அரியானா

இந்திய தேசிய லோக் தள தலைவரும் அரியானா மாநிலத்தின் முன்னாள் முதல்வருமான ஓம் பிரகாஷ் சௌதாலா மாரடைப்பால் காலமானார். அவருக்கு வயது 89.

குருகிராமில் உள்ள அவரது இல்லத்தில் இன்று காலை மாரடைப்பு ஏற்பட்டு காலமானதாக தகவல்கள் வெளியாகி உள்ளன.

அரியானா மாநிலத்தின் முதல்வராக 1989-ம் ஆண்டு முதல் நான்கு முறை பதவி வகித்து ஓம் பிரகாஷ் சௌதாலா சாதனை படைத்துள்ளார். அவர் கடைசியாக மாநில முதல்வராக 1999-ம் ஆண்டு முதல் 2005-ம் ஆண்டு வரை பதவி வகித்தார் என்பது குறிப்பிடத்தக்கது.

ஓம் பிரகாஷ் சௌதாலா மறைவுக்கு அரசியல் தலைவர்கள் இரங்கல் தெரிவித்து வருகின்றனர். 

பயிர்களுக்கு குறைந்தபட்ச ஆதார விலை உள்ளிட்ட 13 அம்ச கோரிக்கைகளை வலியுறுத்தி உத்தரப் பிரதேச மற்றும் அரியானாவின் டெல்லி எல்லைகளில் விவசாயிகள் போராட்டம் நடத்தி வருகின்றனர்.

டிசம்பர் 6 ஆம் தேதி முதல் டெல்லி நோக்கி செல்ல முயன்ற விவசாயிகள் மீது போலீஸ் கண்ணீர் குண்டுகளை வீசி தாக்குதல் நடத்தியது. இருப்பினும் மத்திய அரசு செவி சாய்க்கும் வரை போராட்டத்தை விவசாயிகள் தொடர்ந்து முன்னெடுத்து வருகின்றனர். இந்நிலையில் இன்று மீண்டும் விவசாயிகள் டெல்லி நோக்கி பேரணி நடந்த முயன்றனர்.

விவசாயிகள் குவிவதை தடுக்கும் வகையில் அரியானா மாநிலம் அம்பாலாவில் உள்ள 12 கிராமங்களில் இணைய சேவை முடக்கப்பட்டுள்ளது. இன்று காலை 6 மணி முதல் வருகிற 17-ந் தேதி வரை இணைய தள சேவை முடக்கப்பட்டுள்ளது.

இன்று நண்பகலில் 101 விவசாயிகள் அடங்கிய குழு டெல்லி நோக்கி பேரணியை தொடங்கிய நிலையில் [ஹரியானா-பஞ்சாப்] ஷம்பு எல்லையில் அவர்கள் கூடியபோது அரியானா போலீசார் அவர்கள் மீது கண்ணீர் புகைகுண்டுகளை வீசியும், தண்ணீரை பீய்ச்சி அடித்தும் விவசாயிகளை கலைக்க முயன்றனர். இதில் 10 விவசாயிகள் வரை காயமடைந்தனர்.

இன்றைய போராட்டத்தில் காங்கிரஸ் உறுப்பினரும் மல்யுத்த வீரருமான பஜ்ரங் புனியா, ஷம்பு எல்லையில் விவசாயிகளுடன் இணைந்தார்.

இந்த தாக்குதல் குறித்து பேசிய அவர், விவசாயிகளை நாங்கள் தடுக்கவில்லை என்று ஒரு பக்கம் அரசு சொல்லிக் கொண்டிருந்தாலும், மறுபுறம் கண்ணீர் புகை குண்டுகளை பயன்படுத்துகிறது. பாகிஸ்தான் எல்லையை போல ஷம்பு எல்லை நடத்தப்படுகிறது. அரசியல் தலைவர்கள் டெல்லி சென்று போராட்டம் நடத்தும் போது அனுமதி வாங்கிதான் செல்கிறீர்களா? என்று கேள்வி எழுப்பினார். 

அரியானாவில் ஒரு சிறுவன் காரின் மேற்கூரையில் அமர்ந்து சாலையில் சென்ற வீடியோ இன்ஸ்டாகிராமில் பரவியது. வீடியோவில் சாலையில் வேகமாக செல்லும் கார் மீது அமர்ந்து சவாரி செய்யும் அந்த சிறுவன், எனது தந்தை போலீஸ்காரர், அவர் என்னை பாதுகாப்பார் என்று கூறும் காட்சிகளும் உள்ளது.

