என் மலர்

    வேலூர்

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • காய்கறிகள் வரத்து குறைவு
    • விலை அதிகரிக்க வாய்ப்புள்ளது

    வேலூர்:

    வேலூரில் கடந்த வாரம் தக்காளி கிலோ ரூ.10 முதல் 15 வரை விற்பனை செய்யப்பட்டது. இப்போது உள்ளூர் பகுதிகளில் இருந்து தக்காளி வரத்து குறைந்த தால், விலை சற்று அதிகரித்துள்ளது.

    தக்காளி விலை உயர்வு

    அதேநேரம், ஆந்திரா வில் இருந்துதான் தக்காளி வரத்து உள்ளது. இதன் காரணமாக, மொத்த வியா பாரிகளுக்கு 27 கிலோ எடை கொண்ட பெட்டி தக்காளி, ரூ. 700 முதல் 900 வரை விலை உள்ளது. இதனால், சில்லறை விற்பனையில் கிலோ 40 முதல் 50 ரூபாய் வரை விற்கப்படுகிறது. நேற்று அதிகபட்சமாக கிலோ ரூ. 40-க்கு விற்பனை செய்யப்பட்ட நிலையில் இன்று மேலும் தக்காளி விலை உயர்ந்துள்ளது. உள்ளூர் பகுதிகளில் விளையும் தக்காளி வரத்து அதிகரித்தால்தான், தக்காளி விலை குறையும்.

    இதேபோல், கத்தரிக் காய் கிலோ ரூ.40 ரூபாய், கேரட்-40, வெங்காயம்-30 ரூபாய் என்ற நிலையே தொடர்கிறது.

    மழைக்காலத்தில் காய்கறிகள் வரத்து குறைந்தால் அவற்றின் விலை மேலும் அதிகரிக்கவும் வாய்ப்புள்ளது என வியாபாரிகள் தெரிவித்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சாலை தடுப்புகள் அகற்றம்
    • போக்குவரத்து நெரிசல் அதிகரித்துள்ளது

    வேலூர்:

    வேலூர் மாநகரின் முக்கிய சாலையாக ஆற்காடு சாலை திகழ்கிறது. இந்த சாலையில் உள்ள தனியார் மருத்துவமனைக்கு வெளிமாநிலங்கள் தமிழகத்தின் பல்வேறு பகுதிகளில் இருந்து ஏராளமான நோயாளிகள் வந்து செல்கின்றனர்.

    எப்போதும் பரபரப்பாக காணப்படும் இந்த சாலையின் இருபுறமும் கடைக்காரர்கள் ஆக்கிரமிப்பு செய்திருந்தனர். பலர் கடைகளின் முன்பே வாகனங்களை நிறுத்தி வருகின்றனர்.இதனால் அடிக்கடி போக்குவரத்து நெரிசல் ஏற்படுகிறது. இந்த நிலையில் இன்று காலை வேலூர் போக்குவரத்து போலீஸ் சப் இன்ஸ்பெக்டர் வெங்கடேசன் மற்றும் போலீசார் தனியார் ஆஸ்பத்திரி முன்பு நிறுத்தப்பட்டிருந்த வாகனங்களை பறிமுதல் செய்தனர். போக்குவரத்துக்கு இடையூறு விதிமீறல் தொடர்பாக வழக்கு பதிவு செய்யப்பட்டது. மேலும் அங்கு நிறுத்தப்பட்டிருந்த 120 பைக் களுக்கு உடனடி அபராதம் விதித்தனர்.

    அங்குள்ள சாலை நடைபாதையில் ஆக்கிரமித்து வைக்கப்பட்டிருந்த கடைகளில் பொருட்களும் அப்புறப்படுத்தப்பட்டன எதனால் ஆர்காடு ஆக்கிரமிப்பு இல்லாமல் காணப்பட்டது.

