சிங்காரப்பேட்டை:

கிருஷ்ணகிரி மாவட்டம் ஊத்தங்கரை கல்லாவி சாலை பகுதியில் உள்ள சுப்ரமணிய சாமி கோவில் அமைந்துள்ளது. அந்த கோவில் அருகே பூக்கடை, எலெக்டரிக்கல் பொருட்கள் பழுது பார்க்கும் கடை, பேன்சி ஸ்டோர் கடைகள் என ஏராளமான கடைகள் செயல்பட்டு வருகின்றனர்.

இதில் கோவிலையொட்டி அதே பகுதியைச் சேர்ந்த குமார் என்பவர் எலக்ட்ரிக்கல் பொருட்கள் பழுது பார்க்கும் கடை வைத்துள்ளார். அதன் அருகே ஜெயராமன் என்பவர் பேன்சி ஸ்டோர் கடை நடத்தி வருகிறார்.

இந்த நிலையில் வழக்கம் போல் இன்று காலை 2 பேரும் கடைகளை திறந்து வைத்திருந்தனர். அப்போது திடீரென்று குமாரின் எலக்ட்ரிக்கல் பழுது பார்க்கும் கடையில் இருந்து புகை வெளியேறியது. இந்த புகை சிறிது நேரத்தில் தீப்பிடிக்க ஆரம்பித்தது.

அப்போது குமாரின் கடையின் அருகில் உள்ள ஜெயராமனின் பேன்சி ஸ்டோர் கடையிலும் அந்த தீப்பற்றி கொண்டது.

உடனே கடையில் இருந்து வெளியே குமாரும், ஜெயராமனும் ஊத்தங்கரை தீயணைப்பு துறையினருக்கு தகவல் தெரிவித்தனர்.

இதில் தீ மளமளவென பரவி கடைகள் முழுவதும் பற்றி எரிந்தது. இதனால் அந்த பகுதி முழுவதும் புகை மண்டலமாக காட்சியளித்தது. அதற்குள் குமாரின் கடையில் இருந்த பழைய எலெக்ட்ரிக்கல் பொருட்களும், ஜெயராமன் கடையில் இருந்த பேன்சி பொருட்களும் முழுவதும் எரிந்து சேதமானது.

இந்த தீ விபத்தால், கோவிலுக்குள் சென்றவர்கள், அந்த பகுதியில் மற்ற கடைகளில் இருந்த பொதுமக்கள் பதறியடித்து அங்கிருந்து தப்பித்து ஓடினர்.

தகவலறிந்த ஊத்தங்கரை தீயணைப்பு துறையினர் சம்பவ இடத்திற்கு விரைந்து வந்து தண்ணீரை பீய்ச்சி அடித்து தீயை அணைத்து கட்டுக்குள் கொண்டு வந்தனர்.

இதுகுறித்து தகவலறிந்த ஊத்தங்கரை போலீசார் சம்பவ இடத்திற்கு நேரில் விரைந்து வந்து ஆய்வு செய்தனர். மேலும், தீவிபத்து குறித்து போலீசார் வழக்கு பதிவு செய்து மின் கசிவால் தீப்பற்றி கொண்டதா? அல்லது வேறு யாரவாது தீ வைத்தனரா? என்று பல்வேறு கோணங்களில் விசாரணை நடத்தி வருகின்றனர்.

இந்த தீவிபத்து சம்பவத்தால் அந்த பகுதியில் பெரும் பரபரப்பை ஏற்படுத்தியுள்ளது. 

செங்குன்றம் அருகே உள்ள பம்மது குளம் பகுதியில் அரசினர் உதவி தொடக்கப்பள்ளி செயல்பட்டு வருகிறது. இந்த பள்ளியில் மாணவர்களின் எண்ணிக்கை குறைந்தது. ஆனால் இந்த ஆண்டு பள்ளியில் மாணவர்கள் குறைந்ததை மறைத்து 566 மாணவர்கள் பள்ளியில் படித்து வருவதாக கணக்கு காட்டியதாக கூறப்படுகிறது. ஆனால் இந்த பள்ளியில் வெறும் 219 மாணவர்களே படித்து வருகின்றனர்.

கடந்த சில நாட்களுக்கு முன்பு மாவட்ட முதன்மை கல்வி அலுவலர் ஆய்வின்போது இது வெளிச்சத்துக்கு வந்தது. இதையடுத்து பள்ளியின் தலைமை ஆசிரியை லதா மற்றும் இதனை கண்காணிக்காத வட்டார உதவி தொடக்கக் கல்வி அலுவலர் மேரி ஜோசப் ஆகியோர் பணியிடை நீக்கம் செய்யப்பட்டனர்.

இதேபோல் தமிழகம் முழுவதும் பல பள்ளிகளில் போலியாக மாணவர்களின் எண்ணிக்கையை உயர்த்தி காட்டி இருக்கலாம் என்ற சந்தேகம் எழுந்து உள்ளது.

இதைத்தொடர்ந்து பள்ளிக்கல்வித்துறை, மாவட்ட கல்வி அலுவலர்களுக்கு சுற்றறிக்கை அனுப்பி உள்ளது. அதில், தங்கள் ஆளுகைக்கு உட்பட்ட பள்ளிகளில் நேரடியாக ஆய்வு செய்து, பணியாற்றும் ஆசிரியர்களின் விபரங்கள், மாணவர்களின் எண்ணிக்கை விபரங்களை சரிபார்த்து ஆய்வு செய்ய வேண்டும் என்று தெரிவிக்கப்பட்டு உள்ளது.

