என் மலர்

    திண்டுக்கல்

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பஸ்களின் அருகே ஸ்பீக்கர் கட்டி பயணிகளை கூவி கூவி அழைக்கின்றனர்.
    • பஸ்நிலையத்தில் திரும்பிய திசையெல்லாம் இதுபோல ஸ்பீக்கர்களை கட்டி பயணிகளை அழைப்பதால் ஒலி மாசு ஏற்பட்டு பயணிகள் சிரமம் அடைந்து வருகின்றனர்.

    குள்ளனம்பட்டி

    திண்டுக்கல் பஸ்நிலை யத்தில் பயணிகளை வரவழைப்பதற்காக கண்டக்டர்கள் மற்றும் உதவியாளர்களே குறிப்பிட்ட ஊரை சொல்லி அழைத்து வந்தனர். ஆனால் தற்போது மதுரை, திருச்சி, சேலம், ஈேராடு, தேனி, கரூர் போன்ற நகரங்களுக்கு செல்லும் பஸ்களின் அருகே ஸ்பீக்கர் கட்டி பயணிகளை கூவி கூவி அழைக்கின்றனர்.

    இதனால் மற்ற பஸ்களில் பயணிகளை ஏற்ற முடியாமல் டிரைவர்கள் தவித்து வருகின்றனர். குறிப்பாக சாலையோர கடைகள், தெருக்களில் காய்கறி, துணிமணிகள் விற்பவர்கள் ஸ்பீக்கர் கட்டி தங்கள் பொருளை சொல்லி வாடிக்கையாளர்களை கவருவது வழக்கம்.

    ஆனால் பஸ்நிலையத்தில் திரும்பிய திசையெல்லாம் இதுபோல ஸ்பீக்கர்களை கட்டி பயணிகளை அழைப்பதால் ஒலி மாசு ஏற்பட்டு பயணி கள் சிரமம் அடைந்து வருகின்றனர்.குறிப்பாக நோயாளிகள் மற்றும் முதியவர்கள் இதனால் பெரிதும் பாதி க்கப்பட்டு வருகின்றனர்

    எனவே போக்குவரத்து த்துறை அதிகாரிகள் இப்பிரச்சினை யில் உரிய நடவடிக்கை எடுக்க வேண்டும் என பயணிகள் கோரிக்கை விடுத்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • திண்டுக்கல்-நத்தம் ரோடு குடகனாறு இல்லம் அருகே அங்கன்வாடி மையம் செயல்பட்டு வருகிறது.
    • அங்கன்வாடி மையம் அருகே ஏற்பட்டுள்ள பள்ளத்தால் அங்கு வரும் குழந்தைகளுக்கு நோய்த்தொற்று ஏற்படும் ஆபத்து உள்ளது.

    குள்ளனம்பட்டி:

    திண்டுக்கல்-நத்தம் ரோடு குடகனாறு இல்லம் அருகே அங்கன்வாடி மையம் செயல்பட்டு வருகிறது. பர்மா காலனி மற்றும் அதன்சுற்றுப்புற பகுதிகளை சேர்ந்த சுமார் 20 குழந்தைகள் இங்கு வந்து செல்கின்றனர்.

    மையத்திற்கு வரும் வழியில் கடந்த சில தினங்களுக்கு முன்பு குடிநீர் குழாய் பதிக்கும் பணி நடைபெற்றது. அதற்காக ேதாண்டப்பட்ட பள்ளம் மூடப்படாமல் உள்ளது.

    அதில் தண்ணீர் தேங்கி தற்போது சுகாதார சீர்கே டான நிலையில் உள்ளது. டெங்கு அச்சுறுத்தல் காரணமாக சுகாதாரத்துறை யினர் பல்வேறு நடவடிக்கை கள் எடுத்துவரும் நிலையில் அங்கன்வாடி மையம் அருகே ஏற்பட்டுள்ள பள்ளத்தால் அங்கு வரும் குழந்தைகளுக்கு நோய்த்தொற்று ஏற்படும் ஆபத்து உள்ளது. எனவே இதனை சீரமைக்க நட வடிக்கை எடுக்க வேண்டும் என பெற்றோர்கள் கோரிக்கை விடுத்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வடமதுரை அனைத்து மகளிர் போலீஸ் நிலையத்தில் காவலராக பணியாற்றிய பெண் போலீசுக்கு வளைகாப்பு நடத்தப்பட்டது.
    • மாவட்ட எஸ்.பி உத்தரவின்பேரில் டி.எஸ்.பி துர்க்காதேவி போலீஸ் நிலையத்திற்கு நேரில் வந்து காவலருக்கு வாழ்த்து தெரிவித்தார்.