    ஆற்காடு சாலையில் போக்குவரத்து நெரிசல் தீர்க்க முடியாத பிரச்சினையாக பல வருடங்களாக நீடிக்கிறது. ஆக்கிரமிப்புகளை அகற்றுவது தொடர்கதையாக உள்ளது. ஆற்காடு சாலையில் போக்குவரத்து நெரிசல் தவிர்க்க நிரந்தர தீர்வு காண வேண்டுமென பொது மக்கள் வலியுறுத்தியுள்ளனர்.

    ஆற்காடு சாலையில் போக்குவரத்து நெரி சலை தவிர்ப்பதற்காக சாலையின் நடுவே இருப்பு தடுப்புகளை போலீசார் அமைத்திருந்தனர்.இதனால் ஓரளவு வாகனங்கள் வரிசையாக சென்றதால் நெரிசல் குறைவாக இருந்தது.இந்த நிலையில் ஆற்காடு சாலையில் வைக்கப்பட்டிருந்த இரும்பு தடுப்புகள் தற்போது அகற்றப்பட்டுள்ளன.இதனால் சில வாகனங்கள் குறுக்கு நெடுக்கமாக சாலையில் திரும்புகின்றன.இதன் காரணமாக ஆற்காடு சாலையில் போக்குவரத்து நெரிசல் அதிகரித்துள்ளது. சாலையின் நடுவில் இருந்த இரும்பு தடுப்புகளை அகற்றியதால் போக்குவரத்து நெரிசல் அதிகரித்துள்ளது அதை ஏன் அகற்றினார்கள் என பொதுமக்கள் கேள்வி எழுப்பியுள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மழைநீர் தேங்கியதால் சேறும் சகதியுமாக காட்சியளிக்கிறது
    • சமூக ஆர்வலர்கள் கோரிக்கை விடுத்துள்ளனர்

    வேலூர்:

    வேலூர் மாநகராட்சி பகுதியில் பாதாள சாக்கடை திட்டம் மற்றும் காவிரி கூட்டு குடிநீர் திட்ட குழாய் புதைக்கும் பணிகள் கடந்த சில ஆண்டுகளாக நடைபெற்று வருகிறது.

    வேலூர் மாநகர சாலைகள் வெயில் காலங்களில் புழுதியாகவும் மழைக்காலங்களில் சேறும் சகதியமாக காணப்படுகிறது.

    காட்பாடி காந்திநகர் மாநகராட்சி அலுவலகம் உள்ள காந்தி நகர், விஜி ராவ் நகர், பாரதி நகர் காந்தி நகர் மற்றும் ஓடை பிள்ளையார் கோவிலில் இருந்து செல்லும் மதிநகர், அருப்புமேடு சாலைகள் பொதுமக்கள் நடந்து கூட செல்ல முடியாத அளவுக்கு படு மோசமாக சேறும் சகதியமாக காணப்படுகிறது. ஒரு நாள் மழைக்கு கூட இந்த சாலைகள் தாங்குவதில்லை.

    பணிகளை விரைந்து முடித்து நடவடிக்கை எடுத்து பொதுமக்களின் அவதியை போக்க வேண்டுமென சமூக ஆர்வலர்கள் கோரிக்கை விடுத்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மழை வெள்ளம் தேங்குவதை தடுக்க நடவடிக்கை
    • கமிஷனர் அசோக்குமார் தகவல்

    வேலூர்:

    வேலூர் மாநகராட்சி பகுதியில் பருவமழைக்கும் முன்பாக மழைநீர் தேங்ககூடிய தாழ்வான பகுதிகளை கண்டறிந்து வடிகால் அமைக்கும் பணிகள் தீவிரமாக நடந்து வருகிறது. திடீர் நகர், கன்சால்பேட்டை, இந்திரா நகர் குடியிருப்பு பகுதிகளில் தொடர்ந்து மழை வெள்ளம் புகுந்து வருகிறது.