8-வது ஆசிய சாம்பியன்ஸ் கோப்பை ஹாக்கி சீனாவின் ஹூலுன்பியர் நகரில் நடந்து வருகிறது. இதில் பங்கேற்றுள்ள 6 அணிகள் தங்களுக்குள் தலா ஒரு முறை மோத வேண்டும்.

லீக் சுற்று முடிவில் முதல் 4 இடங்களை பிடிக்கும் அணிகள் அரைஇறுதிக்கு தகுதி பெறும். நடப்பு சாம்பியன் இந்தியா தான் மோதிய 4 ஆட்டங்களிலும் வெற்றி பெற்று அரைஇறுதிக்கு தகுதி பெற்றுவிட்டது.

சீனா, ஜப்பான், மலேசியா, தென் கொரியா ஆகிய அணிகளை வீழ்த்தியது. இந்திய அணி தனது 5-வது மற்றும் கடைசி லீக் ஆட்டத்தில் பாகிஸ்தானுடன் நாளை மோதுகிறது. இப்போட்டி மதியம் 1.15 மணிக்கு தொடங்குகிறது. பாகிஸ்தான் 2 ஆட்டத்தில் ஒரு வெற்றி, 3 தோல்வி பெற்றுள்ளது.

சென்னை:

தமிழ்நாடு அரசு போக்குவரத்துக் கழகம் வெளியிட்ட அறிவிப்பில் கூறி இருப்பதாவது:-

தமிழகத்தில் தொடா் விடுமுறை நாட்களான நாளை (சனிக்கிழமை), ஞாயிற்றுக்கிழமை (15-ந் தேதி) மற்றும் மீலாது நபி (16-ந் தேதி) ஆகிய தினங்களை முன்னிட்டு, கூடுதல் சிறப்பு பஸ்களை இயக்க திட்டமிடப்பட்டு உள்ளது. அதன்படி, இன்று மற்றும் நாளை ஆகிய நாட்களில் சென்னை கிளாம்பாக்கத்தில் இருந்து திருவண்ணாமலை, திருச்சி, கும்பகோணம், மதுரை, திருநெல்வேலி, நாகா்கோவில், கன்னியாகுமரி, தூத்துக்குடி, கோவை, சேலம், ஈரோடு, திருப்பூா் ஆகிய ஊா்களுக்கு கூடுதலாக 955 பஸ்களை இயக்க திட்டமிடப்பட்டு உள்ளது.

இதேபோல, சென்னை கோயம்பேட்டில் இருந்து திருவண்ணாமலை, நாகை, வேளாங்கண்ணி, ஓசூா், பெங்களூரு ஆகிய ஊா்களுக்கு கூடுதலாக 190 பஸ்களும், மாதவரத்தில் இருந்து 20 பஸ்களும், பெங்களூரு, திருப்பூா், ஈரோடு, கோவை உள்ளிட்ட பல்வேறு ஊா்களுக்கு 350 பஸ்கள் என மொத்தம் 1,515 கூடுதல் பஸ்கள் இயக்க திட்டமிடப்பட்டு உள்ளது.

மேலும், ஞாயிற்றுக்கிழமை முதல் செவ்வாய்க்கிழமை வரை பொதுமக்கள் தங்கள் சொந்த ஊா்களில் இருந்து சென்னை மற்றும் பெங்களூரு திரும்ப வசதியாக தேவைக்கேற்ப கூடுதல் பஸ்கள் இயக்கவும் திட்டமிடப்பட்டுள்ளது.

இவ்வாறு அதில் கூறப்பட்டுள்ளது. 

தமிழ்நாடு முழுவதும் நாளை (சனிக்கிழமை) குரூப்-2 தேர்வு நடைபெற உள்ளது.

குரூப் 2 மற்றும் 2ஏ தோ்வை 7 லட்சத்து 93 ஆயிரத்து 966 போ் நாளை (சனிக்கிழமை) எழுத உள்ளனா். இதற்காக தமிழ்நாடு முழுவதும் 2,763 மையங்கள் ஏற்படுத்தப்பட்டு உள்ளன. மொத்தமுள்ள 2,763 தோ்வு மையங்களுக்கு முதன்மை கண்காணிப்பாளா்கள், கண்காணிப்பாளா்கள் நியமிக்கப்பட்டுள்ளனா்.

தோ்வா்கள் தங்களுக்கு ஒதுக்கப்பட்ட மையங்களுக்குள் நாளை காலை 8.30 மணிக்குள் இருக்க வேண்டும். 9 மணி வரை அவா்கள் வருவதற்கு அனுமதி உண்டு என அறிவிக்கப்பட உள்ளது.

தமிழகம் முழுவதும் 2763 தேர்வு மையங்களும் பள்ளிக்கூடங்கள் ஆகும்.

இதனால், டிஎன்பிஎஸ்சி குரூப் 2 தேர்வுகள் நாளை நடைபெறுவதையொட்டி தமிழகம் முழுவதும் நாளை பள்ளிகளுக்கு விடுமுறை அறிவித்து பள்ளிக்கல்வித்துறை உத்தரவிட்டுள்ளது.

சென்னை:

பூண்டு உண்பது உடல் ஆரோக்கியத்துக்கு நல்லது. தினமும் 2 பூண்டு பற்களை சாப்பிட்டு வந்தால் இதயத்துக்கு நல்லது என்று கூறப்படுகிறது. இதனால் உணவில் அன்றாடம் பூண்டை பயன்படுத்தும் பழக்கம் தமிழ்நாட்டில் அதிகம்.

இது தவிர ஊறுகாயாக தயாரித்தும் பயன்படுத்துகிறார்கள். எனவே பூண்டு விலை அதிகரித்தாலும் வியாபாரம் அமோகமாக நடக்கும்.