    வடமதுரை:

    திண்டுக்கல் மாவட்டம் வடமதுரை அனைத்து மகளிர் போலீஸ் நிலையத்தில் காவலராக பணியாற்றி வருபவர் நித்யா. இவரது கணவர் விவேக். தற்போது நிறைமாத கர்ப்பிணியாக உள்ள நித்யாவிற்கு போலீஸ் நிலையத்திலேயே வளைகாப்பு நடத்த பெண் காவலர்கள் முடிவு செய்தனர்.

    அதன்படி மகளிர் போலீஸ் நிலையத்தை வீடுபோல் அலங்காரம் செய்து ேதாரணங்கள் கட்டி விதவிதமான உணவுகள் தயார் செய்தனர். நித்யாவிற்கு கைநிறைய வளையல்கள் அணிவித்து மாலையிட்டு வளைகாப்பு சம்பிரதாயங்கள் செய்தனர்.

    அதனைதொடர்ந்து அவரது கணவரையும் வரவழைத்து வாழ்த்து தெரிவித்தனர். மாவட்ட எஸ்.பி பாஸ்கரன் உத்தரவின்பேரில் டி.எஸ்.பி துர்க்காதேவி போலீஸ் நிலையத்திற்கு நேரில் வந்து காவலர் நித்யாவிற்கு வாழ்த்து தெரிவித்தார்.

    இதுகுறித்து போலீசார் தெரிவிக்கையில் , வளைகாப்பு என்பது ஒவ்வொரு பெண்ணின் வாழ்க்கையிலும் மறக்கமுடியாத சந்தோசமான தருணமாகும். ஆனால் போலீஸ் துறை போன்ற இடைவிடாத பணிகளில் உள்ள பெண்களுக்கு இதுபோன்ற சந்தோசத்தை உறவினர்கள் மற்றும் நண்பர்களுடன் சேர்ந்து கொண்டாடுவது என்பது இயலாத காரியமாக உள்ளது.

    எனவேதான் எங்களுடன் பணிபுரியும் நித்யாவிற்கு இந்த குறை ஏற்படக்கூடாது என்பதற்காக போலீஸ் நிலையத்திலேயே வளைகாப்பு நடத்தினோம். இதனால் அவரும் அவரது கணவர் மற்றும் குடும்பத்தினரும் மிகுந்த மகிழ்ச்சி அடைந்தனர்என்றனர்.

    நிகழ்ச்சியில் மகளிர் இன்ஸ்பெக்டர் ஜெயராணி, வடமதுரை இன்ஸ்பெக்டர் ஜோதிமுருகன் உள்பட அனைத்து போலீசாரும் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தமிழகத்தில் கொரோனா பரவல் சற்று குறைந்துள்ள நிலையில் கடந்த ஒரு மாதத்திற்கு மேலாக டெங்கு, வைரஸ் காய்ச்சல் பாதிப்பு தொடர்ந்து அதிகரித்து வருகிறது.
    • மாணவ-மாணவிகளுக்கு விடுமுறை அளிக்கப்பட்டுள்ளதால் அவர்களை பெற்றோர்கள் கவனிக்கவேண்டியது அவசியம்.

    திண்டுக்கல்:

    தமிழகத்தில் கொரோனா பரவல் சற்று குறைந்துள்ள நிலையில் கடந்த ஒரு மாதத்திற்கு மேலாக டெங்கு, வைரஸ் காய்ச்சல் பாதிப்பு தொடர்ந்து அதிகரித்து வருகிறது. கடந்த மாதம் மட்டும் தமிழகத்தில் 550க்கும் மேற்பட்டோர் டெங்கு காய்ச்சலால் பாதிக்கப்பட்டுள்ளனர்.