    இதை தொடர்ந்து கொணவட்டத்தை ஒட்டி உள்ள திடீர் நகரில் சதுப்பேரி ஏரியில் இருந்து நிக்கல்சன் கால்வாய் வரை வரக்கூடிய கால்வாயில் ஆக்கிரமித்திருப்பது தெரிய வந்தது.அங்கு ஆக்கிரமித்துக் கட்டப்பட்டிருந்த வீடுகள் இடிக்கப்பட்டன.

    தற்போது அந்த கால்வாய் தூர்வாரும் பணிகள் நடந்து வருகிறது.

    குறுகலாக இருந்த அந்த கால்வாய் தற்போது அகலமாக பொக்லைன் எந்திரங்கள் கொண்டு தூர்வாரப்படுகிறது. இதனால் திடீர் நகர் பகுதியில் இந்த ஆண்டு மழை வெள்ளத்தின் போது தண்ணீர் தேங்க வாய்ப்பு இல்லை. கால்வாயில் மழை வெள்ளம் வந்து நிக்கல்சன் கால்வாயில் கலந்து விடும்.

    இது ஒரு புறம் இருக்க நிக்கல்சன் கால்வாயில் அடி வாரப் பகுதிகளும் தூர்வாரும் பணிகள் நடந்துள்ளது. மழை வெள்ளம் எளிதாக செல்லும் அளவிற்கு பணிகள் நடந்து வருகின்றன.

    இது குறித்து மாநகராட்சி கமிஷனர் அசோக்குமார் கூறுகையில்:-

    திடீர் நகர் பாரதி பள்ளியில் இருந்து ஆக்கிரமித்து வைக்கப்பட்டிருந்த கார்வாய் தற்போது தூர்வாரப்படுகிறது. சுமார் 1000 மீட்டர் நீளத்திற்கு இந்த கால்வாய் தூர்வாரப்பட்டு பணிகள் நிறைவடையும் தருவாயில் உள்ளன.

    இந்த பணிகள் முழுமையாக நிறைவு பெற்ற பிறகு திடீர் நகர் முள்ளிப்பாளையம் பகுதியில் மழை வெள்ளம் தேங்க வாய்ப்பில்லை என்றார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • காட்டிக்கொடுப்பவர்களுக்கு ரூ.200 பரிசு
    • வேலூர் மாநகராட்சியில் அமல்படுத்தப்படுகிறது

    வேலுார்:

    வேலுார் மாநகராட்சி பகுதிகளில், குப்பைகளை சாலையில் கொட்டுவதும் தீ வைத்து எரிப்பதும் நடந்து வருகிறது.

    இதனால் குப்பைகள் சேர்ந்து சுகாதார சீர்கேடு ஏற்படுகிறது. இதனை தடுப்பது குறித்த ஆலோசனைக் கூட்டம், மேயர் சுஜாதா, கமிஷனர் அசோக்குமார் தலைமையில் நேற்று நடந்தது.

    கூட்டத்தில், மாநகராட்சி திடக்கழிவு மேலா ண்மை துணை விதிகள் 2016ன் கீழ், குப்பைகளை பிரித்து அளிக்காதிருத்தல், தெருக்கள், கால்வாய்கள் மற்றும் காலிமனைகளில் குப்பைகளை கொட்டுதல், குப்பைகளை எரித்தல் ஆகி யவற்றுக்கு அபராதம் விதிக்கப்பட உள்ளது.

    அதன்படி, வீடுகளில் குப்பைகளை பிரித்து வழங்காமல் இருந்தால் ரூ.100, வணிக. நிறுவனங்களுக்கு ரூ.500 வணிக வளாகங் களுக்கு ஆயிரம் ரூபாய் அபராதமும், தெருக்கள், கழிவுநீர் கால்வாய்கள் மற்றும் காலி மனைகளில் குப்பைகளை வீட்டில் இருப்பவர்கள் கொட்டினால் ரூ.100, அதேபோல், வணிக நிறுவனங்களுக்கு ரூ.200 அபராதம் வசூலிக்கப்படும்.