தமிழகத்தில் கொடைக்கானல், ஊட்டி ஆகிய மலை பிரதேசங்களில் அதிக அளவில் பூண்டு பயிரிடப்படுகிறது. கடந்த 6 மாதங்களாக இந்த பகுதியில் பருவமழை பொய்த்ததால் எதிர்பார்த்த அளவு பூண்டு மகசூல் இல்லை.

ஒரு ஏக்கர் நிலத்தில் 400 கிலோ பூண்டு மட்டுமே அறுவடை செய்யப்பட்ட தாகவும் ஆனால் அதற்கான செலவு ரூ.3 லட்சம் என்றும் விவசாயிகள் கூறுகிறார்கள்.

அறுவடை செய்யப்பட்ட பூண்டை கிலோவுக்கு ரூ.340 என்று மொத்த வியாபாரியிடம் விற்பனை செய்ததாகவும் ஒன்றரை லட்சத்துக்கு மேல் நஷ்டம் ஏற்பட்டுள்ளதாகவும் விவசாயி ஒருவர் கூறி உள்ளார். இந்த பூண்டுகள் சில்லரை விலைக்கு கிலோ ரூ.450 முதல் ரூ.600 வரை விற்கிறது.

இப்போது பூண்டிலும் சீனாக்காரர்கள் ஊடுருவி இருக்கிறார்கள். சீனாவில் இருந்து கொண்டு வரப்படும் பூண்டுகள் குஜராத் வழியாக தமிழகத்துக்கு வருவதாக கூறப்படுகிறது.

சீன பூண்டுகளை கிலோவுக்கு ரூ.200 முதல் ரூ.300-க்குள் கொள்முதல் செய்து மார்க்கெட்டில் அதிக விலைக்கு விற்பதாக கூறுகிறார்கள்.

120 முதல் 150 டன் சீன பூண்டுகள் கண்டெய்னர்கள் மூலம் குஜராத் கொண்டு வரப்பட்டு ஏலம் விடப்பட்டிருப்பதாகவும் அதில் பெரமளவு தமிழகத்துக்கு கொண்டு வரப்பட்டுள்ளதாகவும் கூறுகிறார்கள்.

தமிழ்நாட்டில் மதுரை, தேனி, திண்டுக்கல் ஆகிய மாவட்டங்களில் பூண்டு விற்பனை அமோகமாக நடக்கிறது. இப்போது மலைப்பூண்டு வரத்து குறைந்து சீன பூண்டுகள் அதிகம் விற்கப்படுகிறது.

இந்த பூண்டுகள் உற்பத்தி செய்யப்படும்போது பூச்சி கொல்லி மருந்துகள் அதிக அளவில் பயன்படுத்தப்படுவதால் அந்த பூண்டுகள் உடலுக்கு தீங்கு விளைவிக்கும் என்று கண்டறியப்பட்டு கடந்த 2014-ம் ஆண்டிலேயே தடைசெய்யப்பட்டு விட்டது.

இந்த நிலையில் இப்போது ரகசியமாக கடத்தி வருவதாக கூறப்படுகிறது.

இது தொடர்பாக கோயம்பேடு மார்க்கெட் பூண்டு மொத்த வியாபாரி பாபு கூறியதாவது:-

ஊட்டி பகுதியில் விளையும் பூண்டு லேசாக கருப்பு மற்றும் பிரவுனாக இருக்கும். புகை பூண்டு என்றும் சொல்வார்கள்.

இமாச்சல பிரதேசம், மத்திய பிரதேசம் மாநிலங்களில் இருந்து வரும் பூண்டுகள் தூய வெண்மையாக இருப்பதால் மக்கள் அதையே விரும்பி வாங்குகிறார்கள்.

ஆனால் அங்கு விளை விக்கப்படும் பூண்டுகளின் விதைப் பூண்டுகள் இங்கிருந்தே செல்கின்றன. ஊட்டி மற்றும் கொடைக்கானலில் விளையும் பூண்டுகள் வடுகப்பட்டி வழியாக விதைக்காக இமாச்சல் மற்றும் மத்திய பிரதேசத்துக்கு அனுப்பப்படுகிறது.

இமாச்சலில் இருந்து வரும் பூண்டுகள் மலைப் பூண்டு எனப்படும். இதுதான் மருத்துவ குணம் உடையது. மத்திய பிரதேசத்தில் இருந்து வருவது நாட்டு பூண்டுகள் எனப்படும்.

கோயம்பேட்டில் தினமும் சராசரியாக 20 டன் பூண்டு விற்பனையாகிறது. முதல் ரகம் கிலோ ரூ.400 ஆகவும் குறைந்தது கிலோ ரூ.200-க்கும் விற்கப்படுகிறது என்றார்.

'குடிப்பழக்கத்தைக் கைக்கொள்ளுகிறவன் தன்னையும், தன்னைச் சார்ந்தவர்களையும் நாசத்திற்கு உள்ளாக்குகிறான். குடி ஒருவனுடைய உடம்பையும், ஒழுக்கத்தையும், அறிவையும், ஆக்கத்தையும் நாசமாக்குகிறது'.

-மகாத்மா காந்தி

அது பட்டணத்தின் ஒரு பரபரப்பான சாலை. அங்குமிங்கும் விரைகின்ற வாகனங்களின் இரைச்சல். ஒலியெழுப்பியபடி சீறிப் பாய்கின்ற மோட்டார் பைக்குகள். வியாபாரம், தொழில், அலுவலகம் என எல்லோரும் வேக வேகமாக ஓடிக் கொண்டிருக்கின்ற நேரம்.