இந்த வீடியோ 35 லட்சத்திற்கும் அதிகமாக பார்வைகளை பெற்றுள்ளது. இதைப்பார்த்த பயனர்கள் பலரும் விமர்சனங்களை பதிவிட்டனர். வலைதள புகழுக்காக இது போன்ற ஆபத்தான சாகசங்கள் செய்பவர்கள் மீது கடும் நடவடிக்கை எடுக்க வேண்டும் என பதிவிட்டனர்.

அரியானா மாநிலம் பிவானி மாவட்டத்தில் 12-ஆம் வகுப்பு மாணவர்கள் சேர்ந்து தங்களது பெண் அறிவியல் ஆசிரியரின் நாற்காலியின் கீழ் பட்டாசு போன்ற வெடிகுண்டை வைத்து வெடித்த சம்பவம் பெரும் பரபரப்பை ஏற்படுத்தியுள்ளது.

கடந்த வாரம் மாணவர்களை ஆசிரியர் கண்டித்ததையடுத்து இந்த சம்பவம் நடந்துள்ளது. யூடியூப்பில் உள்ள வீடியோக்களை பார்த்து வெடிகுண்டு தயாரிப்பது எப்படி என்பதை மாணவர்கள் கற்றுக்கொண்டதாக கூறப்படுகிறது.

மாணவர்கள் தயாரித்த வெடிகுண்டை ஆசிரியரின் நாற்காலியின் கீழ் வைத்துள்ளனர். ஆசிரியர் நாற்காலியில் அமர்ந்தவுடன் வெடிகுண்டை வெடிக்க செய்யும் கருவியை கொண்டு வெடிகுண்டை வெடிக்க செய்துள்ளனர். இந்த சம்பவத்தில் அதிர்ஷ்டவசமாக ஆசிரியர் காயமின்றி உயிர் தப்பினார்.

இந்த சம்பவத்தை அடுத்து 13 மாணவர்களை அரியானா கல்வித் துறை ஒரு வாரத்துக்கு சஸ்பெண்ட் செய்துள்ளது.

அரியானா மாநிலம் குருகிராமில் வேகத்தடையின் மீது ஏறி வாகனங்கள் பறந்து செல்லும் வீடியோ இணையத்தில் வெளியாகி வைரலாகியுள்ளது.

வேகத்தடைக்கு முன்பாக உரிய எச்சரிக்கை பலகையும் வேகத்தடைக்கான அடையாளமும் இல்லாததால் வேகமாக வரும் வாகனங்கள் வேகத்தடையின் மீது ஏறி பறக்கின்றன.

இந்த வீடியோ இணையத்தில் வைரலாக நெட்டிசன்கள் பலரும் சாலை பாதுகாப்பு குறித்து தங்களது கவலைகளை வெளிப்படுத்தினர்.

அரியானாவில் ஓடும் ரெயிலில் ஏற்பட்ட வெடிவிபத்தால் பரபரப்பு ஏற்பட்டது. நேற்று மாலை அரியானாவில் ஜிந்த் பகுதியில் இருந்து டெல்லி நோக்கி சென்றுகொண்டிருந்த பயணிகள் ரெயில் ரோஹ்தக் அருகே வந்துகொண்டிருந்தபோது ஒருவரின் பையில் இருந்த வெடிபொருள் திடீரென தீப்பற்றியுள்ளது.

இதனால் ஒரு பகுதி ரெயில் பெட்டிகளில் தீ மளமளவென பரவி உள்ளது. இதில் 4 பேருக்கு தீக்காயங்கள் ஏற்பட்டுள்ளது. உடனே ரெயில் நிறுத்தப்பட்ட நிலையில் சம்பவ இடத்துக்கு வந்த தீயணைப்புத்துறை தீயை கட்டுக்குள் கொண்டுவந்தது. தீக்காயம் அடைந்த 4 பேரும் மருத்துவமனையில் சேர்க்கப்பட்டனர்.

தொடர்ந்து ரெயில் ரத்து செய்யப்பட்டு பயணிகளுக்கு மாற்று ஏற்பாடு செய்யப்பட்டது. பயணி ஒருவரின் பையில் இருந்த சல்பர் பொட்டாசிய துப்பாக்கி அழுத்தம் காரணமாக வெடித்ததில் பையில் இருந்த பட்டாசுகள் வெடித்ததால் இந்த தீ விபத்து ஏற்பட்டதாக முதற்கட்ட விசாரணையில் தெரியவந்துள்ளது.