    இதில் பெரும்பாலானோர் குழந்தைகள் என்பது குறிப்பிடத்தக்கது. ஜனவரி முதல் ஜூலை வரை தமிழகத்தில் ெடங்கு பாதிப்பு 3000-ஐ நெருங்கியுள்ளது. பருவகால காய்ச்சல்களுடன் டெங்குவும் வேகமெடுத்து வருவதால் மக்கள் எச்சரிக்கையுடன் இருக்குமாறு சுகாதாரத்துறையினர் வலியுறுத்தி உள்ளனர்.

    டெங்கு காய்ச்சல் கொசுக்களிடம் இருந்தே உருவாகிறது. தற்போது பல மாவட்டங்களில் மழை தீவிரமடைந்து வரும் நிலையில் வடகிழக்கு பருவமழை அடுத்தவாரம் தொடங்கும் என தெரிவிக்கப்பட்டுள்ளது. தண்ணீரில் உற்பத்தியாகும் ஏடிஸ் வகை கொசுக்கள் டெங்கு நோய்க்கு மூலகாரணியாக உள்ளது.

    இவை தேங்கிநிற்கும் தண்ணீரில் அதிகளவு உற்பத்தியாகும். எனவே அடுத்துவரும் 2 மாதங்களில் மிகவும் கவனமுடன் இருக்க வேண்டும் என சுகாதாரத்துறையினர் அறிவுறுத்தி உள்ளனர். வீடுகள் மற்றும் அதனை சுற்றியுள்ள பகுதிகளில் தண்ணீர் தேங்காமல் பார்த்து கொள்ள வேண்டும். குளியலறை, கழிப்பறைகளை சுகாதாரமான முறையில் பராமரிக்க வேண்டும்.

    காய்ச்சலின் முதல் அறிகுறியாக உடல்சோர்வு, மூட்டுவலி, கண்எரிச்சல், உடலில் கொப்புளங்கள் போன்ற அறிகுறி தென்படும். இந்த அறிகுறி ஏற்பட்டவுடன் அரசு ஆஸ்பத்திரி மற்றும் ஆரம்ப சுகாதார நிலையங்களில் சிகிச்சை மேற்கொள்ள வேண்டும். சுயமருத்துவமோ, மருந்து கடைகளில் தரும் மருந்துகளை எடுக்கும் முயற்சியிலோ ஈடுபடக்கூடாது.

    தற்போது கொரோனா தடுப்பு பணியில் ஈடுபட்ட பணியாளர்கள் டெங்கு ஒழிப்பு பணியிலும் ஈடுபடுத்தப்பட்டு வருகின்றனர். மாணவ-மாணவிகளுக்கு விடுமுறை அளிக்கப்பட்டுள்ளதால் அவர்களை பெற்றோர்கள் கவனிக்கவேண்டியது அவசியம். மாவட்டந்தோறும் மருத்துவமுகாம்கள் நடத்த அரசு நடவடிக்கை எடுத்து வருவதால் இதுபோன்றமுகாம்களை பொதுமக்கள் பயன்படுத்தி கொள்ள வேண்டும் என தெரிவிக்கப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • குஜிலியம்பாறை பெட்ரோல் பங்க் அருகே காவிரி கூட்டுகுடிநீர் குழாயில் உடைப்பு ஏற்பட்டது.
    • தண்ணீரின் வேகம் அதிகமாக இருந்ததால் சுமார் 12 அடி உயரத்திற்கு அலைபோல் எழும்பி சாலையில் ஆறாக ஓடியது.

    வடமதுைர:

    திண்டுக்கல் மாவட்டத்தின் குடிநீர் ஆதாரமாக ஆத்தூர் காமராஜர்அணை உள்ளது. மேலும் குடிநீருக்கு தட்டுப்பாடு ஏற்பட்டதால் கரூர் மாவட்டத்தில் இருந்து காவிரி கூட்டுகுடிநீர் கொண்டுவரப்படுகிறது.

    காவிரியாற்றில் இருந்து குஜிலியம்பாறை, எரியோடு, வடமதுரை, தாடிக்கொம்பு வழியாக திண்டுக்கல், நத்தம் பகுதிகளுக்கு காவிரி கூட்டுகுடிநீர் ராட்சத குழாய் மூலம் குடிநீர் கொண்டு செல்லப்படுகிறது.