அந்தச் சாலையின் பக்கவாட்டில் மாநகராட்சியின் குப்பைத் தொட்டி. அதன் அருகே ஒருவன் விழுந்து கிடக்கின்றான். முப்பது வயதுதான் இருக்கும். நல்ல பேண்ட், ஷர்ட், விலையுயர்ந்த ஷு அணிந்திருக்கின்றான்.

வாகனங்களின் பேரிரைச்சல், பாதசாரிகளின் பேச்சு சத்தங்கள், குப்பைத் தொட்டியின் நாற்றம் - எதைப் பற்றிய உணர்வுமின்றிக் கிடக்கின்றான்.

அவன் செல்போனை எடுத்து, அதிலிருந்து யாரோ ஒருவர் தகவல் கொடுத்திருக்க வேண்டும். சிறிது நேரத்தில் ஒரு ஆட்டோ அங்கு வந்து நிற்க, ஓர் இளம்பெண்ணும் சிறு குழந்தையும் பதற்றத்துடன் இறங்கி அவனருகில் ஓடுகின்றனர்.

'இப்படி விழுந்து கிடக்கி றீங்களே, தலைவிதியா... ஐயோ... எழும்புங்க, வீட்டுக்குப் போகலாம்' - அழுது அரற்றியபடியே கணவனின் உடலை உலுக்குகிறாள் அந்தப் பெண்.

'டாடி, டாடி...வாங்க டாடி. என்னை பாருங்க டாடி...நம்ம வீட்டுக்குப் போவோம் டாடி' என்று அந்தப் பிஞ்சுக் குழந்தை, தனது தந்தையின் கையைப் பிடித்து இழுக்கிறது.

'குடிச்சிக் குடிச்சி குடும்பத்தையே நடுத்தெருவுக்குக் கொண்டு வந்துட்டீங்களே' என்று தலையில் அடித்துக் கொண்டு, அவனின் முதுகுக்குக் கீழ் தனது கையைக் கொடுத்து, ஆட்டோ டிரைவரின் உதவியுடன் சிரமப்பட்டு அவனைத் தூக்கி நிறுத்தி, மெல்ல நகர்த்திச் சென்று, ஆட்டோவில் உட்காரச் செய்துவிட்டாள்.

போதையின் உச்சத்தில் இருந்த அவனுக்கு எதுவுமே தெரியவில்லை. அவளோ அவமானத்தால் கூனிக் குறுகினாள். குழந்தையும் அவளும் ஏறிக் கொள்ள, ஆட்டோ அங்கிருந்து விரைந்தது.

இன்று எத்தனையோ குடும்பங்களின் நிலை இதுதான். குடி பலரின் குடியை நாசமாக்கிக் கொண்டிருக்கின்றது.

சம்பளத்தின் பாதி தொகைகூட வீடு வந்து சேர்வதில்லை. கடன் தொல்லை குறைந்தபாடில்லை. மனைவி மக்களைப் பற்றிய நினைவு இல்லை. எப்போதும் சண்டை சச்சரவு. காரணம் என்ன? குடிதானே!

குடிக்கப் பழகி, பின்னர் குடிக்காமல் இருக்க முடியாது என்கிற நிலை ஏற்பட்டுவிடுகின்றது. அப்போதுதான் பிரச்சனைகளும் போராட்டங்களும் பூதாகரமாய் எழுகின்றன.

குடிக்கின்ற எவனும் தனக்கென்று ஒரு நியாயத்தை வைத்திருக்கின்றான். அப்படி ஒரு நியாயத்தில் தன்னை நிரபராதியாகக் கருதுவதில் சமாதானப்பட்டுக் கொள்கின்றான்.

கார்ப்பரேட் நிறுவனங்கள் முதல், சிறுசிறு நிறுவனங்கள் வரை பெரும்பாலான இடங்களில் விழா விருந்து என்றால், மது ஒரு தவிர்க்க முடியாத அங்கமாகத்தான் இருக்கின்றது. அதனை 'நாகரிகக் கலாச்சாரம்' என்று கருதுகிறார்கள். ஆணும் பெண்ணும் சேர்ந்து குடித்துக் கூத்தடிப்பதை 'நவயுகத்தின் முற்போக்குத்தனம்' என்று பெருமிதம் கொள்கின்றனர்.

மாணவர்கள், அன்றாடக் கூலித் தொழிலாளர்கள், நடுத்தர வர்க்கத்தினர் என எல்லா தரப்பினரிடமும் மதுப்பழக்கம் சகஜமாகிவிட்டது. இது மிகப்பெரிய சமூகச் சீரழிவையே நம் கண்முன் காட்டுகின்றது.

பர்த்டே பார்ட்டி, புரமோஷன் பார்ட்டி, வெட்டிங் பார்ட்டி, குழந்தை பிறந்தால் பார்ட்டி - இப்படி மகிழ்ச்சிக் கொண்டாட்டங்களில் மதுவிருந்து இல்லை என்றால், எந்தக் கொண்டாட்டமும் முழுமை பெறுவதில்லை.

காதலில் தோல்வி, தேர்வில் தோல்வி, வியாபாரத்தில் சரிவு, அலுவலகத்தில் பிரச்சனை, பாட்டி மரணம் - இத்தகைய காரணங்களை எல்லாம் குடிப்பதற்குரிய தருணங்களாகப் பயன்படுத்திக் கொள்வதில் 'குடிமக்கள்' சளைத்தவர்களில்லை.