    மேலும், வீட்டில் உள்ள குப்பைகளை வெளியே வைத்து எரித்தால் ரூ.100 வணிக நிறுவனங்களுக்கு ரூ.200 அபராதமாக வசூலிக்கப்படும்.

    அதேநேரம், குப்பைகளை கொட்டுபவர்களை வீடியோ எடுத்து அனுப்பினால், அவர்களுக்கு அன்பளிப்பாக ரூ.200 அளிக்கப்படும் என கூட்டத்தில் தெரிவிக்கப்பட்டது. இந்த நடைமுறை, வருகிற 10-ந் தேதி முதல் அமலுக்கு வருகிறது.

    இது தொடர்பான துண்டு பிரசுரங்கள், மாநகராட்சி பகுதியில் உள்ள 60 வார்டுகளிலும் மக்கள் அறியும் வகையில் ஒட்டப்படவுள்ளன.

    ஆலோசனைக் கூட்டத்தில், மாநகர நல அலுவலர் (பொறுப்பு) முருகன், சுகாதார அலுவலர்கள் லுார்துசாமி, சிவகுமார், இளநிலை பொறியாளர் வெங்கடேசன் உட்பட பலர்கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • விதிமுறைகளை கடைபிடிக்க உத்தரவு
    • பாதுகாப்பு உபகரணங்கள் பயன்படுத்த வலியுறுத்தல்

    வேலூர்:

    வேலூர் மாவட்டத்தில் பட்டாசு கடை வைப்பவர்கள் கடைபிடிக்க வேண்டிய விதிமுறைகள் குறித்து வழி முறைகள் வெளியிடப்பட்டது.

    அதன் விவரம் வருமாறு:-

    பட்டாசு கடைகளில் அனுமதிக்கப்பட்ட பட்டாசு வகைகள் மற்றும் அனுமதிக்கப்பட்ட அளவிற்கு மட்டுமே இருப்பு வைத்து வியாபாரம் செய்ய வேண்டும். தனி நுழைவு வாயில் மற்றும் அவசர வழியானது வெளிப்புறம் திறக்கும் வகையில் அமைக்கப்பெற்றிருக்க வேண்டும்.

    பட்டாசு வகைகள் வைக்கப்பட்டுள்ள அறை மக்கள் நடமாட்டம் இல்லாமலும், எளிதில் தீப்பிடிக்கக்கூடிய பொருட்கள் இல்லாத இடமாகவும் அமையபெறுதல் வேண்டும். உரிமம் வழங்கப்பட்ட இடத்தில் மட்டுமே இருப்பு வைத்து விற்பனை செய்ய வேண்டும்.

    பராமரிப்பு பணிகள் அல்லது பட்டாசு இருப்பு அளவினை உயர்த்துவது தொடர்பாக அல்லது வேறு எந்த பணிகள் செய்தாலும் உரிமம் வழங்கும் அதிகாரிக்கு எழுத்துபூர்வமாக தெரிவித்து உரிய அனுமதி பெற்ற பின்பே செய்யப்பட வேண்டும். வெடிவிபத்தோ அல்லது தீ விபத்தோ அல்லது பட்டாசு கடையில் இருப்பின் அளவு குறைந்தாலோ அல்லது திருடப்பட்டிருந்தாலோ உடனடியாக அருகில் உள்ள காவல் நிலையத்திற்கும். உரிமம் வழங்கும் அலுவலருக்கும் தெரியப்படுத்த வேண்டும்.