    இதன்மூலம் ஓரளவு குடிநீர் பற்றாக்குறையை சமாளித்து வருகின்றனர். இந்த நிலையில் குழாயில் அடிக்கடி உடைப்பு ஏற்பட்டு தண்ணீர் வீணாக செல்கிறது. இதுகுறித்து அதிகாரிகளுக்கு தகவல் தெரிவிக்கப்பட்டபோதும் மெத்தனமாக செயல்படுவதால் தாமதமாகவே குழாய் உடைப்பு சரிசெய்யப்படுகிறது.குஜிலியம்பாறை பெட்ரோல் பங்க் அருகே காவிரி கூட்டுகுடிநீர் குழாயில் உடைப்பு ஏற்பட்டது.

    தண்ணீரின் வேகம் அதிகமாக இருந்ததால் சுமார் 12 அடி உயரத்திற்கு அலைபோல் எழும்பி சாலையில் ஆறாக ஓடியது. திண்டுக்கல் மாவட்டத்தில் குடிநீர் பற்றாக்குறை என்பது நிரந்தரமாக உள்ளது. இதற்காக பல்வேறு நடவடிக்கைகள் எடுத்த போதிலும் குடிநீர் தட்டுப்பாட்டை தீர்க்க முடியவில்லை. இந்த ஆண்டு பருவமழை கைகொடுத்ததால் ஓரளவு சிரமம்இன்றி பொதுமக்கள் சமாளித்தனர்.

    கடந்த சில ஆண்டுகளுக்கு முன்பு குடிநீருக்காக கிராமமக்கள் காலிக்குடங்களுடன் சாலை மறியல், முற்றுகை போராட்டங்களில் ஈடுபட்டனர். தற்போது மழை ஓய்ந்த நிலையில் வெயிலின் தாக்கம் அதிகரித்து வருகிறது. இந்த நிலையில் குடிநீர் வீணாக செல்வதை சீரமைக்காமல் அதிகாரிகள் அலட்சியமாக உள்ளது பொதுமக்களிடையே வேதனையை ஏற்படுத்தி உள்ளது. எனவே மாவட்ட நிர்வாகம் இதற்கு நிரந்தர தீர்வு காணவேண்டும் என அப்பகுதி மக்கள் கோரிக்கை விடுத்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பைக்குள் ஒரு மாதமே ஆன பெண் குழந்தை இருந்தது.
    • அரசு ஆஸ்பத்திரியில் பிறந்த குழந்தையை கடத்தி வரும் போது போலீசுக்கு பயந்து பாதியிலேயே விட்டுச் சென்றாரா என்ற கோணங்களிலும் விசாரணை நடத்தப்பட்டு வருகிறது.

    செம்பட்டி:

    பெரியகுளம் அருகே உள்ள காமாட்சிபுரத்தைச் சேர்ந்த வேலுமணி (வயது 40). இவர் வத்தலக்குண்டுவில் இருந்து செம்பட்டிக்கு பஸ்ஸில் வந்தார். இவருக்கு அருகில் சுமார் 20 வயது மதிக்கத்தக்க பெண் அமர்ந்திருந்தார். அவரது கையில் ஒரு கட்டைப்பை இருந்தது. செம்பட்டி பஸ் நிலையம் வந்தவுடன், அந்த 20 வயது பெண், பஸ்சிலிருந்து கீழே இறங்கி வேகமாக சென்று விட்டார். ஆனால் அவர் கொண்டு வந்த கட்டைப்பை அதே இடத்தில் இருந்தது. பஸ்சை விட்டு இறங்கி ஏதேனும் பொருட்கள் வாங்க செல்வார் என்று நினைத்த வேலுமணி அவர் வராததால் சந்தேகமடைந்தார். சற்று நேரத்தில் அவர் விட்டுச் சென்ற கட்டைப்பையில் இருந்து குழந்தை அழும் சத்தம் கேட்டது. இதனால் அதிர்ச்சியடைந்து கட்டைபையை எடுத்து திறந்து பார்த்தபோது, பைக்குள் ஒரு மாதமே ஆன பெண் குழந்தை இருந்தது. இது குறித்து வேலுமணி பஸ் கண்டக்டர் மற்றும் டிரைவருக்கு தகவல் தெரிவித்தார்.