அரியானாவில் நடந்து முடிந்த சட்டசபை தேர்தலில் பா.ஜ.க. ஆட்சியை கைப்பற்றியது. இதையடுத்து கடந்த 17-ந்தேதி இரண்டாவது முறையாக நயாப் சிங் சைனி முதல்-மந்திரியாக பதவியேற்றுக்கொண்டார். இவரை தொடர்ந்து அமைச்சரவையும் பதவியேற்றுக்கொண்டது.

இந்த நிலையில், அமைச்சரவை பதவியேற்று சில தினங்களே ஆகும் நிலையில், சமூக வலைத்தளங்களில் வைரலாகும் வீடியோ அரசின் மீது அதிருப்தியை ஏற்படுத்தியுள்ளது.

57 வினாடிகள் ஓடும் வீடியோவில் பஜனை பாடப்படுகிறது. இதில் என்ன குற்றம் தானே கேட்கிறீர்கள்... பஜனை பாடப்படும் இடம் அரியானா காவல்துறையின் குற்ற தடுப்பு தொடர்பான ஆய்வுக்கூட்டத்தில்... போலீஸ் அதிகாரிகள் பலரும் அமர்ந்திருக்க 'ஹரே ராம ஹரே கிருஷ்ண' கீர்த்தனையை ஒருவர் பாட.. மற்ற நான்கு பேர் தாளம் போட பஜனை பாடப்படுகிறது. போலீசாரோ அமர்ந்திருந்து கைகள் தட்டியவாறு ரசிக்கின்றனர்.

இந்த வீடியோ சமூக வலைத்தளங்களில் வைரலாகி வருகிறது. வீடியோவை பார்த்த பயனர்கள் பலரும் தங்களது தங்களை தெரிவித்து வருகின்றனர். இதனிடையே சமூக வலைத்தளத்தில் பரவும் வீடியோ பழைய வீடியோவா அல்லது அதன் உண்மை என்ன? என்பது தெரியப்படுத்த வேண்டும் என பலரும் வலியுறுத்தி உள்ளனர். ஆனால் அரியானா காவல்துறையோ இந்த வீடியோ குறித்து எந்த பதிலும் தெரிவிக்கவில்லை.

இந்தியாவின் முன்னணி மல்யுத்த வீராங்கனையாக இருந்தவர்  வினேஷ் போகத். பாரீஸ் ஒலிம்பிக்கில் 100 கிராம் எடை கூடுதலாக இருந்ததால் அவர் தகுதி நீக்கம் செய்யப்பட்டார். இதனால் அவரது ஒலிம்பிக் பதக்க வாய்ப்பு பறிபோனது.

இதைத் தொடர்ந்து மல்யுத்த போட்டியிலிருந்து ஓய்வு பெறுவதாக வினேஷ் போகத் அறிவித்தார். பாரீசில் இருந்து திரும்பிய சில தினங்களில் அவர் அரசியலில் குதித்தார். காங்கிரஸ் கட்சியில் தன்னை இணைத்துக் கொண்டார்.

அரியானா சட்டசபைத் தேர்தலில் அவருக்குக் காங்கிரஸ் கட்சி சீட்டு கொடுத்தது. ஜூலானா தொகுதியில் போட்டியிட்ட வினேஷ் போகத் தன்னை எதிர்த்து போட்டியிட்ட பாஜக வேட்பாளர் யோகேஷ் குமாரை விட 6015 வாக்குகள் அதிகம் பெற்று வெற்றி பெற்றார்.

இதன்மூலம் 19 ஆண்டுகளாக ஜூலானா தொகுதியில் தோல்வியைப் பார்த்து வந்த காங்கிரஸ் கட்சிக்கு வினேஷ் போகத் வெற்றியை தேடி கொடுத்துள்ளார். இந்நிலையில் அரியானா சட்டசபையில் இந்தியா ஜெர்சி அணிந்து வினேஷ் போகத் ஜூலானா தொகுதி எம்எல்ஏவாக பதவியேற்றுக்கொண்டார்.