குடிப்பழக்கத்தை சமூக அந்தஸ்தின் ஓர் அடையாளமாகக் கருதுபவர்களும் உண்டு. ஜாலியான பொழுதுகளில் உற்சாக ஊக்கியாக அதை பயன்படுத்துபவர்களும் உண்டு.

யார் எப்படி நியாயப்படுத்தினாலும், அதனால் ஏற்படுகின்ற விளைவு ஒன்றுதான்.

மது அருந்தும் போது உடம்பில் ஏதோ அபூர்வ சக்தி ஏற்படுவது போன்ற ஓர் உணர்வு. புத்துணர்ச்சி பொங்கி வழிவதாக ஒரு கற்பனை. நோய்கள் அதிகரிக்கும் போதும், ஆரோக்கியமாக இருப்பது போன்ற எண்ணம். எதார்த்தத்தை உணராமல் ஆபத்தின் வாயில் தலையைக் கொடுக்கின்ற பரிதாப நிலை.

நாளடைவில் உடம்பின் மத்திய நரம்புத் தொகுதியைப் பாதிக்கும். நடத்தையில் விபரீதமான மாற்றத்தைக் கொண்டுவரும். உளவியலில் பாதிப்பை ஏற்படுத்தும்.

ரத்த அழுத்தம் கூடும். காரணமின்றிக் கோபம் வரும். கையில் பணமில்லை என்றால் தாறுமாறாக சிந்திக்கத் தூண்டும். மனிதத் தன்மையே இல்லாமல் போய்விடும்.

குடிகாரன் தள்ளாடுகிறான். அவன் தள்ளாடும் போது, அவன் மட்டுமல்ல; அவன் குடும்பமும் தள்ளாடுகின்றது, தத்தளிக்கின்றது. பொருளாதாரச் சீரழிவு குடும்பத்தின் நிம்மதியைச் சீர்குலைத்துவிடுகின்றது.

'வாழ்ந்து கெட்டவர்கள்' என்று சிலரைச் சுட்டிக் காட்டுவார்கள். ஏன் அப்படிச் சொல்கிறார்கள்? அதற்குப் பல காரணங்கள் இருக்கலாம். ஆனால், அவர்களில் பெரும்பாலானோர் குடிபோதைக்கு அடிமையாகித்தான் எல்லாவற்றையும் இழந்தவர்களாக இருப்பார்கள்.

கம்பீரமாய் நடந்தவர்கள் கையேந்தி நிற்பார்கள். ஊருக்குள் செல்வாக்குடன் வாழ்ந்தவர்கள், செல்லாக் காசாகித் தெருத்திண்ணைக்கு வந்துவிடுவார்கள்.

கவிஞர் தியாரூ

வாழ்க்கையை உதாசீனப்படுத்தியவர்களை, ஒரு கட்டத்தில் காலம் தலைகீழாகக் கவிழ்த்துப் போடுகிறது. இழக்க நேரிடுகின்ற எதையும், மீண்டும் பெறுவது கடினம். செல்வம், செல்வாக்கு, மானம், மரியாதை எல்லாவற்றிற்கும் அது பொருந்தும். இந்த உண்மையை உணர்ந்து கொண்டால் மட்டுமே, மயக்கத்தின் பிடியிலிருந்து ஒருவன் விடுபட முடியும்.

வாழ்க்கை அழகானது. அதனை அலங்கோலமாக்கிக் கொள்கின்றவனை யாரால் காப்பாற்றக்கூடும்! வாழ்க்கை இன்பமானது. அதனைத் துன்பமாக்கிக் கொள்கின்றவனை யார்தான் கரைசேர்க்கக்கூடும்!

புகை, மது, போதைப் பொருட்கள் சாதாரண விஷயங்கள் அல்ல. அவை, மனித சமூகத்தைச் சீரழிப்பதற்கென்றே விஸ்வரூபம் எடுத்து நிற்கின்ற மாபெரும் அழிவுச் சக்திகள்.

பள்ளி கல்லூரி மாணவர்கள், இளைஞர்கள், இளம்பெண்கள் ஆகியோரிடையே போதைப் பழக்கங்கள் தொற்றிக் கொண்டுள்ளதே. அதுதான் இன்றைய உலகிற்கு மிகப்பெரிய அச்சுறுத்தல்; ஆபத்து.

ஏதோ காரா பூந்தி வாங்குவதுபோல் கஞ்சா மற்றும் போதைப் பொருட்களை சுலபமாக வாங்க முடிகிறதாம். இன்று எண்ணற்ற இளைஞர்கள் அதற்கு இரையாகிக் கொண்டிருக்கிறார்கள்.

படிப்பில் கவனம் இல்லை. வேலையில் நாட்டம் இல்லை. குடும்ப வாழ்வில் ஈடுபாடு இல்லை. போதைக்குமேல் போதை தேவை என்னும் அபாயகரமான நிலைக்கு வந்துவிடுகிறார்கள். பணத்திற்காக சமூக விரோதச் செயல்களில் ஈடுபடுகிறார்கள். பாலியல் வன்கொடுமைக் குற்றங்களும் அதிகரிக்கின்றன. இப்படியே போனால், இந்த உலகின் எதிர்காலம் என்னாகும். நினைத்துப் பார்க்கவே பயமாக இருக்கிறது.

கர்ப்பிணிப் பெண்கள் மதுவைத் தொட்டால், கருவின் ஆரம்ப நிலையையும் கருவையும் கடுமையாகப் பாதிக்கும் என்று மருத்துவர்கள் கூறுகிறார்கள். இது ஓர் எச்சரிக்கை.