    பட்டாசு வகைகள் அரசால் அனுமதிக்கப்பட்டதாகவும்

    உரிய அனுமதி பெற்ற முகவரிடம் மட்டுமே வாங்கப்பட வேண்டும். குளோரேட் கொண்டு தயாரிக்கப்படும் வண்ண மத்தாப்பூ, சங்குசக்கரம், பூத்தொட்டி ஆகியவற்றிலிருந்து மற்ற பட்டாசு வகைகள் தனியாக வைத்து விற்பனை செய்யப்பட வேண்டும்.

    சீனாவில் தயாரிக்கப்படும் பட்டாசு வகைகளை எக்காரணத்திற்கொண்டும் இருப்பு வைப்பதோ அல்லது விற்பனை செய்வதோ கூடாது.

    வேறு வகையான வெடி பொருட்களோ துப்பாக்கி மருந்துகளோ வெடி பொருள் கலவைகளோ வைத்திருக்க கூடாது.

    பட்டாசு இருப்பு வைத்திருக்கும் பகுதி 9 சதுர மீட்டருக்கு குறையாமலும் 25 சதுர மீட்டருக்கு மிகாமலும் இருக்க வேண்டும்.

    மின் சாதனங்களும், கம்பிகளும் பாதுகாப்பான முறையில் மூடப்பட்டிருக்க வேண்டும். மின் சாதனங்கள் கட்டிடத்தின் வெளிபுறத்தில் அமைக்கப்பட வேண்டும்.

    எளிதில் தீப்பிடிக்கக்கூடிய பொருட்கள் இருக்கும் ஸ்தலத்திற்கும் இடையே 15 மீட்டர் இடைவெளி இருத்தல் வேண்டும்.

    அவசர காலத்தில் பயன்படுத்தப்படும் திரி கொண்ட எண்ணெய் விளக்குகள், பெட்டர்மாஸ் விளக்குகள் போன்றவற்றை பயன்படுத்தக்கூடாது.

    உரிமதாரர்கள் மற்றும் பணியாளர்கள் அணைவரும் தீத்தடுப்பு சாதனங்களை (தீயணைப்பான்கள்) அவசர காலத்தில் பயன்படுத்துவதற்கான வழிமுறையை அறிந்து வைத்திருக்க வேண்டும்.

    மேலும் தீத்தடுப்பு சாதனங்கனை உரிய தேதியில் புதுப்பித்தும், எந்நேரத்திலும் பயன்படுத்தும் வகையிலும் மற்றும் மணல் வாளிகள் தண்ணீர் வாளிகள் ஆகியவை தயார் நிலையில் வைத்திருக்க வேண்டும்.

    இவ்வாறு அதில் கூறப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இன்று முதல் 3 நாட்கள் நடக்கிறது
    • பள்ளி மாணவர்கள் இலவசமாக பார்வையிடலாம்

    வேலூர்:

    உலக விண்வெளி வாரத்தை முன்னிட்டு அக்டோபர் 7,8,9ஆகிய 3 நாட்கள், வி.ஐ.டி.யில் இஸ்ரோவின் கண்காட்சி நடைபெற உள்ளது.

    இந்த கண்காட்சியை ராணிப்பேட்டை பெல் நிறுவனத்தின் செயல் இயக்குனர் ராஜீவ் சிங் கலந்து கொண்டு தொடங்கி வைத்தார்.

    பள்ளி, கல்லூரி மாணவர்கள் இந்த கண்காட்சியை பார்வை யிடலாம், இதற்கு கட்டணம் கிடையாது. இந்த கண்காட்சியில் ராக்கெட் மற்றும் பல்வேறு அறிவியல் கண்டுபிடிப்புகள் மற்றும் அதன் தகவல்கள் பார்வைக்கு வைக்கப்பட உள்ளன.

    அதேபோல் அறிவியல் கருத்தரங்கமும் நடைபெற உள்ளது. குறிப்பாக மாணவர்களுக்கு வினாடி வினா, ஓவியப்போட்டி, பேச்சுப்போட்டி, போஸ்டர் மற்றும் மாதிரி வடிவமைப்பு போட்டிகள் நடைபெற உள்ளன.

