிலர், முடி உதிர்வைக் கட்டுப்படுத்தவும், புதிய முடி வளரவும் எண்ணெய் தேய்க்கும் பழக்கத்தை பின்பற்றுகின்றனர்.

நாம் உண்ணும் தவறான உணவு உட்பட பல காரணங்களால் இது ஏற்படலாம். இது தவிர காற்று மாசுபாடு, மன அழுத்தம், தைராய்டு, ஹார்மோன் மாறுபாடு மற்றும் சில நோய்களுக்கு எடுத்துக்கொள்ளும் மருந்துகள் என அனைத்தும் முடி உதிர்தல் மற்றும் முடியின் ஆரோக்கியத்தை பாதிக்கக்கூடும்.

ஆனால் முடிக்கு தினமும் எண்ணெய் தேய்ப்பதன் மூலமாக அதன் ஆரோக்கியத்தை அதிகரிக்க முடியும் என நினைக்கிறோம். கூந்தலை பராமரிப்பதற்காக வாரந்தோறும் தவறாமல் எண்ணெய் குளியல் செய்பவர்களும் உண்டு.

தலைக்கு எண்ணெய் தடவினால் முடி நன்றாக வளரும் என்பது முழுமையான உண்மையல்ல. இருப்பினும், தலையில் எண்ணெய் தடவி மசாஜ் செய்வதன் மூலமாக ரத்த ஓட்டம் அதிகரிக்கிறது. இது முடி வளர்ச்சிக்கு உதவுகிறது.

முடி வளர்ச்சிக்கு எண்ணெய் தேவையில்லை என்றாலும், கூந்தலை வறட்சி இல்லாமல் பராமரிக்க இது முக்கியமானது என மருத்துவர்கள் கூறுகின்றனர். இத்தருணத்தில் நம் அனைவருக்கும் எழும் ஒருகேள்வி, யாரெல்லாம் முடிக்கு எண்ணெய் பயன்படுத்தலாம்?, பயன்படுத்தக்கூடாது? என்பது தான்.

எண்ணெய் தேய்ப்பதால் ஏற்படும் நன்மைகள்:

* தலையில் எண்ணெய் தடவுவதால் உச்சந்தலை வறண்டு போகாமல் இருப்பது. ஏனெனில் வறண்ட கூந்தல் உடைந்து நரைக்கும் வாய்ப்புள்ளது.

* வறண்ட கூந்தல் இருந்தால், தினமும் சிறிது எண்ணெயை கண்டிஷனர் போல தடவலாம். பொதுவாக தினசரி எண்ணெய் தேய்ப்பது அவசியமில்லை என்பதே நிபுணர்களின் கருத்தாகும்.

* பொதுவாக எண்ணெயில் ஃபேட்டி ஆசிட்ஸ், ஆன்டி ஆக்சிடென்ட்ஸ், வைட்டமின் ஆகியவை உள்ளன. இதனால் பளபளப்போடு, முடியில் ஏற்படக்கூடிய நுனி பிளவு, உச்சந்தலை வறட்சி, பொலிவின்மை சரி செய்யப்படுகிறது.

யார் எல்லாம் தலைக்கு எண்ணெய் வைக்கக்கூடாது?

சிலருக்கு இயற்கையாகவே தலையில் இருந்து அதிகப்படியான எண்ணெய் வெளியாகும். இந்த பிரச்சனை இருப்பவர்கள் தலைக்கு தினந்தோறும் எண்ணெய் தேய்க்கக்கூடாது.

அதேபோல் பொடுகு பிரச்சனை இருப்பவர்களும் தலைக்கு எண்ணெய் தேய்க்கக்கூடாது. ஏனெனில் எண்ணெய் காரணமாக பொடுகுத் துகள்கள் உச்சந்தலையிலும் முடியிலும் ஒட்டிக்கொள்கின்றன. எண்ணெய் பசையுள்ள உச்சந்தலையில், பொடுகு குறைவதற்குப் பதிலாக அதிகரிக்கலாம். எண்ணெய், இறந்த சரும செல்கள் சேர்ந்து, உச்சந்தலையில் அழுக்கு மற்றும் அரிப்பு ஏற்படுத்தும்.