ஈரல், இரைப்பை ஆகியவற்றை மதுபானம் ஒரு கை பார்த்துவிடும். மாரடைப்பு ஏற்படக்கூடும். மூளையில் சேதங்கள் உண்டாகலாம். இவையெல்லாம் தேவைதானா!

ஆரோக்கியமான சந்ததியை உருவாக்கினால்தான், அறிவுப்பூர்வமான சமுதாயம் உருவாகும். இல்லையெனில், நோய்பிடித்து நலிவடைந்து நடுங்குகின்ற சமுதாயத்தைதான் இனி பார்க்க நேரிடும்.

அன்றாடம் சாலை விபத்துகள். எத்தனையோ உயிர்கள் பலியாகின்றன. அதற்குப் பல்வேறு காரணங்கள். எனினும், போதையில் வாகனம் ஓட்டுபவர்களால் ஏற்படுகின்ற விபத்துகள் அதிகம். ஒருவரின் போதை மயக்கத்தால், எத்தனை எத்தனை உயிர்கள் சேதமடைகின்றன! எத்தனைக் குடும்பங்கள் நிராதரவாகின்றன!

மது உள்ளே இறங்கிவிட்டால், சிலர் வீராதி வீரர் ஆகிவிடுவார்கள். வாய்க்கு வந்தபடி பேசத் தொடங்குவார்கள். தெருவில் போவோர் வருவோரை எல்லாம் வம்புக்கு இழுப்பார்கள். அடிதடி உண்டாகும்.

ஆக, போதைப்பழக்கம் என்பது தனிமனிதனை மட்டுமல்ல; அதில் சம்பந்தப்படாத மற்றவர்களையும் பாதிக்கின்றது. குடும்பங்களிலும் சமூகத்திலும், இப்பிரச்சனை இன்று கோர தாண்டவமாடுகிறது.

போதை என்பது சுகமல்ல, வாதை; மயக்கம் என்பது பெருமிதம் அல்ல, பேதைமை; வெறி கொள்ளுதல் ஆரோக்கியம் அல்ல, அழிவு என்கிற மனத்தெளிவு ஏற்பட வேண்டும். அப்போதுதான் போதைப்பழக்கம் நீங்கும்; மானுடம் தழைத்தோங்கும்.

வாழ்க்கை என்பது ஒவ்வொருவருக்கும் கிடைத்திருக்கின்ற மிகப்பெரிய பரிசு. இந்தப் பரிசுக்குள் எத்தனையோ இன்பங்கள் இருக்கின்றன. குடும்பப் பாசம், நட்பின் நேசம், குழந்தைச் செல்வம், உறவுகளின் பிணைப்பு, உயர்வு, மகிழ்ச்சி என அனைத்தையும் உள்ளடக்கி இருக்கின்ற வாழ்வின் ஒவ்வொரு நொடியையும் நாம் ரசித்து ரசித்து அனுபவிக்க வேண்டும்.

ஆரோக்கியமான உடலும் நல்ல மனநிலையும் இருந்தால்தான் அது சாத்தியம். எனவே, தனிமனித ஒழுக்கம் மற்றும் சமூகப் பொறுப்புணர்வு நமக்கு அவசியமாகின்றன.

பிரச்சனைகளுக்கு ஒருபோதும் போதை மயக்கம் தீர்வாகாது. அத்தகைய தருணங்களில் உணர்ச்சிவசப்படாமல், சற்று நேரம் அமைதியாக இருங்கள். உங்கள் நலனையும், மனைவி மக்களின் மகிழ்ச்சியையும் எண்ணிப் பாருங்கள்.

'மதுவைத் தொடுவதா விடுவதா' என்னும் குழப்பம் ஏற்படும்போது, 'விடுவது' என்று உடனடியாகத் தீர்மானியுங்கள். அதில் உறுதி கொள்ளுங்கள். உங்களுக்குள் ஒரு வெளிச்சம் வரும். பிரச்சனைகளுக்கான தீர்வு கிடைக்கும்.

உங்களிடம் போதைப் பழக்கத்தைத் தூண்டுபவர்கள் உங்கள் விரோதிகள் என்பதை நம்புங்கள். தொடர்பை அறவே துண்டித்திடுங்கள். நல்லவர்களோடு பழகுங்கள். நல்லவற்றைச் செய்யுங்கள். பணத்தை நல்வழியில் பயன்படுத்துங்கள்.

வாழ்வில் சுகதுக்கங்கள் இயல்பானவை. அவற்றை சரிசமமாய் எண்ணுங்கள். வாழ்வை நலமுடன் கொண்டாடி மகிழுங்கள்.

போன்: 9940056332

விஜய் தற்பொழுது வெங்கட் பிரபு இயக்கத்தில் கோட் திரைப்படத்தில் நடித்துள்ளார். திரைப்படம் வெளியாகி மக்களிடம் மாபெரும் வரவேற்பை பெற்று வெற்றி பெற்றுள்ளது. அடுத்ததாக விஜய் நடிக்கும் தளபதி 69 படத்தில் நடிக்கவுள்ளார். இப்படமே விஜய் நடிக்கும் கடைசி படம் என அவர் அறிவித்து இருந்தார். அதற்கடுத்து முழுவதும் அரசியல் பணியில் ஈடுப்படவுள்ளதாக கூறியிருந்தார்.

தளபதி 69 படத்தை தீரன், துணிவு போன்ற அட்டகாசமான படங்களை இயக்கிய எச். வினோத் இயக்கவுள்ளதாக தகவல் வெளியாகியது. இதனை உறுதி படுத்தும் வகையில் எச். வினோத் ப்ரீ ப்ரொடக்ஷன் பணிகளில் ஈடுப்பட்டு வருவதாகவும் சென்னையில் ஆபிஸ் போடப்பட்டு உள்ளதாகவும் கூறப்படுகிறது. இதனை சமீபத்தில் எச்.வினோத் ஒரு விருது வழங்கும் விழாவில் கூறினார்.