    இந்தப் போட்டியில் மாணவர்கள் பங்கேற்க https://wsw.vit.ac.in இணையதளம் வழியாக மாணவர்கள் தங்கள் பெயர்களை பதிவு செய்து கொள்ளலாம்.

    மேலும் ஸ்பேஸ் வாக் (Space Walk) என்ற விழிப்புணர்வு நடைபயணம் அக்டோபர் 8-ந்தேதி காலை சித்தூர் பஸ் நிலையத்திலிருந்து வி.ஐ.டி. பல்கலைக் கழகம் வரை நடைபெற உள்ளது. இந்த விழிப்புணர்வு நடை பயணத்தில் மாணவர்கள் பங்கு கொள்ளலாம்.

    இவ்வாறு வி.ஐ.டி. சார்பில் வெளியி டப்பட்டுள்ள அறிக்கையில் தெரிவிக்கப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வேலூரில் நடந்த கூட்டத்தில் மத்திய மந்திரி பேச்சு
    • மத்திய அரசின் திட்டங்கள் குறித்த ஆய்வுக் கூட்டம் நடந்தது

    வேலூர்:

    வேலூர் கலெக்டர் அலுவலகத்தில் இன்று மத்திய அரசின் திட்டங்கள் குறித்த ஆய்வுக் கூட்டம் நடந்தது.

    மத்திய சமூக நீதி மற்றும் அதிகாரம்அளித்தல் துறை இணை மந்திரி நாராயண சாமி கலந்து கொண்டார். இந்த ஆய்வு கூட்டத்தில் கலெக்டர் குமாரவேல் பாண்டியன் மற்றும் அரசு அதிகாரிகள் பங்கேற்றனர்.

    கூட்டத்தில் மத்திய மந்திரி நாராயணசாமி பேசியதாவது:-

    மத்திய அரசு பல்வேறு திட்டங்களுக்காக 60 சதவீதம் நிதி வழங்குகிறது. மாநில அரசு 40 சதவீத நிதி வழங்குகிறது. கூட்டம் தொடங்கியதும் மத்திய அரசு வழங்கும் நிதி குறித்து ஏன் பேசவில்லை என கேள்வி எழுப்பினார்‌. மத்திய அரசு வழங்கும் நிதியை ஏன் மறைக்கிறீர்கள்.

    இந்த கூட்டத்தில் மத்திய அரசு நிதி உதவி பெறும் அனைத்து துறை அதிகாரிகள் பங்கேற்க வேண்டும்.ஒருதுறை மட்டுமே பங்கேற்பது ஏற்புடையதாக இல்லை என்றார். தொடர்ந்து பல்வேறு திட்டங்கள் குறித்து மத்திய மந்திரி ஆய்வு செய்தார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தொடர் விடுமுறை முடிந்து ஊருக்கு திரும்பினர்
    • சிறப்பு பஸ்கள் இயக்கப்பட்டது

    வேலூர்:

    அக்டோபர் மாதம் தொடக்கத்தில் இருந்தே விடுமுறை நாட்களாகி விட்டது. இடையில் 3ம் தேதி திங்கள்கிழமை ஒரு நாள் மட்டும் விடுமுறை எடுத்தால், தொடர்ந்து 5 நாட்கள் விடுமுறை கிடைத்துவிடும் என்ற நிலை. இதனால், வெளி யூர்களில் பணிபுரிபவர்கள் நவராத்திரியை கொண்டா டுவற்காக, சொந்த ஊருக்கு செல்ல மூட்டைமுடிச்சு களுடன் கடந்த வாரம் வெள்ளிக்கிழமை (செப். 30ம் தேதி) ஊருக்கு வந்தனர்.