இந்த பிரச்சனை உள்ளவர்கள் வாரத்திற்கு 2 அல்லது 3 நாட்கள் ஆயில் மசாஜ் செய்து தலைக்கு குளிப்பது நல்லது. தோல் மருந்துவர் பரிந்துரைக்கும் ஷாம்பு மற்றும் கன்டிஷனர்கள் அல்லது இயற்கையான மூலிகை பொருட்களை பயன்படுத்துவது கூடுதல் பலனளிக்கக்கூடும். 

மழைக்காலம் சருமத்தை மிகவும் பாதிப்படைய செய்கிறது. சிலருக்கு தோல் வெடிப்பு ஏற்படும் அல்லது எண்ணெய் பசைத் தன்மையுடன் இருக்கும். எனவே இந்த நேரத்தில் சருமத்தை எப்படி பாதுகாப்பாக வைத்துக்கொள்வது என்பது பற்றி இந்த பதிவில் பார்க்கலாம்.

கோடை காலத்தில் தான் சரும பிரச்சனை வரும் என்று பலர் நினைக்கிறார்கள். ஆனால் ஒவ்வொரு முறை சீசன் மாறும் போதும் சருமப் பிரச்சனை ஏற்படும். குறிப்பாக மழைக்காலத்தில் சருமத்தில் வறட்சி ஏற்பட்டு தோல் வறண்டு அரிப்பு பிரச்சனை ஏற்படும்.

மழைக்காலத்தில் சருமம் எண்ணெய் பசையாக மாறும். ஈரப்பதம் அதிகமாக இருந்தால் அதிகமாக வியர்க்கும். இதனால் முகப்பரு பிரச்சனை ஏற்படும். தோலில் இருந்து துர்நாற்றம் ஏற்படும்.

மேலும் தோலில் தடிப்புகள் ஏற்படலாம். எனவே இதனை தவிர்க்க பருத்தி ஆடைகளை அணிவது நல்லது. தோல் நோய் தொற்றுகள் மற்றும் தோல் அலற்ஜி போன்றவை ஏற்படும்.

தவிர்க்கும் வழிகள்:

வாரத்திற்கு ஒருமுறை ஸ்கின் எக்ஸ்போலியேட் செய்ய வேண்டும். இதனால் சருமத்தில் உள்ள இறந்த செல்கள் அகற்றப்பட்டு சருமம் தெளிவாகும். முகப்பரு நீங்கும்.

சன் ஸ்கிரீன் பயன்படுத்துவது அவசியம். மழைக் காலங்களிலும் சன் ஸ்கிரீன் லோஷன் பயன்படுத்த வேண்டும்.

எண்ணெய் பசை சருமம் கொண்டவராக இருந்தால் மேட் ஃபினிஷிங் சன் ஸ்கிரீன் லோஷனை பயன்படுத்த வேண்டும்.

மேக்கம் குறைவாக இருக்குமாறு பார்த்துக்கொள்ள வேண்டும். ஏனெனில் மழை காலத்தில் மேக்கம் நனைந்தாலும் அதனால் எந்த சரும பாதிப்பும் ஏற்படாது.

மாய்ஸ்சரைசர் சருமத்தை ஈரப்பதத்தில் இருந்து பாதுகாக்கிறது. மேலும் சருமத்தை வறட்சியில் இருந்து பாதுகாக்க உதவுகிறது. எண்ணெய் பசை சருமம் இருந்தால் நீர் சார்ந்த மாய்ஸ்சரைசரை தேர்வு செய்ய வேண்டும்.

மழைக்காலத்தில் எண்ணெய் பசை சருமம் கொண்டவர்கள் இரண்டு முறை லேசான ஃபேஸ் வாஷ் கொண்டு முகத்தை சுத்தம் செய்ய வேண்டும்.

டோனரை பயன்படுத்த வேண்டும். வேண்டுமானால் களிமண் ஃபேஸ் மாஸ்க் பயன்படுத்தலாம். இது எண்ணெய் தன்மையை கட்டுப்படுத்துகிறது.