மேலும் இப்படத்தில் கதாநாயகியாக சமந்தா நடிக்கவுள்ளார். இசையை அனிருத் மேற் கொள்கிறார். பிரபல தயாரிப்பு நிறுவனமான கே.வி.என் நிறுவனம் தயாரிக்கவுள்ளது. சத்யன் சூர்யன் ஒளிப்பதிவை மேற் கொள்கிறார். படத்தின் படத்தொகுப்பாளராக பிரதீப் இ ராகவ் பணியாற்றவுள்ளார் என தகவல்கள் வெளியாகின.

கே.வி. என் தயாரிப்பு நிறுவனம் தற்பொழுது அவர்கள் தயாரிக்கும் முதல் தமிழ் திரைப்படம் என விஜய் படத்தில் உல்ல கிளிம்ப்ஸ் காட்சிகளை வைத்து வீடியோ வெளியிட்டுள்ளனர். தளபதி 69 படத்தின் அதிகாரப்பூர்வ தகவல் இன்று மாலை 5 மணிக்கு வெளியாகவுள்ளது. இதனால் ரசிகர்கள் மிகவும் மகிழ்ச்சியில் உள்ளனர்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

சென்னை:

சென்னை மாநகராட்சி மூலம் 388 அம்மா உணவகங்கள் செயல்படுகின்றன. மறைந்த முன்னாள் முதலமைச்சர் ஜெயலலிதாவால் தொடங்கப்பட்ட இந்த உணவகங்கள் செயல்படும் கட்டிடங்கள் சேதம் அடைந்துள்ளன.

பாத்திரங்கள், கிரைண்டர், மிக்சி போன்றவை ரிப்பேர் ஆகி கிடக்கின்றன. இதனால் அங்கு பணிபுரியும் ஊழியர்கள் பல்வேறு சிரமங்களை சந்திக்கின்றனர்.

இந்த நிலையில் அம்மா உணவகங்களை சீரமைக்கவும், உடைந்து போன பாத்திரங்களை மாற்றவும் மாநகராட்சி கூட்டத்தில் தீர்மானம் நிறைவேற்றப்பட்டது.

388 அம்மா உணவகங்களுக்கும் பாத்திரங்கள் மற்றும் சமையல் அறை உள்ளிட்டவற்றை சரி செய்ய ரூ.7 கோடியே 6 லட்சம் நிதி ஒதுக்கப்பட்டுள்ளது. ஒவ்வொரு அம்மா உணவகத்திற்கும் தலா ரூ.2 லட்சம் வீதம் செலவிடப்பட உள்ளது.

என்னென்ன பாத்திரங்கள் புதிதாக வாங்க வேண்டும் என்பது குறித்து கணக்கெடுக்கப்பட்டு இறுதி செய்யப்பட்டுள்ளது. அதேபோல கட்டிடங்களையும் பழுது பார்க்க ஆய்வு செய்யும் பணி நடந்தது. அம்மா உணவகங்கள் செயல்படும் கட்டிடங்களை சீரமைக்கும் வகையில் கணக்கெடுக்கப்பட்டது. அதில் இதுவரையில் 300 அம்மா உணவக கட்டிடங்களை சீரமைக்க கடிதம் பெறப்பட்டுள்ளது.

சென்னை:

ஜி.எஸ்.டி. குறித்து தனது ஆதங்கத்தை தெரிவித்த அன்னபூர்ணா உரிமையாளர் சீனிவாசன், மத்திய நிதியமைச்சர் நிர்மலா சீதாராமனிடம் மன்னிப்பு கேட்டதாக சமூக வலைத்தளங்களில் தற்போது வீடியோ ஒன்று வைரலாகி வருகிறது.

இந்த விவகாரம் தொடர்பாக அரசியல் தலைவர்கள் தொடர்ந்து கண்டனம் தெரிவித்து வருகின்றனர்.

இந்நிலையில் நாம் தமிழர் கட்சி ஒருங்கிணைப்பாளர் சீமான் செய்தியாளர்களுக்கு பேட்டி அளித்தார். அப்போது அவர் கூறியதாவது:

* மதுவை ஒழிக்கட்டும். திமுக வெல்லட்டும்.

* மதுவிற்கு எதிராக நீண்ட காலமாக போராடுபவர் எங்கள் ஐயா ராமதாஸ். அவரை மது ஒழிப்பு மாநாட்டிற்கு அழைக்க வேண்டும். ஆனால் என்னை மாநாட்டிற்கு அழைக்கவில்லை.

* 10 லட்சம் கோடி ரூபாய் முதலீடு வந்ததாகவும், 31 லட்சம் பேருக்கு வேலை கொடுத்ததாகவும் தொழில்துறை அமைச்சர் டி.ஆர்.பி.ராஜா சொல்கிறார். இதற்கு முதல்வரும் ஆமாம் என்று சொல்கிறார். இதை நீங்கள் நம்புகிறீர்களா?

* மத்திய அமைச்சர் நிர்மலா சீதாராமனிடம் அன்னபூர்ணா உரிமையாளர் பேசியது சத்தியமான உண்மை.

* அன்னபூர்ணா ஓட்டல் உரிமையாளர் மன்னிப்பு கேட்டாலும் பேசிய உண்மை மாறாது.

