என் மலர்![tooltip icon](/images/info-tooltip.svg)
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
கார்
![வேற லெவல் அப்டேட்டுகள்.. புதிய 5 சீரிஸ் மாடலை அறிமுகப்படுத்திய பிஎம்டபிள்யூ வேற லெவல் அப்டேட்டுகள்.. புதிய 5 சீரிஸ் மாடலை அறிமுகப்படுத்திய பிஎம்டபிள்யூ](https://media.maalaimalar.com/h-upload/2024/07/25/3566402-bmw.webp)
வேற லெவல் அப்டேட்டுகள்.. புதிய 5 சீரிஸ் மாடலை அறிமுகப்படுத்திய பிஎம்டபிள்யூ
![மாலை மலர் மாலை மலர்](/images/authorplaceholder.jpg?type=1&v=2)
- 18 இன்ச் மற்றும் 19 இன்ச் வீல்கள் இந்த மாடலில் வழங்கப்பட்டு இருக்கிறது.
- எஞ்சின் பின்புற சக்கரங்களை இயக்கும் எட்டு வேக AT உடன் இணைக்கப்பட்டுள்ளது.
இந்தியாவில் அறிமுகப்படுத்தப்பட்ட அடுத்த தலைமுறை மாடலான பிஎம்டபிள்யூ 5 சீரிஸின் ஆரம்ப விலை ரூ.72.90 லட்சம் (எக்ஸ் ஷோரூம்) என நிர்ணயிக்கப்பட்டுள்ளது. இது இரண்டு வகைகளில், இரண்டு வண்ணங்கள் மற்றும் ஒரு பெட்ரோல் எஞ்சினுடன் கிடைக்கிறது. இது உலகளவில் வெற்றிபெற்ற நடுத்தர அளவிலான செடானின் 8-வது தலைமுறையாகும்.
வெளிப்புற தோற்றம்:
புதிய 5 சீரிஸ் சமீபத்திய பிஎம்டபிள்யூ-வின் சிக்னேச்சர் கிட்னி கிரில்லை நேர்த்தியான முழு எல்இடி ஹெட்லேம்ப்களுடன் பெறுகிறது. பிஎம்டபிள்யூ 18 இன்ச் மற்றும் 19 இன்ச் வீல்கள் இந்த மாடலில் வழங்கப்பட்டு இருக்கிறது. இது கூடுதல் நீளமாக உள்ளதை பார்க்க முடியுகிறது.
பின்புறம் முந்தைய தலைமுறையின் வட்டத்தன்மையை இழந்து, உறுதியான பம்பர் மற்றும் சிக்னேச்சர் ரேப்-அரவுண்ட் எல்இடி டெயில் லேம்ப்களுடன் கூர்மையான தோற்றத்தில் காணப்படுகிறது.
உட்புறம் மற்றும் சிறப்பம்சங்கள்
பிஎம்டபிள்யூ கேபின் வடிவமைப்பு, கிளஸ்டர் மற்றும் இன்ஃபோடெயின்மென்ட் சிஸ்டம் ஒற்றை திரை போன்ற அமைப்பைக் கொண்டுள்ளது. அதே நேரத்தில் சென்டர் கன்சோல் பெரியதாகவும் மற்றும் ஸ்க்ரோல் வீல் மற்றும் கியர் செலக்டர் மெக்கானிசம் வழங்கப்பட்டுள்ளது.
இரண்டாவது சீட் வரிசை மிகவும் விசாலமாகவும் அனைத்து வயதினருக்கும் தேவைப்படும் அனைத்து வசதிகளும் உள்ளன.
இத்துடன் பனோரமிக் சன்ரூஃப், போவர்ஸ் மற்றும் வில்கின்ஸ் சவுண்ட் சிஸ்டம், மல்டி-சோன் கிளைமேட் கண்ட்ரோல், இன்டீரியர் கேமரா, லெதரெட் இருக்கை மேற்கவர்கள், வயர்லெஸ் சார்ஜர் மற்றும் ஃபோன் மிரரிங், கனெக்ட்டெட் கார் தொழில்நுட்பம், 360 டிகிரி கேமரா மற்றும் தானியங்கி பார்க்கிங் உள்ளிட்ட டிரைவர் உதவி அமைப்புகள் இடம்பெற்றுள்ளன.
பவர்டிரெய்ன் விருப்பங்கள்
புதிய 5 சீரிஸ் ஒரு பெட்ரோல் எஞ்சினுடன் மட்டுமே கிடைக்கிறது. இது 2.0-லிட்டர் நான்கு சிலிண்டர் மோட்டார் 256bhp/400Nm வெளிப்படுத்துகிறது. இந்த எஞ்சின் பின்புற சக்கரங்களை இயக்கும் எட்டு வேக AT உடன் இணைக்கப்பட்டுள்ளது.
இந்த எஞ்சினுடன் 48V மைல்ட் ஹைப்ரிட் ஆப்ஷன் வழங்கப்படுகிறது. இந்த கார் மணிக்கு 100 கிலோமீட்டர் வேகத்தை 6.5 வினாடிகளில் எட்டிவிடும். இந்த புதிய தலைமுறையில் 5 சீரிஸ், வரவிருக்கும் மெர்சிடிஸ் பென்ஸ் E-Class மாடலுக்கு போட்டியாக இருக்கும்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
![sidkick sidekick](/images/sidekick-open.png)