ஆண்களோ பெண்களோ யாராக இருந்தாலும் தங்களை அழகாக காட்டுவதில் அதிக முக்கியத்துவம் காட்டுவார்கள். அதிலும் தங்களின் முக அழகை பராமரிக்க அதிகமாகவே முயற்சி செய்வார்கள்.

முகம் என்னதான் அழகாக இருந்தாலும் முகத்தில் கரும்புள்ளிகள் அல்லது தழும்புகள் இருப்பது முக அழகையே கெடுத்து விடும்.

ஒருவரின் அழகை முகப்பருக்கள் மட்டுமின்றி, கருமையான சிறுசிறு புள்ளிகளும், தழும்புகளும் தான் கெடுக்கின்றன. இந்த கருமையான சிறுசிறு புள்ளிகளானது அதிகமாக வெயிலில் சுற்றுவது, கெமிக்கல், ஹார்மோன் ஏற்றத்தாழ்வு, வைட்டமின் குறைபாடு, மாசுபாடு நிறைந்த சுற்றுச்சூழல், மன அழுத்தம் மற்றும் தூக்கமின்மை போன்றவைகளால் ஏற்படும். இவற்றை எளிமையான சில இயற்கை வழிகளின் மூலம் போக்க முடியும்.

* கற்றாழை ஜெல்லை ரோஸ் வாட்டர் சேர்த்து கலந்து, முகத்தில் தடவி 15 நிமிடம் ஊற வைத்து, பின் குளிர்ந்த நீரில் கழுவ வேண்டும். இப்படி தினமும் செய்து வர, முகத்தில் உள்ள கருமை படிப்படியாக முற்றிலும் அகலும்.

* முட்டையின் வெள்ளைக்கருவுடன் தயிரை சேர்த்து நன்கு அடித்து, அவற்றை முகத்தில் தடவி உலர வைத்து கழுவ வேண்டும். இப்படி இரண்டு வாரத்திற்கு ஒருமுறை செய்து வர, முகத்தில் இருக்கும் கருமை நீங்கும்.

* வெந்தயக் கீரையை அரைத்து பேஸ்ட் செய்து, முகத்தில் தடவி 30 நிமிடம் ஊற வைத்து, நன்கு உலர்ந்ததும் குளிர்ந்த நீரில் கழுவ வேண்டும். இப்படி அடிக்கடியோ அல்லது வாரம் 3 முதல் 4 முறையோ செய்து வந்தால், முகத்தில் உள்ள கருமை நீங்கி, முகம் பொலிவோடு காணப்படும்.

* எலுமிச்சை சாற்றினை 1/2 டீஸ்பூன் எடுத்துக் கொண்டு, அதில் 1 டீஸ்பூன் தேன் கலந்து, முகத்தில் தடவி 20 நிமிடம் ஊற வைத்து கழுவ வேண்டும். இதன் மூலம் நல்ல பலன் கிடைக்கும்.

* வெங்காயம் மற்றும் பூண்டை சரிசமமாக எடுத்து அரைத்து பேஸ்ட் செய்து, முகத்தில் தடவி 10 நிமிடம் கழித்து கழுவ, முகத்தில் இருக்கும் கருமையான தழும்புகள் மற்றும் புள்ளிகள் மறையும்.

இன்றைய இளைஞர்கள் அதிகம் சந்திக்கும் ஒரு பிரச்சனை என்றால் அது இளநரைதான். அதற்கு காரணம் நமது உணவு முறையாக இருக்கலாம், காலநிலை மாற்றமாக இருக்கலாம், இல்லை முன்னோர்களின் வழியில் வந்தவையாகக்கூட இருக்கலாம்.

பெண்களுக்கு கூந்தல் அழகு. கூந்தலை பாதுகாக்கவும், ஆரோக்கியமாக, அழகாக வைத்திருக்க உதவும் மருந்துகள் பற்றி பார்ப்போம். வீட்டிலேயே சீயக்காயை பயன்படுத்தி இளநரையை போக்கும் ஷாம்பு தயாரிக்கலாம்.