    இதனைத் தொடர்ந்து அந்தக்குழந்தை செம்பட்டி போலீஸ் நிலையத்தில் ஒப்படைக்கப்பட்டது. அதன் பின் ஆத்தூர் சமூக நலத்துறை அதிகாரிகளுக்கு தகவல் தெரிவிக்கப்பட்டு அந்தக்குழந்தை திண்டுக்கல் அரசு ஆஸ்பத்திரியில் உள்ள தொட்டில் குழந்தை திட்டத்தில் சேர்க்கப்பட்டது.

    குழந்தையை கட்டைப்பையில் வைத்து பஸ்சில் எடுத்து வந்தது அவரது தாயா? அல்லது வேறு யாராவது இருக்குமா? என்று செம்பட்டி போலீசார் விசாரணை நடத்தி வருகின்றனர். தகாத முறையில் பிறந்த குழந்தையை வீசி செல்ல வந்தாரா? அல்லது அரசு ஆஸ்பத்திரியில் பிறந்த குழந்தையை கடத்தி வரும் போது போலீசுக்கு பயந்து பாதியிலேயே விட்டுச் சென்றாரா? என்ற கோணங்களிலும் விசாரணை நடத்தப்பட்டு வருகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வரதட்சணை கேட்டு அவரை துன்புறுத்தி வீட்டைவிட்டு அனுப்பியதால் நிலக்கோட்டை போலீசில் பெண் புகார் அளித்தார்
    • வரதட்சணை கேட்டு கொடுமைப்படுத்திய 4 பேர் மீது போலீசார் வழக்குபதிவு செய்து விசாரணை நடத்தி வருகின்றனர்.

    நிலக்கோட்டை:

    திண்டுக்கல் மாவட்டம் நிலக்கோட்டை அருகே உள்ள விருவீடு பகுதியை சேர்ந்தவர் பரமேஸ்வரன் மகள் பிரியங்கா(28). இவருக்கும் பெரியகுளம் அருகே தேவதானப்பட்டியை சேர்ந்த ஜோதிபாஸ்(33) என்பவருக்கும் கடந்த 2016-ம் ஆண்டு திருமணம் நடைபெற்றது.

    அப்போது 10 பவுன் நகை சீர்வரிசை கொடுக்கப்பட்டது. இவர்களுக்கு 5 வயதில் மகன் உள்ளார். ஜோதிபாஸ் கடந்த சில ஆண்டுகளாக வேலைக்கு செல்லாமல் இருந்துள்ளார். மேலும் தனது மனைவியிடம் தொழில் ெதாடங்க ரூ.15 லட்சம் வாங்கி வர வற்புறுத்தி உள்ளார்.

    இதனால் அதிர்ச்சி அடைந்த பிரியங்கா தட்டிகேட்டுள்ளார். ஆனால் வரதட்சணை கேட்டு அவரை துன்புறுத்தி வீட்டைவிட்டு அனுப்பி விட்டார். இதுகுறித்து நிலக்கோட்டை அனைத்து மகளிர் போலீசில் பிரியங்கா புகார் அளித்தார்.

    அதன்பேரில் சப்-இன்ஸ்பெக்டர் லதா வரதட்சணை கேட்டு கொடுமைப்படுத்தியதாக ஜோதிபாஸ், பெருமாள், மலர்கொடி,ரவீனா ஆகிய 4 பேர் மீது வழக்குபதிவு செய்து விசாரணை நடத்தி வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • எரியோடு வருவாய் ஆய்வாளர் மீது நடவடிக்கை எடுக்க கோரி மார்க்சிஸ்ட் லெனினிஸ்ட் கட்சியினர் முற்றுகைப் போராட்டத்தில் ஈடுபட போவதாக தெரிவித்தனர்.
    • பேச்சுவார்தை நடத்தியதையடுத்து போராட்டத்தை கைவிட்டனர்.