    தொடர்ந்து, 5 நாட்க ளுக்கு பின்னர் விடுமுறை முடிந்து நேற்று மீண்டும் தாங்கள் செல்ல வேண்டிய ஊர்களுக்கு திரும்பினர். இதனால், வேலூர் புதிய பஸ் நிலையம் முழுவதும் பயணிகள் கூட்டத்தால் நிரம்பிவழிந்தது. குறிப்பாக, சென்னை, சேலம், பெங்களூர் மற்றும் தென் மாவட்டங்களுக்கு செல் லும் பஸ்களில் மக்கள் முண்டியடித்துக் கொண்டு இடம்பிடித்தனர்.

    பயணிகள் கூட்டம் அதிகமாக இருந்ததால், பல ஊர்களுக்கு சிறப்பு பஸ்களும் இயக்கப்பட்டன. இதனால், வேலூர் புதிய பஸ் நிலைய பகுதி நேற்று இரவு வரை பரபரப்பாக காணப்பட்டது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சோதனைச்சாவடிகளில் 3 சுழற்சிகளாக ஆய்வு
    • சோதனையை தீவிரப்படுத்த போலீஸ் சூப்பிரண்டு உத்தரவு

    வேலூர்:

    ஆந்திர மாநிலத்துடன் வேலூர் மாவட்ட எல்லை சுமார் 80 கிலோமீட்டர் கொண்டதாக உள்ளது. பொன்னை, கிறிஸ்டியான்பேட்டை, பரதராமி, சயனகுண்டா சோதனைச்சாவடிகள் உள்ளன. கஞ்சா கடத்தல் தடுக்க தீவிர வாகன சோதனை நடத்தி வருகின்றனர்.

    ஆனால், மாவட்ட எல்லையில் உள்ள சில கிராமங்கள் வழியாக சுலபமாக வந்து செல்ல முடியும் என கூறப்படுகிறது. ஆந்திர மாநிலத்துடன் இணைக்கும் கிராம அளவிலான அனைத்து பாதைகள் குறித்த விவரங்களையும் உட்கோட்ட அளவில் போலீசார் சேகரித்துள்ளனர்.

    இங்கு சோதனையை தீவிரப் படுத்த முடிவு செய்துள்ளனர். மேலும், ஆந்திர மாநிலத்தில் இருந்து இனி வேலூர் மாவட்டம் வழியாக ஒரு கிலோ கஞ்சாவும் கடத்த முடியாத அளவுக்கு சோதனையை தீவிரப்படுத்த போலீஸ் சூப்பிரண்டு ராஜேஷ் கண்ணன் உத்தர விட்டுள்ளார்.

    மாநில எல்லை சோதனைச்சாவடிகளில் 24 மணி நேரமும் 3 சுழற்சிகளாக சோதனை நடத்தி வருகின்றனர். வேலூர் புதிய பஸ் நிலையம் அருகே பஸ்களில் இன்று போலீசார் சோதனை நடத்தினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நள்ளிரவில் கொட்டியது
    • தெருக்கள் சேரும் சகதியுமானது

    வேலூர்:

    வேலூர் மாவட்டத்தில் கடந்த வாரம் வெயில் சுட்டெரித்தது.2 நாட்களாக மேகம் மந்தமாக காணப்பட்டது. நள்ளிரவில் திடீரென மழை பெய்தது. வேலூர் நகர பகுதியில் 27.2 மில்லி மீட்டர் மழை பெய்தது.

    இடி மின்னலுடன் நகர பகுதியில் மழை பெய்ததால் சாலைகளில் மழை வெள்ளம் பெருக்கெடுத்து ஓடியது. கால்வாய் மற்றும் சாலை பணிகள் நடப்பதால் சில தெருக்கள் சேரும் சகதியமாக காட்சியளித்தன.