தேவையான பொருட்கள்:

சீயக்காய்- ஒரு கிலோ

வெந்தயம்- 50 கிராம்

பச்சை பயறு- 50 கிராம்

காயவைத்த எலுமிச்சம் பழம் தோல்- 50 கிராம்

கறிவேப்பிலை- 50 கிராம்

ஒரு கிலோ சீயக்காய் பொடி எடுத்துக் கொள்ள வேண்டும். இதனுடன் வெந்தயம், பச்சைபயறு, எலுமிச்சை தோல், கறிவேப்பிலை ஆகியவற்றை காய வைத்து எடுத்து பொடியாக்கி சேர்க்க வேண்டும்.

இந்த பொடியுடன் சாதம் வடித்த தண்ணீர் அல்லது வெந்நீர் பயன்படுத்தலாம். சீயக்காய் பவுடரில் வெந்நீர் சேர்த்து பசையாக்கி கொள்ளவும். இதை தலையில் சேர்த்து குளித்துவர தலைமுடி ஆரோக்கியமாக இருக்கும். இளநரை சரியாகும்.

சீயக்காயை தொடர்ந்து பயன்படுத்துவதால் உடல் உஷ்ணம், பித்தம் குறையும். ஷாம்புகளை பயன்படுத்துவதால் முடி வெளுப்பாக வாய்ப்புள்ளதால் சீயக்காய் பொடியை பயன்படுத்துவது நல்லது.

உங்களுக்கு தலைமுடி அதிகம் கொட்டி, வழுக்கை விழ ஆரம்பிக்கிறதா? இதனால் மிகுந்த வருத்தத்தில் உள்ளீர்களா? முக்கியமாக தலைமுடி உதிர்வதைத் தடுக்கவும், வழுக்கை விழுந்த இடத்தில் முடியின் வளர்ச்சியைத் தூண்டவும் நிறைய பணம் செலவழித்தும்,

அதற்குரிய பலனைப் பெறவில்லையா? கவலையை விடுங்கள். ஏனெனில் இந்த பிரச்சனைக்கு பல இயற்கைத் தீர்வுகள் உள்ளன.

ஆளிவிதை

ஆளி விதையில் ஒமேகா-3 ஃபேட்டி ஆசிட் மற்றும் புரோட்டீன் ஏராளமாக உள்ளது. இவை தலைமுடியின் ஆரோக்கியத்தை மேம்படுத்தி, முடியின் வளர்ச்சியைத் தூண்டும். அதற்கு 3 டேபிள் ஸ்பூன் ஆளி விதையை, 2 கப் நீரில் போட்டு நன்கு கொதிக்க விட வேண்டும்.

அப்படி கொதிக்கும் போது, அதிலிருந்து ஓர் ஜெல் போன்று வரும், அப்போது இறக்கி குளிர வைத்து, அந்த ஜெல்லை தலையில் ஸ்கால்ப்பில் படும்படி தடவி 10 நிமிடம் ஊற வைத்து, குளிர்ந்த நீரில் கழுவ வேண்டும். இப்படி வாரத்திற்கு மூன்று முறை செய்து வந்தால், நல்ல பலன் கிடைக்கும்.

வெங்காயம்

வெங்காயத்தை அரைத்து சாறு எடுத்து, அதில் தேங்காய் எண்ணெய் சேர்த்து கலந்து, ஸ்கால்ப்பில் படும்படி தடவி, 20 நிமிடம் ஊற வைத்து, பின் குளிர்ந்த நீரில் தலைமுடியை அலச வேண்டும்.

இப்படி வாரத்திற்கு 2 முறை செய்து வந்தால், விரைவில் நல்ல பலன் கிடைக்கும். இதற்கு முக்கிய காரணம் வெங்காயத்தில் உள்ள சல்பர் தான்.

இளநீர்

இளநீரில் உள்ள வழுக்கை தேங்காயை அரைத்து சாறு எடுத்து, அதனை முடியின் வேர்ஜ்களில் படும்படி தடவி ஒரு மணிநேரம் ஊற வைத்து குளிர்ந்த நீரில் முடியை அலச வேண்டும். இந்த முறை தலைமுடியின் வளர்ச்சியைத் தூண்டும்.