அரியானாவில் உள்ள சோனிபட்டில் வசிக்கும் தினேஷ் என்பவருக்கு அக்டோபர் 16ஆம் தேதி சிலருடன் சண்டை ஏற்பட்டுள்ளது. அப்போது தினேஷின் இதயத்தில் கத்தி குத்தியுள்ளது. அந்த கத்தியின் கைப்பிடி உடைந்து விட்டதால் அந்த கத்தியை வெளியே எடுக்க முடியாததால் தினேஷ் வலியால் துடித்துள்ளார்.

உடனே தினேஷ் மருத்துவமனையில் அனுமதிக்கப்பட்டார். மருத்துவர்கள் சோதித்ததில் தினேஷின் இதயத்தில் கத்தி முழுமையாக சிக்கியிருப்பதை கண்டுபிடித்தனர். இத்தகைய சூழ்நிலையில் கத்தியை நேரடியாக அகற்றினால் அதிகமான ரத்தப்போக்கு ஏற்பட்டு நோயாளி உயிரிழக்க நேரிடும்.

ஆதலால் இன்று (அக்டோபர் 22) அரிதான இதய அறுவை சிகிச்சை செய்து நோயாளியை காப்பாற்ற மருத்துவர்கள் முடிவு செய்தனர்.

அதன்படி மருத்துவர்கள் நோயாளியின் இதயத்திற்கு அருகில் உள்ள சவ்வை கவனமாக திறந்து, கத்தியை அகற்றி, வலது ஏட்ரியல் அறையை சரி செய்தனர். நோயாளியின் நுரையீரலையும் வெற்றிகரமாகச் சரிசெய்தனர். இந்த சிக்கலான அறுவை சிகிச்சை மூன்று முதல் நான்கு மணி நேரம் நடைபெற்றது.

இதயத்தில் கத்தி குத்தி 6 நாட்களுக்கு பிறகு நடந்த அறுவை சிகிச்சைக்கு பின்தினேஷ் உடல் நலம் தேறி வருவதாகவும், விரைவில் டிஸ்சார்ஜ் செய்யப்படுவார் என்றும் மருத்துவமனை நிர்வாகம் தெரிவித்துள்ளது.

சண்டிகர்:

அரியானாவில் கடந்த 5-ம் தேதி நடந்த சட்டசபை தேர்தலில் ஆளும் பா.ஜ.க. அபார வெற்றி பெற்றது.

மொத்தமுள்ள 90 தொகுதிகளில் அந்தக் கட்சி முதல் முறையாக 48 இடங்களைக் கைப்பற்றியது. இதையடுத்து, 2வது முறையாக அரியானா மாநில முதல் மந்திரியாக நயாப் சிங் சைனி பதவியேற்றார்.

இந்நிலையில், பா.ஜ.க.வின் முதல் தேர்தல் வாக்குறுதியை நிறைவேற்றும் வகையில் அரியானாவில் உள்ள அனைத்து அரசு மருத்துவமனைகளிலும் நாள்பட்ட சிறுநீரக நோயாளிகளுக்கு இலவச டயாலிசிஸ் சேவை வழங்கப்படும் என அரியானா அரசு அறிவித்தது.

இதுதொடர்பாக, செய்தியாளர்களைச் சந்தித்த மாநில முதல் மந்திரி நயாப் சிங் சைனி கூறியதாவது:

முதல் மந்திரியாக பொறுப்பேற்ற பிறகு கோப்பில் நான் கையெழுத்திட்ட முதல் கையெழுத்து சிறுநீரக நோயாளிகள் தொடர்பானது.

அரியானாவில் உள்ள அனைத்து அரசு மருத்துவமனைகளிலும் நாள்பட்ட சிறுநீரக நோயாளிகளுக்கு இலவச டயாலிசிஸ் சிகிச்சை அளிக்கப்படும்.

தேர்தலில் நாங்கள் இந்த வாக்குறுதியை அளித்தோம். டயாலிசிஸ் சிகிச்சை மேற்கொள்ள நோயாளிகளுக்கு மாதம் ரூ. 20,000 முதல் ரூ. 25,000 வரை செலவு ஏற்படுகிறது. இப்போது அரியானா அரசு அந்த செலவை ஏற்கும் என தெரிவித்தார்.