    காட்பாடியில் இடி மின்னலுடன் பலத்த மழை பெய்தது அங்குள்ள பல தெருக்களில் இன்னும் ஸ்மார்ட் சிட்டி பணிகள் நடந்து வருகிறது. இதனால் அந்த தெருக்களில் சேரும், சகதியுமாக காட்சி அளித்தன. மாவட்டத்தில் அதிகபட்சமாக காட்பாடியில் 41 மில்லிமீட்டர் மழை பதிவானது. பொன்னை திருவலம் பகுதிகளில் மிதமான மழை பெய்தது.

    திருவண்ணாமலை மாவட்டத்தில் ஆரணி, செங்கம், வந்தவாசி பகுதிகளில் இடியுடன் கூடிய பலத்த மழை பெய்தது. ஆரணி செய்யாறு பகுதியில் பெய்த கன மழை காரணமாக அந்த பகுதியில் உள்ள ஏரி கால்வாய்களில் நீர்வரத்து ஏற்பட்டது.

    அந்த பகுதியில் உள்ள காட்டாறுகளில் மழை வெள்ளம் பெருக்கெடுத்து ஓடியது. அதிகபட்சமாக ஆரணியில் 61 மீட்டர் மழை பதிவானது. சேத்துப்பட்டு பகுதியில் லேசான சாரல் மழை பெய்தது. மற்ற இடங்களில் மழை பெய்யவில்லை.

    வேலூர், திருவண்ணாமலை, ராணிபேட்டை மாவட்டத்தில் பெய்த மழை அளவு விவரம் மில்லிமீட்டரில் வருமாறு:-

    வேலூர்-27.2, காட்பாடி-41, பொன்னை- 16.4, திருவலம்-17.6, மேல்ஆலத்தூர்-2.2. ஆரணி-61, செய்யாறு-58, வந்தவாசி-35, சேத்பட்டு-7, வெம்பாக்கம்-13.  

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பள்ளிகொண்டாவை சேர்ந்தவர்
    • போலீசார் விசாரணை

    வேலூர்:

    வேலூர் மாவட்டம் பள்ளிகொண்டா கோட்டை தெருவை சேர்ந்தவர் ராஜகுரு (வயது 38). இவருக்கு திருமணமாகி 2 குழந்தைகள் உள்ளனர். ராஜகுரு வேலூரில் உள்ள தனியார் கொரியர் நிறுவனத்தில் வேலை பார்த்து வந்தார்.

    தினமும் அவர் பைக்கில் வேலைக்கு சென்று வருவது வழக்கம். நேற்று இரவு பணி முடிந்து பைக்கில் வீட்டிற்கு சென்று கொண்டிருந்தார்.

    அன்பூண்டி வங்கி அருகே தேசிய நெடுஞ்சாலையில் சென்றபோது எதிர்பாராத விதமாக அவரது பைக் சாலை தடுப்பில் மோதியது. இதில் தூக்கி வீசப்பட்ட ராஜகுருவின் தலையில் பலத்த காயம் ஏற்பட்டது. படுகாயமடைந்த அவர் சம்பவ இடத்திலேயே பரிதாபமாக இறந்தார்.

    இது குறித்து தகவல் அறிந்த விரிஞ்சிபுரம் போலீசார் சம்பவ இடத்திற்கு சென்று அவரது உடலை மீட்டு பிரேத பரிசோதனைக்கு அனுப்பி வைத்தனர். அவரது உடலை பார்த்து மனைவி குழந்தைகள் கதறி அழுதது பரிதாபமாக இருந்தது.

    ராஜகுருவிற்கு பின் புறம் தலையில் மட்டும் அடிபட்டுள்ளது. அவர் ஹெல்மெட் அணிந்திருந்தால் உயிரிழக்காமல் தப்பித்து இருக்கலாம்.

    அவர் எதிர்பாராத விதமாக சாலை தடுப்பில் மோதினாரா அல்லது வேறு ஏதாவது வாகனம் அவர் மீது மோதி விட்டு நிற்காமல் சென்றதா என்ற கோணத்தில் போலீசார் விசாரணை நடத்தி வருகின்றனர்.