விளக்கெண்ணெய் மற்றும் நெல்லி எண்ணெய்

விளக்கெண்ணெய் மற்றும் நெல்லிக்காய் எண்ணெயை ஒன்றாக கலந்து, இரவில் தூங்குவதற்கு முன்பு, தலையில் தடவி நன்கு மசாஜ் செய்து, இரவு முழுவதும் ஊற வைத்து, மறுநாள் காலையில் ஷாம்பு போட்டு அலச வேண்டும்.

இப்படி வாரத்திற்கு 2 முறை செய்து வந்தால், முடி நன்கு அடர்த்தியாக வளர்வதோடு, வழுக்கை உள்ள இடத்திலும் முடி வளர ஆரம்பிக்கும்

நெல்லிக்காய்

நெல்லிக்காய் தலைமுடியின் ஆரோக்கியத்தை அதிகரிக்கும் ஓர் சிறப்பான பொருள். இது தலையில் ஏற்படும் பல பிரச்சனைகளுக்கும் தீர்வளிக்கக்கூடியது. எனவே 6-7 உலர்ந்த நெல்லிக்காயை 2 கப் சுடுநீரில் போட்டு இரவு முழுவதும் ஊற வைத்து, மறுநாள் காலையில் அந்த நீரை வடிகட்டி, நெல்லிக்காயை அரைத்து, அத்துடன் 2 டீஸ்பூன் தேங்காய் எண்ணெய் சேர்த்து கலந்து, முடியின் வேர்களில் படும்படி தடவி 30 நிமிடம் ஊற வைத்து, குளிர்ந்த நீரில் அலச வேண்டும். இதனால் முடியின் வளர்ச்சி தூண்டப்படும்.

அதிமதுர வேர்

நிச்சயம் இந்த பொருள் பலருக்கும் தெரிந்திருக்க வாய்ப்பில்லை. ஆனால் இது நாட்டு மருந்து கடைகளில் கிடைக்கும். இந்த அதிமதுர வேருக்கு தலைமுடி உதிர்வதைத் தடுத்து, முடியின் வளர்ச்சியை அதிகரிக்கும் சக்தி உள்ளது.

எனவே 1/4 கப் அதிமதுர வேர் பொடியை சிறிது பால் மற்றும் 2 டேபிள் ஸ்பூன் பாதாம் எண்ணெய் சேர்த்து கலந்து, வழுக்கை உள்ள இடத்தில் தடவி 15 நிமிடம் ஊற வைத்து, குளிர்ந்த நீரில் அலச வேண்டும். இப்படி செய்வதால் தலையில் உள்ள பல பிரச்சனைகள் அகலும்.

செம்பருத்தி பூ

செம்பருத்திப் பூவை அரைத்து பேஸ்ட் செய்து, அத்துடன் விளக்கெண்ணெய் சிறிது சேர்த்து கலந்து ஸ்கரப்பில் தடவி, 15 நிமிடம் ஊற வைத்து தலையை குளிர்ந்த நீரில் அலச வேண்டும். இதனால் செம்பருத்திப் பூ மயிர்கால்களை வலிமைப்படுத்தி முடி உதிர்வதைத் தடுக்கும் மற்றும் பொடுகுத் தொல்லை, நரைமுடி போன்றவற்றையும் போக்கும்.

முட்டை மாஸ்க்

முட்டையில் புரோட்டீன் ஏராளமாக நிறைந்துள்ளது. முட்டையை எடுத்து அதன் வெள்ளைக்கருவை தனியாக ஒரு கிண்ணத்தில் ஊற்றி, அத்துடன் சிறிது ஆலிவ் ஆயில் சேர்த்து கலந்து, முடியின் வேர்களில் படும்படி தடவி 20 நிமிடம் ஊற வைத்து, பின்னர் மைல்டு ஷாம்பு போட்டு அலச வேண்டும். இதனால் முடிக்கு வேண்டிய புரோட்டீன் கிடைத்து, முடியின் வளர்ச்சி தூண்டப்படும்.