சண்டிகர்:

அரியானா சட்டசபை தேர்தலில் வெற்றி பெற்று பா.ஜ.க முதல் மந்திரி நயாப் சிங் சைனி தலைமையிலான அமைச்சரவை நேற்று பதவியேற்றது. இந்த நிகழ்ச்சியில் பிரதமர் நரேந்திர மோடி, மூத்த அமைச்சர்கள் மற்றும் தேசிய ஜனநாயகக் கூட்டணியைச் சேர்ந்த முதல் மந்திரிகளான சந்திரபாபு நாயுடு, ஏக்நாத் ஷிண்டே உள்பட பலர் பங்கேற்றனர்.

பதவியேற்பு நிகழ்ச்சிக்கு பின் தேசிய ஜனநாயக கூட்டணியின் முதல் மந்திரிகள் மற்றும் துணை முதல் மந்திரிகள் கூட்டம் நடந்தது.

இந்தக் கூட்டத்தில் பிரதமர் மோடி, ராஜ்நாத் சிங், அமித் ஷா மற்றும் ஜே.பி.நட்டா ஆகியோர் பங்கேற்றனர். அரியானா சட்டசபை தேர்தலில் வெற்றிபெற்றது போல், மகாராஷ்டிரா, ஜார்க்கண்ட் தேர்தலிலும் தேசிய ஜனநாயக கூட்டணியை வெற்றிபெறச் செய்வது குறித்து விவாதிக்கப்பட்டது.

இதுதொடர்பாக, பிரதமர் மோடி எக்ஸ் வலைதளத்தில் வெளியிட்டுள்ள செய்தியில், நல்ல ஆட்சி நிர்வாகம் மற்றும் மக்களின் வாழ்வை மேம்படுத்துவதற்கான வழிகள் குறித்து முதல் மந்திரிகளுடனான கூட்டத்தில் விவாதிக்கப்பட்டது. எங்கள் கூட்டணி ஏழைகள் மற்றும் தாழ்த்தப்பட்டவர்களுக்கு அதிகாரம் அளிப்பதில் உறுதியாக உள்ளது என பதிவிட்டுள்ளார்.

அரியானா சட்டமன்ற தேர்தல் முடிவடைந்து இன்று பா.ஜ.க.வின் நயாப் சிங் சைனி முதல்வராக பதவி ஏற்ற நிலையில், அம்மாநிலத்தின் மூத்த காங்கிரஸ் தலைவரும், முன்னாள் மந்திரியுமான கேப்டன் அஜய் சிங் யாதவ் தனது பதவியை ராஜினாமா செய்துள்ளார்.

சோனியா காந்தி கட்சியின் தலைவர் பதவியில் இருந்து விலகிய பின்னர், உயர் தலைவர்கள் தன்னை இழிவாக நடத்தியது ஏமாற்றம் அளிக்கிறது என குற்றம்சாட்டியுள்ளார்.

இவர் அகில இந்தியா காங்கிரஸ் கட்சியின் ஓபிசி சேர்மனாகவும் இருந்து வந்தார். அந்த பதவியையும் ராஜினாமா செய்துள்ளார்.

சோனியா காந்தி தலைவர் பதவியில் இருந்து விலகிய பின்னர், தன்னை இழிவுப்படுத்தும் வகையில் கட்சி நடத்தியதால் ஏமாற்றம் அடைந்ததாக தெரிவித்துள்ளார்.

அஜய் சிங் யாதவ் தனது எக்ஸ் பக்கத்தில் "காங்கிரஸ் தலைவர் மல்லிகார்ஜூன கார்கேவுக்க எனது ராஜினாமா கடிதத்தை அனுப்பியுள்ளேன்" எனத் தெரிவித்துள்ளது.

ராஜினாமா செய்ய வேண்டும் என எடுத்தது மிகவும் கடினமான முடிவு. எங்களுடைய குடும்பம் 70 வருடங்களாக காங்கிரஸ் கட்சியுடன் பயணித்துள்ளது. என்னுடைய மறைந்த தந்தை ராவ் அபேய் சிங் 2952-ல் எம்.எல்.ஏ. ஆனார். அதன்பிறகு நான் குடும்ப பாரம்பரியத்தை தொடர்ந்தேன். ஆனால் கட்சியின் உயர்மட்ட தலைவர்கள் தன்னை இழிவாக நடத்திய விதம் ஏமாற்றம் அளிக்கிறது" எனத் தெரிவித்துள்ளார்.

அந்த பதிவில் ராகுல் காந்தி, சோனியா காந்தி ஆகியோரை டேக் செய்துள்ளார்.