    வேடசந்தூர்:

    திண்டுக்கல் மாவட்டம் வேடசந்தூர் தாலுகா எரியோடு பேரூராட்சிக்கு உட்பட்ட பகுதியில் ஆதிதிராவிடர் நலத்துறையால் கடந்த 2006 ஆம் ஆண்டு அப்போதைய முதல்-அமைச்சர் கருணாநிதியால் இலவச வீட்டு மனை பட்டாக்கள் வழங்கப்பட்டது. அதனை ரத்து செய்ய பரிந்துரை செய்த எரியோடு வருவாய் ஆய்வாளர் மீது நடவடிக்கை எடுக்க கோரி மார்க்சிஸ்ட் லெனினிஸ்ட் கட்சியினர் முற்றுகைப் போராட்டத்தில் ஈடுபட போவதாக தெரிவித்தனர்.

    இதனைத் தொடர்ந்து வட்டாட்சியர் சக்திவேலன் தலைமையில் அமைதிப் பேச்சுவார்த்தை நடைபெற்றது. இதில் மார்க்சிஸ்ட் கட்சியின் சார்பாக பொன்னுதுரை, ரவி, முருகேசன், அசோகன், சோமசுந்தரம், பிரஸ்நேவ் உட்பட ஏராளமானோர் கலந்து கொண்டனர்.

    பேச்சுவார்த்தையில் பயனாளிகளுக்கு வீட்டுமனையை விரைவில் பிரித்து கொடுப்பதாகவும், ஒரு மாத காலத்திற்குள் புதிதாக விண்ணப்பம் அளிப்பவர்களுக்கு வீட்டு மனை பட்டா வழங்கப்படும் என்றும் உறுதியளிக்கப்பட்டது. இதனைத் தொடர்ந்து போராட்டத்தை கைவிடுவதாக அவர்கள் தெரிவித்து சென்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கொடைக்கானல் நகரின் மையப்பகுதியில் அமைந்துள்ள டிப்போ பகுதியில் தனியார் சார்பில் சாகச விளையாட்டு பூங்கா கடந்த வாரம் திறக்கப்பட்டது.
    • சாகச விளையாட்டில் சுற்றுலா பயணிகளுக்கு போதிய பாதுகாப்பு வசதியின்றி செயல்படுவதாக குற்றச்சாட்டு எழுந்துள்ளது.

    கொடைக்கானல்:

    சர்வதேச சுற்றுலா தலமாக விளங்கும் கொடைக்கானலில் வார விடுமுறை மற்றும் தொடர் விடுமுறை நாட்களில் லட்சக்கணக்கான சுற்றுலாப் பயணிகள் வந்து ெசல்கின்றனர். கொடைக்கானல் நகரின் மையப்பகுதியில் அமைந்துள்ள டிப்போ பகுதியில் ஜிப் லைன் ரைடு, பங்கி ஜம்பிங்க், மவுண்டன் பைக் உள்ளிட்ட அம்சங்கள் நிறைந்த‌தாக தனியார் சார்பில் சாகச விளையாட்டு பூங்கா கடந்த வாரம் திறக்கப்பட்டது.

    இதனையடுத்து கொடைக்கான‌ல் வ‌ரும் சுற்றுலாப்பயணிகள் தனியார் சாகச விளையாட்டு பூங்காவிற்க்கு வருகை புரிந்து ஜிப் லைன் ரைடு, மவுண்டன் பைக் உள்ளிட்ட விளையாட்டுகளில் மிகுந்த ஆர்வம் காட்டி வருகின்றனர். இந்த நிலையில் சாகச விளையாட்டில் சுற்றுலா பயணிகளுக்கு போதிய பாதுகாப்பு வசதியின்றி செயல்படுவதாக குற்றச்சாட்டு எழுந்துள்ளது.

    மேலும் ஜிப் லைன் ரைடில் சிறுவர்கள் ஆர்வத்துடன் ஒரு புறத்தில் இருந்து மற்றொரு புறத்திற்கு 200 மீ. தூரம் வ‌ரை கம்பிவடத்தில் தொங்கியபடி சவாரி மேற்கொள்கின்றனர். சிறுவர்கள் ஜிப் லைன் சவாரி மேற்கொள்ளும் போது கம்பி வடத்தின் நிறைவு பகுதிக்கு செல்ல முடியாமல் பாதியிலேயே அவர்கள் அந்தரத்தில் ஆபத்தான முறையில் தொங்குகின்றனர்.