* அவர் கேட்ட கேள்வி நாடெங்கும் பரவிடுச்சு, அதை அதிகாரம் வந்து பணிய வைக்குது. அவர் எவ்வளவு தான் வருத்தம் தெரிவிச்சாலும் அந்த கேள்வியில் உள்ள உண்மையை சத்தியத்தை யாராலும் மறைக்க முடியாது என்று அவர் கூறினார்.

BRICS கூட்டமைப்பு என்பது 2009 ஆம் ஆண்டில் பிரேசில், ரஷியா, இந்தியா, சீனா ஆகிய நாடுகள் ஒன்றிணைத்து உருவாக்கிய ஒரு அமைப்பாகும். இதில் 2010 இல் தென் ஆப்பிரிக்கா இணைந்து கொண்டது. இந்த 5 நாடுகளில் பெயரில் உள்ள முதல் எழுத்தின் சுருக்கமே BRICS. கடந்த ஜனவரி 2024 இல் எகிப்து, எத்தியோப்பியா, இரான், ஐக்கிய அரபு அமீரகம் உள்ளிட்டவையும் இந்த அமைப்பில் இணைய இசைவு தெரிவித்துள்ளன.

BRICS கூட்டமைப்பின் முக்கிய நோக்கம், அமைதியை நிலைநாட்டுவது, பாதுகாப்பு , நாடுகளுக்கிடையேயான ஒத்துழைப்பு மற்றும் பொருளாதார உறவுகளை மேம்படுத்துவதே ஆகும். முதல் பிரிக்ஸ் மாநாடானது 2009 ஆம் ஆண்டு ஜூன் 16 அன்று ரஷியாவின் ஏகட்ரின்பர்க் [Yekaterinburg] நகரில் வைத்து நடந்தது. 16 வது பிரிக்ஸ் மாநாடானது வரும் அக்டோபர் 22 முதல் 24 வரை ரஷியாவின் காசன் [Kazan] நகரில் வைத்து நடக்க உள்ளது. இந்த மாநாட்டில் பங்கேற்க தற்போது ரஷியா சென்றுள்ள இந்திய பாதுகாப்பு ஆலோசகர் அஜித் தோவலிடம் இந்தியாவுக்கான அழைப்பு செய்தியைத் தெரிவித்துள்ளார் அதிபர் புதின்.

Egypt, Ethiopia, Iran and the United Arab Emirates. ஸ்விட்ஸ்ர்லாந்தில் உள்ள ஜெனிவா சென்டரில் நடந்த ஐநா சபை கருத்தரங்கில் பங்கேற்ற இந்திய வெளியுறவுத் துறை அமைச்சர் ஜெய் சங்கர் BRICS கூட்டமைப்பு ஏன் உருவானது என்பதற்கு புதிய விளக்கம் ஒன்றைக் கூறியுள்ளார். அதாவது, அமரிக்கா மற்றும் ஐரோப்பிய நாடுகள் இடம்பெற்ற ஜி7 கூட்டமைப்பில் மற்ற யாரையும் அனுமதிக்காததால்தான் BRICS உருவானதாகக் கூறியுள்ளார்.

சர்வதேச பொருளாதார மற்றும் பாதுகாப்பு நல்லுறவுகளைப் பேண வளர்ச்சிப்பாதையில் இருக்கும் நாடுகளுக்குக் குழு தேவை. ஆனால் அதற்கான குழுவான ஜி7 இல் நீங்கள் யாரையும் நுழைய விடவில்லை. எனவே நாங்கள் எங்களுக்கான ஒரு குழுவை உருவாக்கினோம். நாளடைவில் அது மிகப்பெரிய ஒரு குழுவாகப் பரிணமித்துள்ளது. எல்லோரும் அந்த குழுவின் முக்கியத்துவத்தை உணரத் தொடங்கியுள்ளனர் என்று ஐநாவுக்கான பிரான்சில் முன்னாள் நிரந்தர பிரதிநிதியான ஜீன் டேவிட் லெவிட்டே [Jean David Levitte] எழுப்பிய கேள்விக்கு ஜெய்சங்கர் பதிலளித்துள்ளார். சமீபத்தில் இத்தாலியின் நடந்த ஜி7 மாநாட்டில் மோடி கலந்து கொண்டது குறிப்பிடத்தக்கது.

சென்னை:

ஜி.எஸ்.டி. குறித்து தனது ஆதங்கத்தை தெரிவித்த அன்னபூர்ணா உரிமையாளர் சீனிவாசன், மத்திய நிதியமைச்சர் நிர்மலா சீதாராமனிடம் மன்னிப்பு கேட்டதாக சமூக வலைத்தளங்களில் தற்போது வீடியோ ஒன்று வைரலாகி வருகிறது.

இந்த வீடியோவில் நிர்மலா சீதாராமனிடம் அன்னபூர்ணா உணவக உரிமையாளர் மன்னிப்பு கேட்டது பதிவாகி உள்ளது.

இந்நிலையில் அன்னபூர்ணா உணவக உரிமையாளர் மத்திய நிதியமைச்சர் நிர்மலா சீதாராமனிடம் மன்னிப்பு கேட்ட வீடியோ வெளியான விவகாரம் தொடர்பாக தமிழக பாஜக தலைவர் அண்ணாமலை மன்னிப்பு கோரி உள்ளார்.

இதுதொடர்பாக அவர் தனது எக்ஸ் தள பதிவில்,

தனிப்பட்ட இந்த சந்திப்பு குறித்த வீடியோவை எங்கள் நிர்வாகிகள் வெளியிட்டதற்கு வருத்தம் தெரிவிக்கிறேன்.

தமிழக பாஜக சார்பில் மன்னிப்பு கோருகிறேன் என்று தெரிவித்துள்ளார்.