    இதனை பார்க்கும் ஊழியர்கள் கயிறு மூலம் மற்றொரு புறத்திற்கு அவர்களை இழுத்துச் செல்கின்றனர். இதனால் ஜிப் லைன் சவாரி மேற்கொள்ளும் சிறுவர்கள் அச்சமடைந்து வருகின்றனர். மேலும் இந்த சாகச விளையாட்டு பூங்கா முறையாக அரசு அனுமதி இல்லாமல் செயல்படுவதாக பொதுமக்கள் மற்றும் சமூக ஆர்வலர்கள் குற்றம்சாட்டுகின்றனர்.

    பெரும் அசாம்பாவிதம் ஏற்படுவதற்கு முன் சம்மந்தப்பட்ட துறை அதிகாரிகள் நடவடிக்கை எடுக்க வேண்டும் என பொதுமக்கள் மற்றும் சுற்றுலா பயணிகள் கோரிக்கை விடுத்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வனஉயிரின வாரவிழாவை முன்னிட்டு ஏரிச்சாலையில் பள்ளி மாணவ-மாணவிகள் கலந்து கொண்ட சைக்கிள் பேரணி நடைபெற்றது.
    • மாணவ-மாணவிகளுக்கும் நினைவு பரிசுகளும், வெற்றிபெற்றவர்களுக்கு சான்றிதழும் வழங்கப்பட்டது.

    கொடைக்கானல்:

    கொடைக்கானலில் வனத்துறை சார்பில் வனஉயிரின வாரவிழாவை முன்னிட்டு ஏரிச்சாலையில் பள்ளி மாணவ-மாணவிகள் கலந்து கொண்ட சைக்கிள் பேரணி நடைபெற்றது. பேரணியை மாவட்ட வனஅலுவலர் திலீப், கொடைக்கானல் உரிமையியல் நீதிமன்ற நீதிபதி கார்த்திக், கோட்டாட்சியர் ராஜா, புதுச்சேரி மாநில வனஅலுவலர் வஞ்சுனாவள்ளி, கொடைக்கானல் நகர்மன்ற தலைவர் மாயக்கண்ணன் ஆகியோர் கொடியசைத்து தொடங்கி வைத்தனர்.

    வனஉதவி பாதுகாப்பு அலுவலர் சக்திவேல், அன்னைதெரசா பல்கலைக்கழக மாணவிகள், அரசு கலைக்கல்லூரி மாணவிகள் உள்பட பலர் கலந்து கொண்டனர். பேரணி நிறைவில் அனைத்து மாணவ-மாணவிகளுக்கும் நினைவு பரிசுகளும், வெற்றிபெற்றவர்களுக்கு சான்றிதழும் வழங்கப்பட்டது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • காவிரியம்மாபட்டியில் பணிகள் நடந்து கொண்டிருந்தபோது திடீரென பொக்லைன் எந்திரம் தீப்பற்றி எரிந்தது.
    • இதுகுறித்து போலீசார் விசாரித்து வருகின்றனர்.

    ஒட்டன்சத்திரம்:

    திண்டுக்கல் அருகே ஒட்டன்சத்திரம் வழியாக பொள்ளாச்சிக்கு 4 வழிச்சாலை அமைக்கும் பணி நடைபெற்று வருகிறது. அதில் காவிரியம்மாபட்டியில் பணிகள் நடந்து கொண்டிருந்தபோது திடீரென பொக்லைன் எந்திரம் தீப்பற்றி எரிந்தது.

    இதைபார்த்ததும் டிரைவர் கீழே குதித்து உயிர்தப்பினார். இதுகுறித்து ஒட்டன்சத்திரம் தீயணைப்புத்துறையினருக்கு தகவல் தெரிவிக்கப்பட்டது. அவர்கள் விரைந்து வந்து போராடி தீயை அணைத்தனர்.

    இருப்பினும் பொக்லைன் எந்திரம் முற்றிலும் எரிந்து நாசமானது. இதுகுறித்து போலீசார் விசாரித்து வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print